Como consecuencia da asunción por parte da Administración autonómica galega da asistencia sanitaria dos centros transferidos doutras administracións que pasaron a integrarse na rede sanitaria propia do Sergas.
O Decreto 447/1996, do 26 de decembro (DOG nº 3, do 7 de xaneiro de 1997) regula as bases para homologación e integración ao réxime estatutario do persoal funcionarial e laboral dos centros transferidos, facultando a Consellería de Sanidade para adoptar as medidas de desenvolvemento e execución necesarias. Neste sentido efectuouse unha primeira convocatoria de integración en cada centro transferido, na que voluntariamente participaron os profesionais interesados, optando os demais por permanecer no réxime xurídico orixinario.
No acordo de mellora retributiva e profesional do 1 de outubro de 2003 (DOG nº 232, do 28 de novembro) prevese a convocatoria con carácter anual da apertura de prazos de opción de integración no réxime estatutario en idénticas condicións á primeira oferta.
Pola súa parte a Lei 7/2003, do 9 de decembro, de ordenación sanitaria de Galicia, vén recoller no seu artigo 55.4º a promoción de medidas necesarias para a integración progresiva nun réxime xurídico común de todo o persoal que presta servizos no Sergas, como un dos principios xerais en materia de persoal, que se concreta aínda máis no artigo 56, cando no seu punto 3º establece o réxime estatutario como o aplicable con carácter xeral ao persoal do organismo, e ao mesmo tempo faculta de forma expresa á Administración sanitaria galega para establecer os procedementos que habiliten a progresiva homologación e integración do persoal funcionario e laboral.
Na Lei 55/2003, do estatuto marco dos servizos de saúde, do 16 de decembro, na disposición adicional quinta, establece que co obxecto de homoxeneizar as relacións de emprego do persoal de cada un dos centros, institucións, ou servizos de saúde, e co fin de mellorar a eficacia na xestión as administracións sanitarias públicas poderán establecer procedementos para a integración directa, con carácter voluntario, na condición de persoal estatutario.
As disposicións contidas nesta norma foron obxecto de negociación na mesa sectorial de persoal das institución sanitarias do Sergas do 28 de febreiro de 2005.
En consecuencia, en virtude das facultades que me confire o artigo 34.6º da Lei 1/1983, do 22 de febreiro, reguladora da Xunta e do seu presidente, modificada por Lei 11/1988, do 20 de outubro,
DISPOÑO:
Artigo 1º.-Obxecto e ámbito de aplicación.
1.1. O persoal funcionario e/ou laboral dependente dos centros de xestión de atención especializada do Sergas (relacionados no anexo I desta orde), a que se refire o artigo 1 do Decreto 447/1996, do 26 de decembro, poderán solicitar a homologación e integración no réxime estatutario regulado polo estatuto marco aprobado pola Lei 55/2003, do 16 de decembro, nos termos e condicións que se establecen nesta norma, sempre que reúna os requisitos de titulación exixidos pola lexislación vixente e que á súa entrada en vigor se encontren nalgúns dos supostos recollidos no artigo seguinte:
Requisitos de acceso:
a) En situación de servizo activo.
b) En situación que implique a suspensión na relación de servizo laboral ou funcionarial, con reserva de posto de traballo, por algunha das causas establecidas na lexislación vixente, así como en situación de servizos especiais, no caso de persoal funcionario.
c) En situación de excedencia voluntaria, sempre que non transcorrese o tempo máximo desa excedencia prevista legalmente para cada caso. Neste suposto a integración efectuarase na situación de excedencia voluntaria e a posterior situación de servizo activo obterase de conformidade co previsto no Real decreto 1/1999, do 8 de xaneiro, en relación co artigo 69 e disposición transitoria sexta da Lei 55/2003, do 16 de decembro. A opción de integración poderá formularse no momento de solicitar o reingreso ou no prazo previsto nesta norma para o exercicio da opción.
1.2. Non poderá exercer o dereito de opción o persoal con vínculo temporal, de carácter funcionarial ou laboral, calquera que sexan as características de tal vínculo.
Artigo 2º.-Categorías homologables.
2.1. O persoal que exerza o dereito de opción integrarase nas categorías básicas do réxime estatutario que corresponda, segundo as características das prazas orixinaria e estatutaria de referencia.
Para tal efecto, será de aplicación a táboa de homologacións que figura no anexo I desta orde, na que figuran as categorías funcionariais e laborais susceptibles de integracións e as correlativas estatutarias.
2.2. Non obstante, expediráselle, no momento en que se resolva a solicitude de homologación e integración, un nomeamento adicional ao persoal que desempeñe postos de traballo de xefatura adquiridos en virtude dun concurso ou libre designación, no posto equivalente de carácter estatutario. