En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co disposto na Orde do 17 de setembro de 1998 pola que se regula o procedemento para o outorgamento de autorizacións temporais de carácter experimental en polígonos de viveiros de cultivos mariños, mediante a Resolución do 11 de novembro de 2016, da Consellería do Mar, outorgóuselle a Mariscos Ricamar, S.L. unha concesión experimental para a realización dun proxecto de cultivo de mexillón mediante a instalación de liñas de cultivo (long-line) nas cuadrículas 9, 10, 15, 16, 22, 23, 30, 31, 39, 40 e 48 do polígono A do distrito marítimo de Camariñas.
O proxecto foi sometido previamente á avaliación ambiental simplificada e o informe de impacto ambiental foi formulado con data do 13 de maio de 2016. O anuncio foi publicado no DOG núm. 107, do 7 de xuño.
Santiago de Compostela, 11 de novembro de 2016
Juan Carlos Maneiro Cadillo
Director xeral de Pesca, Acuicultura e Innovación Tecnolóxica