O Pleno municipal, en sesión extraordinaria do 10 de novembro de 2016, aprobou inicialmente a modificación puntual do Plan xeral de ordenación municipal no ámbito da empresa Lonza, na parroquia de Torneiros, concello do Porriño, co acordo que ten o seguinte contido literal:
«1º. Aprobar inicialmente a modificación puntual do PXOM no ámbito da empresa Lonza, na parroquia de Torneiros.
2º. Someter o expediente a información pública por un prazo de dous meses, mediante publicación no Diario Oficial de Galicia, dous xornais de maior difusión da provincia e no taboleiro de edictos do Concello.
3º. Dar traslado ao órgano competente en materia de urbanismo da Conselleria de Medio Ambiente para a realización das consultas previstas no documento de alcance do estudo ambiental estratéxico, dar audiencia aos municipios limítrofes e solicitar os informes sectoriais autonómicos preceptivos.
4º. Solicitar a emisión dos seguintes informes sectoriais:
– Dirección Xeral de Telecomunicacións do Ministerio de Industria, Enerxía e Turismo.
– Dirección Xeral de Enerxía e Minas.
5º. Suspender o outorgamento de licenzas de parcelación, edificación e derriba no ámbito da modificación puntual que poidan ser incompatibles coa ordenación urbanística obxecto de aprobación».
O que se fai público para o xeral coñecemento para que os interesados presenten as alegacións, reclamacións e suxestións que achen convenientes, en cumprimento do estipulado pola lexislacion vixente, polo que se somete o expediente a información pública por un prazo de dous meses mediante a publicación do Diario Oficial de Galicia, no taboleiro de edictos e en dous diarios de difusión na provincia.
O Porriño, 15 de novembro de 2016
Eva García de la Torre
Alcaldesa