Para os efectos previstos na Lei 24/2013, do 26 de decembro (BOE núm. 310) do sector eléctrico, e no título VII do Real decreto 1955/2000, do 1 de decembro (BOE núm. 310) polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Barras Eléctricas Galaico-Asturianas, S.A.
Domicilio social: Polígono Empresarial As Gándaras, Lugo.
Denominación: reforma CT vía (CD5770), sito na rúa Celso Emilio Ferreiro.
Situación: concello de Burela.
Características técnicas:
1. Reforma de obra civil consistente na realización de fosos de recollida de aceite, acondicionamento do local e da súa ventilación.
2. Instalación de dúas celas de liña e dúas de protección de trafo (unha delas de reserva), potencia proxectada 2×630 kVA, potencia inicial 1×630 kVA.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla núm. 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 8 de abril de 2015
Pilar Fernández López
Xefa territorial de Lugo