O Real decreto 806/2006, do 30 de xuño, polo que se establece o calendario de aplicación da nova ordenación do sistema educativo, establecida pola Lei orgánica 2/2006, do 3 de maio, de educación, establece no seu artigo 18.2 que a implantación das titulacións correspondentes aos estudos de formación profesional e dos respectivos novos currículos comezará no ano académico 2007-2008 e deberá completarse dentro do prazo de aplicación da Lei orgánica 2/2006, do 3 de maio, de educación, sen prexuízo da súa actualización permanente, de acordo coas exixencias do Sistema nacional das cualificacións e da formación profesional.
No número 3 do devandito artigo establécese que, mentres non se produza a implantación regulada no punto anterior, seguirán vixentes as titulacións e os currículos derivados da Lei orgánica 1/1990, do 3 de outubro, de ordenación xeral do sistema educativo.
O Decreto 114/2010, do 1 de xullo, polo que se establece a ordenación xeral da formación profesional do sistema educativo de Galicia, regula no seu artigo 24 as probas para a obtención dos títulos de técnico e de técnico superior.
A Orde do 12 de xullo de 2011 regula o desenvolvemento, a avaliación e a acreditación académica do alumnado das ensinanzas de formación profesional inicial.
Como consecuencia da entrada en vigor dos novos títulos de formación profesional establecidos ao abeiro da Lei orgánica 2/2006, do 3 de maio, de educación, en substitución dos establecidos pola Lei orgánica 1/1990, do 3 de outubro, de ordenación xeral do sistema educativo, procede convocar a realización de probas libres de módulos profesionais dos ciclos formativos que se extinguen, co fin de lle permitir finalizar os estudos e lograr a titulación ao alumnado que se vexa afectado pola implantación das novas ensinanzas.
Por todo o anterior, a Consellería de Cultura, Educación e Ordenación Universitaria, facendo uso das competencias que lle confire o artigo 34.6° da Lei 1/1983, do 22 de febreiro, de normas reguladoras da Xunta e da súa Presidencia,
DISPÓN:
Artigo 1. Obxecto
1. Esta orde ten por obxecto establecer en centros públicos a realización de dúas convocatorias de probas libres para a obtención de títulos de formación profesional actualmente extinguidos dos establecidos ao abeiro da Lei orgánica 1/1990, do 3 de outubro, de ordenación xeral do sistema educativo, co fin de lle permitir finalizar os estudos e lograr a titulación ao alumnado que cursase as ensinanzas dos devanditos títulos na Comunidade Autónoma de Galicia.
A relación de ciclos formativos para os que se convocan probas libres de módulos profesionais de títulos extinguidos no curso académico 2013-2014 e a dos centros públicos en que se realizarán as devanditas probas figuran no anexo I desta orde.
2. As dúas convocatorias terán lugar no curso académico seguinte ao da extinción definitiva da docencia do título, consonte o seguinte calendario:
A primeira convocatoria realizarase no mes de setembro, antes do comezo das actividades lectivas, co fin de posibilitar a matrícula no ciclo equivalente establecido ao abeiro da Lei orgánica 2/2006, do 3 de maio, de educación.
A segunda convocatoria realizarase no mes de xuño, coincidindo co remate das actividades lectivas.
3. Poderán ser obxecto de avaliación nas devanditas convocatorias todos os módulos profesionais dos ciclos formativos extinguidos agás o de formación en centros de traballo (FCT), que se regulará segundo o disposto no artigo 8 desta orde.
4. O alumnado con módulos pendentes en ciclos formativos de menos de 2.000 horas de duración tras a realización da primeira convocatoria prevista de probas libres poderá solicitar praza no segundo curso polo réxime ordinario, para os efectos de rematar o ciclo formativo que se extingue, se cumpre os correspondentes criterios de promoción.
