A Xunta alerta dun episodio de temperaturas máximas de nivel laranxa que afectará mañá ás catro provincias galegas

Nas horas centrais do día espéranse temperaturas de ata 41 graos nalgunha zona da provincia de Ourense; e entre 38 e 40 graos no resto das provincias

Aconséllase consultar a páxina web do CAE 112 www.112galicia.org, que conta con información meteorolóxica máis detallada e con enlaces de interese

Recomendase especial coidado coas persoas maiores, discapacitadas, nenos menores de 5 anos, persoas con enfermidades crónicas, e persoas que realizan traballos físicos intensos ou deporte ao aire libre

Santiago, 5 de setembro de 2016
  • whatsapp whatsapp

A Dirección Xeral de Emerxencias e Interior da Vicepresidencia da Xunta alerta dun episodio de temperaturas máximas de nivel laranxa que se iniciará maña nas horas centrais do día e que afectará ás catro provincias galegas.

Segundo as estimacións da Axencia Estatal de Meteoroloxía (AEMET), poderán alcanzarse no interior e suroeste da provincia da Coruña os 38 ºC; na provincia de Ourense poderán acadarse os 39ºC no Noroeste, os 40ºC no Sur e 41ºC na zona do Miño; na provincia de Pontevedra, espéranse 38ºC nas Rías Baixas e 39ºC no Interior e zona do Miño; e no sur da provincia de Lugo espéranse 40 ºC.

Nas zonas do Oeste da Coruña (36ºC); Centro (38ºC) e Montaña (34ºC) de Lugo; Valdeorras (37ºC) e Montaña (36ºC) de Ourense acadarase nivel amarelo por altas temperaturas.

Co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos afectados, aos servizos provinciais de Protección Civil, e aos bombeiros, entre outros.

Consellos e recomendacións


Ante este episodio de temperaturas máximas, a Dirección Xeral de Emerxencias e Interior propón unha serie de consellos e recomendacións, especialmente ás persoas maiores, discapacitadas, nenos menores de 5 anos, persoas con enfermidades crónicas, que tomen algunha medicación habitualmente ou que realizan traballos físicos intensos ou deporte ao aire libre:

- Limite a súa exposición ao sol, permaneza en lugares protexidos do sol o maior tempo posible e mantelos ben ventilados.
- Teña en conta que o entrar e saír destes lugares, prodúcense cambios bruscos de temperatura que poden afectarlle.
- Tome comidas lixeiras e regulares, bebidas e alimentos ricos en auga e sales minerais, como as froitas e hortalizas, que lle axuden a repoñer as sales perdidas polo suor.
- Vístase con roupa adecuada de cores claros, cubrindo a maior parte del corpo, especialmente, a cabeza.
- Evite exercicios físicos prolongados nas horas centrais do día.
- Interésese por persoas maiores e enfermas próximas, que vivan solas ou illadas.
- Nunca deixe a nenos nin persoas maiores no interior dun vehículo cerrado.

Ademais, aconséllase consultar a páxina web do CAE 112 www.112galicia.org, que conta con información meteorolóxica máis detallada e con enlaces de interese.