Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Eléctrica de Castro Caldelas, S.L.
Domicilio social: Galera, 1, 15000 A Coruña.
Denominación: L.M.T.S., C.T., Vilanova-Ponte.
Situación: Barrio da Pena-Castro Caldelas.
Descricións técnicas: liña aérea-soterrada a 20 kV de 350 m de lonxitude. Con orixe no apoio nº 5 da L.M.T. ó polígono industrial A Rasa, e remata no C.T. proxectado en caseta prefabricada no Barrio da Pena con 250 kVA, R/T, 20.000/380-220 V. Saída soterrada da rede de baixa tensión.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 30 de maio de 2002.
Ramón Fernández-Linares Bouza
Delegado provincial de Ourense