5. O alumnado con módulos pendentes diferentes ao de FCT, tras a realización de calquera das dúas convocatorias previstas de probas libres e que desexe finalizar os seus estudos, poderá matricularse, de ser o caso, nas ensinanzas do título equivalente establecido ao abeiro da Lei orgánica 2/2006, do 3 de maio, de educación, para o que se aplicará o réxime de validacións de módulos establecidos no real decreto correspondente.
No caso do réxime ordinario, a matrícula formalizarase no curso que corresponda en función do cumprimento dos requisitos de promoción.
Artigo 2. Lugar e prazo de presentación de solicitudes
1. As solicitudes de inscrición para participar nas probas libres obxecto desta orde presentaranse nas secretarías dos centros públicos que ofreceran as correspondentes ensinanzas no momento da súa extinción e irán dirixidas ao seu director ou directora, de acordo co seguinte:
a) As persoas aspirantes que cursaran o ciclo formativo nun centro público deberán presentar necesariamente a solicitude no mesmo centro en que estiveran matriculadas. En caso de non ofrecerse o ciclo formativo no momento da extinción, rexerase polo disposto na alínea b).
b) No caso de alumnado procedente de centros privados, deberase presentar a solicitude nalgún dos centros públicos a que se fai referencia anteriormente.
2. Establécense dous prazos de presentación de solicitudes, en función das convocatorias previstas:
a) Para a primeira convocatoria: do 10 ao 20 de xullo de 2013.
b) Para a segunda convocatoria: do 10 ao 20 de maio de 2014.
3. O modelo de solicitude axustarase ao establecido no anexo II desta orde. Xuntarase a documentación acreditativa que corresponda.
4. Os centros farán pública no taboleiro de anuncios a relación provisional de persoas admitidas no prazo máximo de dous días hábiles desde a finalización do prazo correspondente. Poderase presentar reclamación no prazo máximo de tres días hábiles.
Artigo 3. Requisitos das persoas solicitantes
Para poderen acceder á realización das probas libres obxecto desta orde correspondentes a un título de técnico ou de técnico superior extinguido, as persoas aspirantes deberán cumprir o seguinte:
a) Cumprir os requisitos académicos de acceso directo ou mediante proba aos ciclos formativos correspondentes de grao medio ou superior, establecidos no artigo 41 da Lei orgánica 2/2006, do 3 de maio, de educación.
b) Ter formalizada en cursos académicos anteriores a matrícula nalgún centro educativo de Galicia e nun ciclo formativo actualmente extinguido, derivado da Lei orgánica 1/1990, do 3 de outubro, de ordenación xeral do sistema educativo, dos que se convocan probas libres de módulos profesionais.
c) Non estar matriculado/a simultaneamente nas probas libres obxecto desta orde e no ciclo formativo establecido ao abeiro da Lei orgánica 2/2006, do 3 de maio, de educación, que substitúa o establecido ao abeiro da Lei orgánica 1/1990, do 3 de outubro, de ordenación xeral do sistema educativo.
d) Consonte o establecido no artigo 47 do Decreto 114/2010, do 1 de xullo, durante o período de vixencia da matrícula, unha persoa non poderá estar matriculada simultaneamente nun mesmo módulo profesional nas modalidades a distancia, semipresencial ou presencial, así como nas probas para a obtención deste.
Artigo 4. Elaboración, contido e estrutura das probas
1. En cada centro dos que se recollen no anexo I constituirase unha comisión de avaliación formada polo profesorado dos departamentos correspondentes, que deseñará as probas para cada un dos módulos profesionais do ciclo formativo, agás o de formación en centros de traballo.
A devandita comisión estará presidida polo xefe ou a xefa do departamento da familia profesional a que pertenza o ciclo formativo.
2. As probas axustaranse aos currículos dos ciclos formativos que se extinguen, e abranguerán contidos teóricos e prácticos que permitan evidenciar, a través dos criterios de avaliación correspondentes, se a persoa aspirante alcanzou os obxectivos específicos establecidos para cada módulo en relación cos obxectivos xerais do ciclo formativo.
