O programa ‘Atrévete’ premia os proxectos emprendedores de 38 estudantes de primaria e secundaria

Esta iniciativa, impulsada pola Consellería de Cultura e Educación, ten como obxectivo fomentar a cultura do emprendemento desde as aulas

 

Santiago de Compostela, 19 de xuño de 2017
  • whatsapp

O conselleiro de Cultura, Educación e Ordenación Universitaria, Román Rodríguez, participou hoxe na entrega dos premios do programa Atrévete, que ten como obxectivo fomentar o espírito emprendedor entre os estudantes de ensinanza primaria e secundaria de toda Galicia. Nun acto celebrado no Auditorio Neira Vilas da Biblioteca de Galicia o titular do departamento educativo da Xunta salientou que a Consellería, a través do Plan Eduemprende, está fomentando desde as aulas, desde a base do sistema educativo, a cultura do emprendemento e unha sociedade receptiva ás melloras.

Neste sentido, explicou que a finalidade destes premios é recoñecer o esforzo, a iniciativa, a creatividade e a autonomía persoal do alumnado, “un recoñecemento ao voso trunfo como alumnos, pero tamén como persoas”. Así mesmo, quixo felicitar ás familias, ao profesorado e a todas as persoas que fan posible o programa Atrévete pola súa implicación. Román Rodríguez quixo, ademais, destacar a participación das empresas neste programa, que vai medrando – o ano pasado participaron 6 asociacións empresariais, nesta edición 10-, e que supón o seu interese en colaborar na mellora do sistema educativo.

Atrévete está dirixido ao alumnado de 5º e 6º curso de educación primaria e de 1º e 2º curso de educación secundaria obrigatoria de todos os centros sostidos con fondos públicos. Ao abeiro deste programa leváronse a cabo xornadas de fomento do emprendemento para os rapaces de ESO, que incluíron visitas ás sedes das empresas e das asociacións empresariais colaboradoras. Ademais, os centros de primaria seleccionados recibiron a visita dun empresario que lles narrou a súa experiencia como emprendedor.

Galardoados
No marco deste programa convocouse un ano máis o concurso Atrévete a ter unha idea!, no que o alumnado debía presentar de xeito individual unha boa idea de negocio, explicada nun máximo de dous folios. Os galardoados recibiron un lector de libro electrónico como premio. A Consellería outorgou dous premios por cada categoría – primaria e secundaria e FP- e por cada convocatoria territorial do certame. Deste xeito, os centros e alumnos premiados son os seguintes:
 

Atrévete A Coruña

Alumnos
Centros
Primaria
Ignacio Spósito Rivero
Ángela Rodríguez Gómez
CEIP Celso Emilio Ferreiro (Cerceda)
CPI Plurilingüe O Cruce (Cerceda)
Secundaria
Mar Brea Gauteir
Iván González Lorenzo
CPR Plurilingüe Andaina (Culleredo)
CPI Plurilingüe O Cruce (Cerceda)
 
Atrévete Ferrol
Alumnos
Centros
Primaria
Ana Gómez Alfaro
Adán López González
CPR Jorge Juan (Narón)
CEIP A Solaina (Narón)
Secundaria
Lidia Fernández Caaveiro
Borja Pérez López
IES Fernando Esquío (Neda)
IES Punta Candieira (Cedeira)
 
Atrévete As Pontes
Alumnos
Centros
Primaria
Carmela Docampo Puentes
Lucía Vila Ferreiro

CPI Monte Caxado (As Pontes de García Rodríguez)

CPI Monte Caxado (As Pontes de García Rodríguez)

Secundaria
África Morales Ferreiro
Eyob Santamariña Fernández

IES Castro da Uz (As Pontes de García Rodríguez)

IES Castro da Uz (As Pontes de García Rodríguez)

 
 

Atrévete Santiago

Alumnos
Centros
Primaria
Clara Colinas Bello
David Rey Liste
CEIP de Sigüeiro (Oroso)

CPR Plurilingüe Divino Maestro (Santiago de Compostela)

Secundaria
Laura Sabel Rivas
Lucía Fernández Caeiro
IES A Pontepedriña (Santiago de Compostela)
IES A Pontepedriña (Santiago de Compostela)
 

