Con data do 3 de agosto de 2012, o director xeral de Innovación e Xestión da Saúde Pública da Consellería de Sanidade, ditou resolución do expediente sancionador número 2012083TA-CO, incoado na Xefatura Territorial da Consellería de Sanidade da Coruña a Val de Lanzos, S.L., titular do establecemento Pub La Catedral.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio da presente cédula, e seguindo o disposto no número 5 do referido artigo, notifícase a Val de Lanzos, S.L., titular do establecemento Pub La Catedral, o contido da referida resolución que figura como anexo, para que poida ter coñecemento dela.
Así mesmo, fáiselle saber o dereito que o asiste para interpor recurso de alzada ante a conselleira de Sanidade no prazo dun mes, contado desde o día seguinte ao da publicación da presente cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente, depositado nas dependencias da Dirección Xeral de Innovación e Xestión da Saúde Pública, sita en San Lázaro s/n, Santiago de Compostela, e obter, de ser o caso, unha copia, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en Caixa Galicia cta. contable 840, código 001 ou en Caixanova. Recadación Xunta: modelo XTAX e empregando os impresos normalizados que lle serán facilitados nas dependencias da Dirección Xeral de Innovación e Xestión da Saúde Pública. O pagamento voluntario porá fin ao expediente. De non facelo así, procederase ao seu cobramento pola vía de constrinximento.
A presente cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro.
Santiago de Compostela, 17 de setembro de 2012
Manuel Antonio Varela Rey
Director xeral de Innovación e Xestión da Saúde Pública
ANEXO
Nº de expediente: 2012083TA-CO.
Denunciada: Val de Lanzos, S.L., titular do establecemento Pub La Catedral.
DNI/CIF: B70314679.
Último enderezo coñecido: rúa Xeneral Pardiñas, nº 18, entreplanta A-B, Santiago de Compostela.
Feito imputado: infracción en materia sanitaria.
Preceptos infrinxidos: artigo 42 da Lei 8/2008; artigos 4.d), 19.3.n) e 20.1 da Lei 28/2005, do 26 de decembro.
Tipificación: grave.
Sanción imposta: 601 €.