3. A estrutura da proba, o procedemento e os criterios de avaliación deberanse publicar no taboleiro de anuncios do centro cunha antelación mínima de dous días con respecto ao comezo da realización das probas.
4. Cada módulo profesional será avaliado por un único membro do profesorado, que asinará as actas de avaliación correspondentes.
Artigo 5. Validación de módulos profesionais
1. As persoas aspirantes admitidas para a realización das probas poderán ter dereito ás validacións de módulos profesionais de ciclos formativos a que se fai referencia nas letras a), b) e c) do punto 2 da disposición transitoria segunda da Orde do 12 de xullo de 2011 pola que se regula o desenvolvemento, a avaliación e a acreditación académica do alumnado das ensinanzas de formación profesional inicial.
Así mesmo, as persoas que teñan acreditadas unidades de competencia de títulos establecidos ao abeiro da Lei orgánica 1/1990, do 3 de outubro, de ordenación xeral do sistema educativo, poderán solicitar a validación dos módulos profesionais asociados ante o director ou a directora do centro educativo.
2. Quen desexe solicitar a validación dalgún módulo profesional deberao facer constar expresamente no momento de presentar a solicitude de inscrición para as probas, para o que cumprirá xuntar a documentación que acredite o cumprimento dos requisitos exixidos para a obter.
Artigo 6. Cualificación final das probas libres
1. A expresión da cualificación final obtida por cada aspirante en cada un dos módulos profesionais realizarase nos termos previstos no artigo 37 da Orde do 12 de xullo de 2011 pola que se regula o desenvolvemento, a avaliación e a acreditación académica do alumnado das ensinanzas de formación profesional inicial.
2. As persoas aspirantes poderán presentar reclamación contra as cualificacións finais alcanzadas en cada módulo no centro en que se realizaran as probas, consonte o procedemento establecido no artigo 45.2 da citada Orde do 12 de xullo de 2011. As reclamacións basearanse necesariamente nalgún dos aspectos recollidos no artigo 4.3 desta orde.
Artigo 7. Certificación
A superación das probas libres de módulos profesionais dará dereito a unha certificación individual por cada módulo superado, de acordo co establecido no artigo 43.4 da Orde do 12 de xullo de 2011 pola que se regula o desenvolvemento, a avaliación e a acreditación académica do alumnado das ensinanzas de formación profesional inicial. O modelo de certificación será o establecido no anexo XI da devandita orde.
Artigo 8. Módulo de formación en centros de traballo en títulos extinguidos
1. O alumnado que teña pendente de superación unicamente o módulo de formación en centros de traballo logo de que se produza a extinción definitiva da docencia dun determinado ciclo formativo ou tras a realización dalgunha das dúas convocatorias a que se fai referencia no artigo 1 desta orde poderá solicitar a súa realización nalgún dos prazos e dos períodos extraordinarios establecidos na Orde do 28 de febreiro de 2007 pola que se regula o módulo profesional de formación en centros de traballo da formación profesional inicial para o alumnado matriculado en centros educativos da Comunidade Autónoma de Galicia.
2. O módulo de formación en centros de traballo dun título extinguido poderá realizarse como máximo ata o seguinte curso académico ao da realización das convocatorias de probas previstas no artigo 1 desta orde.
3. A inscrición para solicitar a exención ou cursar o módulo de formación en centros de traballo será realizada polo réxime de proba libre nos mesmos centros a que se fai referencia no artigo 2.1 desta orde, sen prexuízo do establecido no artigo 1.4 desta orde.
4. Para ter dereito á exención do módulo de formación en centros de traballo, ademais do cumprimento dos requisitos xerais establecidos na normativa vixente, cumprirá ter superado o resto dos módulos profesionais do ciclo formativo. A documentación para presentar é a que se especifica no artigo noveno da citada Orde do 28 de febreiro de 2007. A exención da FCT resolverase logo de publicada a resolución das cualificacións definitivas do resto dos módulos profesionais.