Atrévete Ribeira

Alumnos
Centros
Primaria
Albdelmouneim Houdd
Celia Blanco Pérez
CEIP Plurilingüe de Frións (Ribeira)
CEIP Plurilingüe de Frións (Ribeira)
 
Atrévete Lugo
Alumnos
Centros
Primaria
Iago Carreira Rodríguez
Bruno Llano López
CEIP Quiroga Ballesteros (Lugo)
CEIP Santa María (A Fonsagrada)
Secundaria
Naila Díaz Vilela
Joel Fouz Varela
IES Muralla Romana (Lugo)
IES Muralla Romana (Lugo)
 
Atrévete Vilalba
Alumnos
Centros
Primaria
Sara Puentes Antas
María García Anllo-Seco
CEIP Antonio Insua Bermúdez (Vilalba)
CEIP Antonio Insua Bermúdez (Vilalba)
Secundaria
Nicolás Acebedo Torrego
Victoria Andrea Veiga Maseda
IES de Fonmiñá (A Pastoriza)
IES de Fonmiñá (A Pastoriza)
 
Atrévete Ourense
Alumnos
Centros
Primaria
Sofía Muñoz Ferreira
Mía Macías Santalices
CEIP Vistahermosa (Ourense)
CEIP Vistahermosa (Ourense)
Secundaria
Markel Galán Candelas
Carla Ben Lago
IES O Ribeiro (Ribadavia)
CPR Pablo VI (A Rúa)
 

Atrévete Pontevedra

Alumnos
Centros
Primaria
María Soto Estévez
Lúa Pajares
CEIP Eduardo Pondal (Vigo)
CEIP Plurilingüe Pintor Laxeiro (Vigo)
Secundaria
María Pombal Piñeiro
Lara Abalde Hidalgo
IES As Barxas (Moaña)
CPR Mercantil (Vigo)
 

Atrévete Vilagarcía

Alumnos
Centros
Primaria
Rita Quintela Fernández
Paula Simeao Oubiña

CEIP Plurilingüe Rosalía de Castro (Vilagarcía de Arousa)

CEIP O Piñeiriño (Vilagarcía de Arousa)
Secundaria
Lucía Chazo Bello
Irea Ferreiro Álvarez
IES Fermín Bouza Brey (Vilagarcía de Arousa)
IES Fermín Bouza Brey(Vilagarcía de Arousa)

Crecemento
Desde a súa primeira convocatoria no curso 2013/14 o Atrévete ten experimentado un importante crecemento. Non en balde, na súa primeira edición o certame desenvolveuse só en Ourense e Santiago, mentres que nesta última xa tomaron parte nel centros de ensino da Coruña, Ferrol, Santiago, Ribeira, As Pontes, Lugo, Vilalba, Ourense, Pontevedra e Vilagarcía. No referido ao número de participantes, tense duplicado desde a primeira edición, ata os 2317 na última. Do total de participantes no Atrévete, 970 son alumnos de 26 centros de primaria e outros 1347 son de 27 centros de secundaria e FP.

Na edición 2016/17 o programa contou coa colaboración do CIFP Someso e da Asociación de Empresarios de Polígono de Sabón-Arteixo, do CIFP Ferrolterra e da Asociación de Empresarios de Ferrolterra, do CIFP Manuel Antonio (Vigo) do Círculo de Empresarios de Galicia e a participación de Manuel Montes; do CIFP Politécnico de Santiago, da Asociación Área Empresarial do Tambre, do CIFP Politécnico de Lugo, da Confederación de Empresarios de Lugo e a Fundación CEL; do CIFP A Farixa, da Asociación de Empresarios Polígono San Cibrao; do CIFP Coroso e da Asociación de Empresarios de Riveira; do IES Lois Peña Novo e da Asociación de Empresarios Polígono Sete Pontes; do IES Fermín Bouza Brey e da Federación de Empresarios de Arousa; e do IES Castro da Uz e da Asociación de Empresarios Seara.

Esta iniciativa enmarcada no Plan Eduemprende, ten como principal finalidade fomentar motivar e sensibilizar á comunidade educativa da importancia de construír e impulsar unha nova cultura emprendedora. Nesta liña, lévanse a cabo distintas actividades para que os estudantes -a través do seu profesorado- coñezan de primeira man o tecido industrial da súa contorna e, en concreto, as empresas das diferentes asociacións empresariais colaboradoras.

Imaxes relacionadas
Data de actualización: 19/06/2017