Con data do 4 de marzo de 2015, a secretaria xeral técnica da Consellería de Sanidade de Pontevedra ditou resolución do expediente sancionador número 2014298PAOS-PO, incoado na Xefatura Territorial da Consellería de Sanidade de Pontevedra contra Berta Darriba Martínez (Ambulancias BDM), con NIF 36068796N, titular dos vehículos dedicados a transporte sanitario con matrículas 6170FST e 9259FSY.
Tras intentar a notificación desta resolución consonte o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, non puido practicarse, polo que mediante esta cédula se lle notifica a Berta Darriba Martínez o contido da dita resolución, que figura no anexo, segundo o disposto no número 5 do referido artigo, para que teña coñecemento dela.
Así mesmo, fáiselle saber o dereito que a asiste para presentar recurso de alzada ante a conselleira de Sanidade no prazo dun mes, contado desde o día seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente depositado nas dependencias desta xefatura territorial, sita en Pontevedra, no Edificio Administrativo da Xunta de Galicia, rúa Fernández Ladreda, núm. 43,1º andar, e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
De acordo co establecido no artigo 62.2 da Lei 58/2003, do 17 de decembro, xeral tributaria, o prazo de ingreso en período voluntario realizarase: 1) se a notificación se realiza entre os días 1 e 15 do mes, desde a data da notificación ata o día 20 do mes posterior ou, se este non fose hábil, ata o inmediato hábil seguinte e, 2) se a notificación se realiza entre os días 16 e derradeiro do mes, desde a data da notificación ata o día 5 do segundo mes posterior ou o inmediato hábil seguinte; todo iso mediante ingreso que deberá efectuar en calquera oficina de Abanca, do BBVA transacción 1316, NIF S1511001H e do Banesto, empregando os impresos normalizados que lle serán facilitados nas dependencias desta xefatura territorial. O pagamento voluntario porá fin ao expediente.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro.
Pontevedra, 30 de marzo de 2015
Ángeles Feijoo-Montenegro Fernández
Xefa territorial de Pontevedra
ANEXO
Número do expediente: 2014298PAOS-PO.
Denunciado: Berta Darriba Martínez (Ambulancias BDM), con NIF 36068796N, titular dos vehículos dedicados a transporte sanitario con matrículas 6170FST y 9259FSY.
Último enderezo coñecido: rúa Cochón, núm. 47 interior. Arcade, 36690 Soutomaior (Pontevedra).
Feitos imputados: non cumprir co establecido nos artigos 5 e 7 do Decreto 42/1998, do 15 de xaneiro, polo que se regula o transporte sanitario, modificado polo Decreto 11/2011, do 20 de xaneiro, e no artigo 3 do Real decreto 836/2012, do 25 de maio, polo que se establecen as características técnicas, o equipamento sanitario e a dotación persoal dos vehículos de transporte sanitario por estrada.
Tipificación: dúas infraccións administrativas tipificadas como graves no artigo 42.e) da Lei 8/2008, do 10 de xullo, de saúde de Galicia.
Sanción imposta: doce mil vinte euros con vinte e seis céntimos (12.020,26 €).