5. Para o seguimento do módulo de formación en centros de traballo terase en conta o disposto na Orde do 28 de febreiro de 2007 pola que se regula o módulo profesional de formación en centros de traballo da formación profesional inicial para o alumnado matriculado en centros educativos da Comunidade Autónoma de Galicia.
Artigo 9. Titulación
As persoas interesadas que superen todos os módulos profesionais dun determinado ciclo formativo e superen o módulo de formación en centros de traballo ou sexan eximidas del, de acordo co establecido no artigo 8 desta orde, poderán solicitar a expedición do título correspondente.
Nestes casos os centros educativos realizarán a proposta de título polo réxime de «proba libre».
Disposición derradeira primeira. Desenvolvemento normativo
Autorízase a Dirección Xeral de Educación, Formación Profesional e Innovación Educativa para desenvolver esta orde.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 21 de xuño de 2013
Jesús Vázquez Abad
Conselleiro de Cultura, Educación e Ordenación Universitaria
Anexo I
Convocatoria de probas libres de módulos profesionais para a obtención de títulos extinguidos establecidos ao abeiro da Lei orgánica 1/1990, do 3 de outubro,
de ordenación xeral do sistema educativo
Relación de ciclos formativos e centros públicos. Curso académico 2013-2014
Código ciclo |
Ciclo extinguido LOXSE |
Concello |
Código centro |
Centro |
CS04001 |
CS Administración e finanzas |
Arteixo |
15023314 |
IES de Sabón |
Arzúa |
15027733 |
IES de Arzúa |
||
Barco de Valdeorras, O |
32001725 |
IES Lauro Olmo |
||
Betanzos |
15001148 |
IES As Mariñas |
||
Boiro |
15026698 |
IES Espiñeira |
||
Bueu |
36019463 |
IES Johan Carballeira |
||
Burela |
27013934 |
IES Perdouro |
||
Cangas |
36019475 |
IES de Rodeira |
||
Cambados |
36019396 |
IES Francisco Asorey |
||
Cambre |
15027873 |
IES Afonso X O Sabio |
||
Chantada |
27003175 |
IES Val do Asma |
||
Carballiño, O |
32015037 |
IES Manuel Chamoso Lamas |
||
Carballo |
15002591 |
IES Monte Neme |
||
Cee |
15003224 |
IES Fernando Blanco |
||
Cedeira |
15026376 |
IES Punta Candieira |
||
Coruña, A |
15005397 |
IES Fernando Wirtz Suárez |
||
Estrada, A |
36002359 |
IES Antón Losada Diéguez |
||
Ferrol |
15006778 |
CIFP Rodolfo Ucha Piñeiro |
||
Guarda, A |
36019244 |
IES A Sangriña |
||
Lalín |
36013758 |
IES Laxeiro |
||
Lugo |
27015773 |
IES Muralla Romana |
||
Moaña |
36004745 |
IES A Paralaia |
||
Monforte de Lemos |
27015311 |
IES A Pinguela |
||
Narón |
15026455 |
IES Terra de Trasancos |
||
Nigrán |
36015184 |
IES Escolas Proval |
||
Noia |
15026731 |
IES Campo de San Alberto |
||
Ourense |
32016765 |
CIFP Portovello |
||
Padrón |
15023090 |
IES Macías o Namorado |
||
Ponteareas |
36014520 |
IES Pedra da Auga |
||
Pontes de García Rodríguez, As |
15021767 |
IES Castro da Uz |
||
