Para os efectos previstos na Lei 54/1997, do 27 de novembro (BOE n.º 285), do sector eléctrico, e no título VII do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:
Solicitante: Unión Fenosa Distribución, S.A.
Enderezo social: avda. de Arteixo, 171, 15007 A Coruña.
Denominación: recuamento L.M.T. lugar da Pallota núcleo.
Situación: concello de Ferrol.
Características técnicas:
Liña eléctrica de media tensión subterránea SMR-726, a 15/20 kV, cunha lonxitude de 0,131 km, con orixe no apoio n.º 21 da L.M.T. SMR-726, tramo entre o C.T. San Xoán Espiño e o C.T. Cidade Xardín, condutor tipo R.H.Z.1-2OL-12/20 kV 3(1x240 Al) e final en empalmes que se realizarán na L.M.T.S. existente, en tramo entre o C.T. San Xoán Espiño e o C.T. Cidade Xardín. Concello de Ferrol.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no edificio administrativo de Monelos, s/n, 15071 A Coruña, no prazo de vinte días a partir da última publicación.
A Coruña, 30 de maio de 2011.
Tristana Moraleja Gómez
Xefa territorial da Coruña