A Xunta de Goberno local, en sesión ordinaria do día 21 de decembro de 2011, adoptou o acordo n.º 12/842, que na parte dispositiva fai constar:
Primeiro. A aprobación da oferta de emprego público para o ano 2011, co número de prazas de persoal funcionario que figuran no anexo e coa indicación das categorías profesionais en que se distribúen.
Segundo. As bases das convocatorias que se van realizar conterán o sistema de selección que se determine, dentro do marco legal vixente, tendo que se garantir, en todo caso, os principios de igualdade, mérito, capacidade e publicidade consagrados na Constitución.
Terceiro. Este acordo publicarase no Diario Oficial de Galicia e no Boletín Oficial da provincia de Lugo.
Lugo, 23 de decembro de 2011.
José Clemente López Orozco
Alcalde
ANEXO
– Persoal funcionario:
Grupo A2. Escala de administración especial. Número de vacantes: 1 (quenda libre). Denominación: enxeñeiro/a técnico/a topógrafo/a.
Grupo A2. Escala de administración especial. Número de vacantes: 1 (quenda libre). Denominación: arquitecto/a técnico/a.
Grupo A2. Escala de administración xeral. Número de vacantes: 1 (quenda libre). Denominación: técnico/a medio/a da área económica.
Grupo C1. Escala de administración especial. Número de vacantes: 1 (quenda libre). Denominación: técnico/a en xardín de infancia.
Grupo C1. Escala de administración especial. Número de vacantes: 1 (quenda libre). Denominación: técnico/a superior en informática.
Grupo C2. Escala de administración especial. Número de vacantes: 2 (quenda libre). Denominación: bombeiro/a condutor/a.
Agrupacións profesionais. Escala de administración especial. Número de vacantes: 1 (quenda de persoas discapacitadas). Denominación: celador/a para colexio público.