Pontevedra |
36018677 |
IES Luís Seoane |
||
Porriño, O |
36019529 |
IES Ribeira do Louro |
||
Redondela |
36016656 |
IES Pedro Floriani |
||
Ribadeo |
27020793 |
CIFP Porta da Auga |
||
Ribeira |
15027711 |
IES Leliadoura |
||
Santa Comba |
15026030 |
IES Terra de Xallas |
||
Santiago de Compostela |
15027058 |
IES As Fontiñas |
||
Sanxenxo |
36019256 |
IES de Vilalonga |
||
Sarria |
27012036 |
IES Gregorio Fernández |
||
Vimianzo |
15026418 |
IES Terra de Soneira |
||
Vigo |
36017430 |
IES Ricardo Mella |
||
Vilagarcía de Arousa |
36019669 |
IES Armando Cotarelo Valledor |
||
Vilalba |
27013326 |
IES Lois Peña Novo |
||
Viveiro |
27013636 |
IES María Sarmiento |
||
Verín |
32013582 |
IES García-Barbón |
||
Xinzo de Limia |
32014801 |
IES Cidade de Antioquía |
||
CS01002 |
CS Xestión e organización dos recursos naturais e paisaxísticos |
Arzúa |
15027733 |
IES de Arzúa |
Becerreá |
27000617 |
CFEA Alta Montaña |
||
Castro de Rei |
27015891 |
IES da Terra Chá, José Trapero Pardo |
||
Mondoñedo |
27006966 |
IES San Rosendo |
||
Ponteareas |
36007552 |
CIFP A Granxa |
||
Pontevedra |
36020192 |
CFEA de Lourizán |
||
Xinzo de Limia |
32014801 |
IES Cidade de Antioquía |
||
CM05003 |
CM Preimpresión en artes gráficas |
Coruña, A |
15004204 |
IES Calvo Sotelo |
Ferrol |
15021469 |
IES Leixa |
||
Pontevedra |
36006419 |
IES Montecelo |
||
Santiago de Compostela |
15016000 |
CIFP Compostela |
||
CM08003 |
CM Obras de formigón |
Coruña, A |
15024513 |
CIFP Someso |
Carballeda de Valdeorras |
32016467 |
IES Sección de Sobradelo-Carballeda |
||
CM08002 |
CM Obras de albanelaría |
Coruña, A |
15024513 |
CIFP Someso |
Carballeda de Valdeorras |
32016467 |
IES Sección de Sobradelo-Carballeda |
||
CM08001 |
CM Acabados de construción |
Ribadeo |
27020793 |
CIFP Porta da Auga |
CS08002 |
CS Desenvolvemento de proxectos urbanísticos e operacións topográficas |
Coruña, A |
15024513 |
CIFP Someso |
Ferrol |
15006778 |
CIFP Rodolfo Ucha Piñeiro |
||
Lugo |
27006516 |
CIFP Politécnico de Lugo |
||
Ourense |
32015050 |
CIFP A Farixa |
||
Pontevedra |
36019268 |
IES Gonzalo Torrente Ballester |
||
Santiago de Compostela |
15027058 |
IES As Fontiñas |
||
Vigo |
36011634 |
IES Politécnico de Vigo |
||
CS09002 |
CS Desenvolvemento de produtos electrónicos |
Burela |
27013934 |
IES Perdouro |
Carballo |
15002591 |
IES Monte Neme |
||
Coruña, A |
15005269 |
IES Urbano Lugrís |
||
Culleredo |
15005749 |
IES Universidade Laboral |
||
Ferrol |
15006754 |
CIFP Ferrolterra |
||
Lugo |
27006516 |
CIFP Politécnico de Lugo |
||
Nigrán |
36015184 |
IES Escolas Proval |
||
Ourense |
32015050 |
CIFP A Farixa |
||
Pontevedra |
36014489 |
CIFP A Xunqueira |
||
Santiago de Compostela |
15015767 |
CIFP Politécnico de Santiago |
||
Vigo |
36017430 |
IES Ricardo Mella |
||
CS09003 |
CS Sistemas de regulación e control automáticos |
