O programa “Profesionalización no Camiño” chega a Fisterra cunha xornada de formación promovida por Turismo de Galicia

O curso ten como obxectivo mellorar o nivel de profesionalización do sector facendo especial fincapé na atención ao peregrino e a súa experiencia en Galicia

Deste xeito, a Escola de Turismo Itinerante do CSHG busca mellorar a calidade dos restaurantes dos municipios polos que transcorren as Rutas Xacobeas

O programa celebrará unha nova xornada de formación o próximo 28 de novembro en Santiago de Compostela
 

Santiago, 21 de novembro de 2016
  • whatsapp whatsapp

O programa Profesionalización no Camiño chega mañá a Fisterra cunha nova xornada de formación promovida por Turismo de Galicia a través da Escola de Turismo Itinerante.

A iniciativa ten como obxectivo mellorar o nivel de profesionalización do sector facendo especia fincapé na atención ao peregrino e a súa experiencia en Galicia así como poñer en valor a gastronomía e os produtos de Galicia no Camino de Santiago.

Así, a través do curso que terá lugar mañá no municipio coruñés polo que transcorre a Ruta Xacobea, propietarios e traballadores de restaurantes e cafeterías con servizo de comida no Camiño de Santiago poderán coñecer diferentes opcións para ofrecer menús con produtos galegos e optimizar os procesos de elaboración e aprovisionamento para facer un produto rendible.

Con este tipo de cursos, a Escola de Turismo Itinerante do Centro Superior de Hostalería de Galicia busca mellorar a calidade dos restaurantes dos municipios polos que transcorren as Rutas Xacobeas e concienciar, a súa vez, a estes profesionais que son grandes promotores do Camiño de Santiago e da gastronomía galega.

Santiago de Compostela

 


Durante este mes de novembro a Escola de Turismo Itinerante continuará poñendo en valor a gastronomía de Galicia no Camino cunha nova xornada o día 28 en Santiago de Compostela.
 

Data de actualización: 21/11/2016