Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 237 Mércores, 14 de decembro de 2016 Páx. 54532

IV. Oposicións e concursos

Servizo Galego de Saúde

ANUNCIO do 22 de novembro de 2016, da Xerencia de Xestión Integrada de Lugo, Cervo e Monforte de Lemos, polo que se procede a darlle publicidade á resolución da mesma data pola que se convocan para a súa provisión, polo sistema de concurso de méritos, varios postos vacantes de supervisor/a de unidade.

De conformidade co previsto no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión de postos de xefatura e coordinación nas institucións sanitarias do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013 (DOG núm. 76, do 19 de abril), pola que se desenvolve a estrutura organizativa da Xestión Integrada de Lugo, Cervo e Monforte de Lemos, así como na Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

RESOLVE:

Primeiro. Anunciar a convocatoria para a cobertura, polo procedemento de concurso de méritos e a defensa pública dun proxecto técnico relacionado coa xestión da unidade, dos postos de supervisor/a de unidade que se indican no anexo, no Hospital Universitario Lucus Augusti de Lugo.

Segundo. As retribucións dos postos ofertados serán as que correspondan de acordo coa normativa vixente sobre confección de nóminas do persoal ao servizo da Administración autonómica.

Terceiro. As solicitudes para participar na presente convocatoria, xunto coa documentación a que se refiren as súas bases, presentaranse dirixidas á Xerencia de Xestión Integrada de Lugo, Cervo e Monforte de Lemos, preferentemente no Rexistro Xeral sito no segundo andar do Hospital Universitario Lucus Augusti de Lugo (rúa Dr. Ulises Romero, nº 1, 27003 Lugo), ou a través de calquera dos procedementos previstos no artigo 16 da Lei 39/2015, do 1 de outubro, de procedemento administrativo común das administracións públicas, no prazo de quince (15) días hábiles, contados a partir do seguinte ao da publicación do anuncio desta convocatoria no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios da Oficina de Atención ao Traballador do Hospital Universitario Lucus Augusti de Lugo, así como na páxina web do Servizo Galego de Saúde (www.sergas.es).

Lugo, 22 de novembro de 2016

Ramón Ares Rico
Xerente de Xestión Integrada de Lugo, Cervo e Monforte de Lemos

ANEXO

Denominación do posto: supervisor/a da Unidade de UCI do Hospital Universitario Lucus Augusti de Lugo.

Número de vacantes: 1.

Denominación do posto: supervisor/a da Unidade de Saúde Mental do Hospital Universitario Lucus Augusti de Lugo.

Número de vacantes: 1.

Denominación do posto: supervisor/a da Unidade de Esterilización do Hospital Universitario Lucus Augusti de Lugo.

Número de vacantes: 1.

Denominación do posto: supervisor/a da Unidade de Reanimación-Despertar do Hospital Universitario Lucus Augusti de Lugo.

Número de vacantes: 1.

Denominación do posto: supervisor/a da Unidade de Medicina Preventiva e Saúde Pública do Hospital Universitario Lucus Augusti de Lugo.

Número de vacantes: 1.

Denominación do posto; supervisor/a da Unidade Médico-Cirúrxica do Hospital Universitario Lucus Augusti de Lugo.

Número de vacantes: 2.