Coruña, A |
15005269 |
IES Urbano Lugrís |
Ferrol |
15006754 |
CIFP Ferrolterra |
||
Padrón |
15023090 |
IES Macías o Namorado |
||
Santiago de Compostela |
15015767 |
CIFP Politécnico de Santiago |
||
Vigo |
36011634 |
IES Politécnico de Vigo |
||
Vilagarcía de Arousa |
36013771 |
IES Fermín Bouza Brey |
||
CS09004 |
CS Sistemas de telecomunicación e informáticos |
Cangas |
36019475 |
IES de Rodeira |
Cambados |
36019396 |
IES Francisco Asorey |
||
Coruña, A |
15005269 |
IES Urbano Lugrís |
||
Ferrol |
15006754 |
CIFP Ferrolterra |
||
Lugo |
27006516 |
CIFP Politécnico de Lugo |
||
Monforte de Lemos |
27007247 |
IES Francisco Daviña Rey |
||
Ourense |
32015050 |
CIFP A Farixa |
||
Pontevedra |
36014489 |
CIFP A Xunqueira |
||
Santiago de Compostela |
15015767 |
CIFP Politécnico de Santiago |
||
Sarria |
27012036 |
IES Gregorio Fernández |
||
Vigo |
36017430 |
IES Ricardo Mella |
||
CS07001 |
CS Realización de audiovisuais e espectáculos |
Coruña, A |
15027800 |
IES Imaxe e Son |
Vigo |
36024461 |
IES Audiovisual de Vigo |
||
CS07002 |
CS Produción de audiovisuais, radio e espectáculos |
Coruña, A |
15027800 |
IES Imaxe e Son |
Ourense |
32015050 |
CIFP A Farixa |
||
Vigo |
36024461 |
IES Audiovisual de Vigo |
||
CS07003 |
CS Imaxe |
Coruña, A |
15027800 |
IES Imaxe e Son |
CS07004 |
CS Son |
Coruña, A |
15027800 |
IES Imaxe e Son |
Vigo |
36024461 |
IES Audiovisual de Vigo |
||
CM12003 |
CM Perrucaría |
Barco de Valdeorras, O |
32001725 |
IES Lauro Olmo |
Bueu |
36019463 |
IES Johan Carballeira |
||
Burela |
27013934 |
IES Perdouro |
||
Coruña, A |
15024513 |
CIFP Someso |
||
Ferrol |
15025645 |
IES Ricardo Carballo Calero |
||
Lugo |
27015773 |
IES Muralla Romana |
||
Monforte de Lemos |
27015311 |
IES A Pinguela |
||
Ourense |
32009116 |
IES 12 de Outubro |
||
Pontevedra |
36006730 |
IES Frei Martín Sarmiento |
||
Santiago de Compostela |
15023466 |
IES Lamas de Abade |
||
Vigo |
36018173 |
IES de Teis |
||
CS12002 |
CS Estética |
Coruña, A |
15024513 |
CIFP Someso |
Ferrol |
15025645 |
IES Ricardo Carballo Calero |
||
Lugo |
27015773 |
IES Muralla Romana |
||
Ourense |
32009116 |
IES 12 de Outubro |
||
Pontevedra |
36006730 |
IES Frei Martín Sarmiento |
||
Santiago de Compostela |
15023466 |
IES Lamas de Abade |
||
Vigo |
36018173 |
IES de Teis |
||
CM17002 |
CM Instalación e mantemento electromecánico de maquinaria e condución de liñas |
Cedeira |
15026376 |
IES Punta Candieira |
Cee |
15003224 |
IES Fernando Blanco |
||
Coruña, A |
15005269 |
IES Urbano Lugrís |
||
Fene |
15032081 |
IES de Fene |
||
Sarria |
27012036 |
IES Gregorio Fernández |
||
Verín |
32013582 |
IES García-Barbón |
||
Vigo |
36011634 |
IES Politécnico de Vigo |
||
Vilagarcía de Arousa |
36013771 |
IES Fermín Bouza Brey |
||
CS17002 |
CS Mantemento de equipo industrial |
