O Xurado Provincial de Clasificación de Montes Veciñais en Man Común de Pontevedra, en sesión que tivo lugar o 30 de xuño de 2015, acordou iniciar os trámites para a clasificación como veciñal en man común do seguinte monte:

Concello: Dozón.

Parroquia: O Sisto.

Lugar: A Eirexa.

Nome do monte: A Costa.

O monte da Costa está formado por dúas parcelas catastrais de forma irregular e separadas por camiño.

Parcela 307, polígono 1.

Cabida: 31.880 m2 (superficie alegada na solicitude).

Estremas:

Norte: Salvador Sobrino Golmar (parcela 444).

Sur: camiño público.

Leste: camiño público.

Oeste: camiño público.

Parcela 308, polígono 1.

Cabida: 2.528 m2 (superficie alegada na solicitude).

Estremas:

Norte: camiño público.

Sur: camiño público.

Leste: camiño público.

Oeste: camiño público.

O que se pon en coñecemento de todos os interesados, para efectos de abrir un período dun mes de duración para que se poida examinar o expediente e aducir durante este tempo o que se considere procedente en relación cos montes de referencia, así como presentar cantas alegacións, documentos ou información xulguen convenientes e, se for o caso, propoñer proba concretando os medios de que pretendan valerse, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23 do Decreto 260/1992, do 4 de setembro, polo que se aproba o Regulamento para a execución da dita lei.

Pontevedra, 20 de maio de 2016

Lorena Peiteado Pérez
Instrutora