Unha vez informada favorablemente a proposta de deslindamento con predios particulares presentada pola Comunidade de Montes Veciñais en Man Común de Redonde, concello de Campo Lameiro, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar o 18 de xuño, ás 17.00 horas, para o comezo das operacións de apeo, que comezarán no lugar de Fragas, na Casa do Pobo de Redonde, O Peto número 56.
Emprazanse os lindeiros e as persoas que acrediten un interese lexítimo para que asistan ao mencionado acto.
Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte deste e os lindeiros que desexen comparecer presenten as alegacións e os títulos que acrediten a propiedade en Redonde.
O que se fai público para xeral coñecemento.
Pontevedra, 18 de abril de 2016
O xefe territorial de Pontevedra
P.A. (Artigo 17 Lei 30/1992)
María González de la Ballina González
Xefa do Servizo Xurídico-Administrativo de Pontevedra