Cedeira |
15026376 |
IES Punta Candieira |
Sarria |
27012036 |
IES Gregorio Fernández |
||
Ourense |
32009131 |
IES Universidade Laboral |
||
Lalín |
36013758 |
IES Laxeiro |
||
Vigo |
36011634 |
IES Politécnico de Vigo |
||
Vigo |
36024525 |
CIFP de Coia |
||
Vilagarcía de Arousa |
36013771 |
IES Fermín Bouza Brey |
||
CM15001 |
CM Fabricación á medida e instalación de carpintaría e moble |
Coruña, A |
15004204 |
IES Calvo Sotelo |
Coruña, A |
15024513 |
CIFP Someso |
||
Estrada, A |
36002359 |
IES Antón Losada Diéguez |
||
Ferrol |
15006754 |
CIFP Ferrolterra |
||
Melide |
15008817 |
IES de Melide |
||
Lugo |
27006516 |
CIFP Politécnico de Lugo |
||
Ortigueira |
15020544 |
IES de Ortigueira |
||
Outeiro de Rei |
27020811 |
EPAPU de Bonxe |
||
Pontevedra |
36014489 |
CIFP A Xunqueira |
||
Santiago de Compostela |
15015767 |
CIFP Politécnico de Santiago |
||
Vigo |
36014568 |
CIFP Valentín Paz Andrade |
||
CS15001 |
CS Desenvolvemento de produtos en carpintaría e moble |
Coruña, A |
15024513 |
CIFP Someso |
Santiago de Compostela |
15032391 |
CIFP Santiago |
||
Ourense |
32020744 |
CIFP Santa María de Europa |
||
Vigo |
36014568 |
CIFP Valentín Paz Andrade |
||
CS15002 |
CS Produción de madeira e moble |
Coruña, A |
15024513 |
CIFP Someso |
Santiago de Compostela |
15032391 |
CIFP Santiago |
||
Ourense |
32020744 |
CIFP Santa María de Europa |
||
Vigo |
36014568 |
CIFP Valentín Paz Andrade |
||
CM03001 |
CM Mergullo a media profundidade |
Illa de Arousa, A |
36020209 |
Igafa Instituto Galego de Formación en Acuicultura |
CM03002 |
CM Operacións de cultivo acuícola |
Illa de Arousa, A |
36020209 |
Igafa Instituto Galego de Formación en Acuicultura |
CS03001 |
CS Navegación, pesca e transporte marítimo |
Culleredo |
15005749 |
IES Universidade Laboral |
Ribeira |
15027812 |
Esco. Oficial Náutico-Pesqueira |
||
Vigo |
36011804 |
Instituto Marítimo Pesqueiro do Atlántico |
||
CS19009 |
CS Próteses dentais |
Coruña, A |
15022607 |
CIFP Ánxel Casal-Monte Alto |
Lugo |
27006516 |
CIFP Politécnico de Lugo |
||
Santiago de Compostela |
15023466 |
IES Lamas de Abade |
||
Vigo |
36013448 |
CIFP Manuel Antonio |
||
CM2001 |
CM Atención sociosanitaria |
Barco de Valdeorras, O |
32001725 |
IES Lauro Olmo |
Coruña, A |
15022607 |
CIFP Ánxel Casal-Monte Alto |
||
Ferrol |
15021469 |
IES Leixa |
||
Lugo |
27006516 |
CIFP Politécnico de Lugo |
||
Monforte de Lemos |
27007247 |
IES Francisco Daviña Rey |
||
Ourense |
32016765 |
CIFP Portovello |
||
Pontevedra |
36014489 |
CIFP A Xunqueira |
||
Redondela |
36019566 |
IES de Chapela |
||
Rianxo |
15026807 |
IES Félix Muriel |
||
Ribadeo |
27020793 |
CIFP Porta da Auga |
||
Santiago de Compostela |
15016000 |
CIFP Compostela |
||
Sarria |
27012048 |
IES Xograr Afonso Gómez de Sarria |
||
Viana do Bolo |
32016777 |
IES Carlos Casares |