O Consello de Administración, en sesión que tivo lugar o día 10 de febreiro de 2004, aprobou as bases para a contratación en réxime laboral fixo, a través de promoción interna, dun administrativo de Administración xeral.
Por iso, e en uso das facultades que me confire a vixente Lei de réxime local, e os estatutos do organismo autónomo municipal Parque das Ciencias Vigo-Zoo, e a delegación da presidencia deste organismo, outorgada pola alcaldesa-presidenta con data do 17 de decembro de 2003, procedo a convoca-las probas selectivas correspondentes, conforme as seguintes bases:
Obxecto da convocatoria:
A provisión dunha praza de administrativo de Administración xeral vacante no cadro de persoal do organismo autónomo municipal Parque das Ciencias Vigo-Zoo.
A alínea c) do B) da base VIII) pasa a contar coa seguinte redacción:
Tribunal cualificador:
O tribunal cualificador estará integrado polos seguintes membros:
Presidente: o presidente do organismo autónomo municipal Parque das Ciencias Vigo-Zoo ou membro do Consello de Administración en quen delegue.
Secretario: o secretario-delegado do organismo autónomo municipal Parque das Ciencias Vigo-Zoo ou técnico de Administración xeral do concello designado polo presidente.
Vocais: tres representantes do Consello de Administración e tres representantes do persoal, designados polo seu delegado, que conten coa condición de persoal funcionario de carreira ou laboral de Administración.
Asesor: o xefe do servicio correspondente a especialidade ou, no seu defecto, un técnico cualificado designado pola presidencia.
Xunto cos titulares designaranse os suplentes. Todos eles, agás o presidente, deberán contar cun nivel de titulación igual ou superior ó esixido para o acceso ós postos.
Por último, o tribunal contará coa asistencia técnico-administrativa dun empregado da oficina administrativa do organismo autónomo.
O tribunal non poderá declarar que superou as probas un número de aspirantes superior ó de postos convocados.
En canto á actuación do tribunal e axudas de custo por asistencia, aplicaranse as mesmas previsións que polos tribunais de selección de funcionarios.
3. Aproba-las seguintes bases específicas para as probas de administrativo de Administración xeral.
1. Número de postos: 1.
2. Características:
En réxime laboral, equiparada ó grupo C) de titulación e coas retribucións complementarias que figuran na vixente relación de postos de traballo para o posto ó que resulte adscrita a praza.
Figurará incluído no réxime de dedicación exclusiva.
As condicións de traballo serán as establecidas no convenio colectivo do persoal do Concello de Vigo, ó que será adherido o persoal do organismo autónomo.
3. Sistema de selección:
Establécese o de concurso-oposición, e reservarase a praza para promoción interna entre auxiliares de Administración xeral do organismo autónomo.
A fase concurso valorarase de conformidade co previsto na base XII das xerais.
4. Condición dos aspirantes:
Ademais das que figuran na base IV das xerais, os/as aspirantes deberán estar en posesión do título de bacharelato superior, FP2 ou equivalente, ou contar con dez anos de antigüidade desempeñando o posto de auxiliar administrativo.
Os anteriores requisitos xustificaranse da forma prevista na base IV) das xerais.
5. Exercicios da oposición:
Primeiro exercicio. Teórico. De carácter obrigatorio e eliminatorio.
Consistirá en contestar un cuestionario tipo test con catro respostas alternativas por pregunta, relacionadas coas materias que integran o programa que figura como anexo a estas bases.
O número de preguntas non poderá ser inferior a 40, e a duración do exame será fixado polo tribunal antes de inicia-lo exercicio en función do número de preguntas, sen que poida ser inferior a 60 minutos.
Neste exercicio cada resposta incorrecta penalizará a metade da puntuación de cada pregunta acertada.
Segundo exercicio. Práctico. De carácter obrigatorio e eliminatorio.
Consistirá en resolver dous casos prácticos propostos polo tribunal, que finaliizarán nun informe-proposta ó órgano competente para resolver, en materias relacionadas co temario anexo, nun prazo máximo de 2 horas.
Terceiro exercicio. De carácter obrigatorio e eliminatorio.
Consistirá nunha proba de coñecementos no nivel de usuario de contornos operativos Windows ou similares, manexo de ferramentas de ofimática (ms Office ou similar) e de utilidades básicvas da Internet nos ditos contornos (navegación, correo electrónico, etc.), no tempo que estableza o tribunal.
A cualificación de cada exercicio e a final farase conforme o previsto na base X das xerais, cualificándose os exercicios de 0 a 10puntos, quedando eliminado/a o/a aspirante que non obteña un mínimo de 5 puntos en cada un deles.
ANEXO
Temario
Primeira parte.-Dereito político e constitucional.
Tema 1.-O Estado. Concepto. Elementos. Formas de Estado.
Tema 2.-A división de poderes. Relacións entre os poderes do Estado.
Tema 3.-A Constitución española de 1978. Principios xerais.
Tema 4.-Dereitos e deberes fundamentais dos españois.
Tema 5.-A Coroa. O poder lexislativo. O poder xudicial.
Tema 6.-O Goberno e a Administración do Estado.
Tema 7.-O estatuto de autonomía de Galicia: principios xerais e contido.
Segunda parte.-Dereito administrativo.
Tema 1.-A unión Europea. A Acta Única Europea. Exame xeral da Acta de Adhesión de España á Unión Europea. As liberdades básicas do sistema comunitario: libre circulación de mercadorías, de persoas, de servicios e de capitais.
Tema 2.-As institucións da Unión Europea. Órganos executivos e os seus poderes. O Consello de Ministros. A Comisión. O Parlamento Europeo: composición e atribucións. O Tribunal de Xustiza da Unión Europea.
Tema 3.-A Administración pública no ordenamento español. A personalidade xurídica da Administración pública. Clases de administracións públicas.
Tema 4.-A Xunta de Galicia e o seu presidente. O Parlamento de Galicia. Control parlamentario da acción de Goberno. O Valedor do Pobo.
Tema 5.-A Administración pública da comunidade autónoma. Estructura e funcións. A Administración periférica.
Tema 6.-Principios de actuación da Administración pública. Eficacia, xerarquía, descentralización, desconcentración e coordinación.
Tema 7.-Sometemento da Administración á lei e ó dereito. Fontes do dereito público. A lei: as súas clases.
Tema 8.-O acto administrativo. Concepto. Elementos.
Tema 9.-Principios xerais do procedemento administrativo. Normas reguladoras. Dimensión temporal do procedemento administrativo: días e horas hábiles: cómputo de prazos. Recepción e rexistro de documentos.
Tema 10.-Fases do procedemento administrativo xeral. O silencio administrativo.
Tema 11.-A teoría da invalidez do acto administrativo. Actos nulos e anulables. Validación. Revisión de oficio.
Tema 12.-Os recursos administrativos: concepto e clases.
Tema 13.-Concepto e clases de contratos administrativos. A selección do contratista. Dereitos e deberes do contratista e a Administración.
Tema 14.-As formas da actividade administrativa. O fomento. A policía.
Tema 15.-O servicio público. Nocións xerais. Os modos de xestión dos servicios públicos.
Terceira parte.-Administración local.
Tema 1.-O réxime local español: principios constitucionais.
Tema 2.-A provincia no réxime local. Organización provincial. Competencias.
Tema 3.-Estructuras supramunicipais. Mancomunidades. Agrupacións. A comarca.
Tema 4.-O municipio. O termo municipal. A poboación. Consideración especial do veciño. O empadroamento.
Tema 5.-Organización municipal.
Tema 6.-Competencias municipais.
Tema 7.-Ordenanzas e regulamentos das entidades locais. Clases. Procedemento de elaboración e aprobación.
Tema 8.-A función pública local e a súa organización.
Tema 9.-Dereitos e deberes dos funcionarios públicos locais. Incompatibilidades.
Tema 10.-Faltas e sancións dos funcionarios. O procedemento sancionador.
Tema 11.-Os bens das entidades locais. Réxime de utilización dos de dominio público.
Tema 12.-As formas de actividade das entidades locais. A intervención administrativa na actividade privada. Procedemento de outorgamento de licencias.
Tema 13.-O servicio público na esfera local. Os modos de xestión dos servicios públicos. Consideración especial da concesión.
Tema 14.-Procedemento administrativo local. O rexistro de entrada e saída de documentos. Requisitos da presentación de documentos. Comunicacións e notificacións.
Tema 15.-Funcionamento dos órganos colexiados locais. Convocatoria e orde do día. Requisitos de constitución. Votacións. Actas e certificados de acordos.
Tema 16.-Lexislación sobre réxime do solo e ordenación urbana: os seus principios inspiradores. Competencia urbanística municipal.
Tema 17. Facendas locais. Clasificacións dos ingresos. Ordenanzas fiscais.
Tema 18.-Os orzamentos locais. Contabilidade e contas. No non previsto nestas anteriores bases específicas serán de aplicación as xerais do Concello de Vigo publicadas no BOP do 5 de maio de 2003 e no Diario Oficial de Galicia do 15 de maio de 2003.
O presidente e coa maior urxencia, procederá á convocatoria das referidas probas de acordo con estas bases.
Vigo, 18 de febreiro de 2004.
José Manuel Couto Pérez
Presidente do organismo autónomo
Parque das Ciencias Vigo-Zoo
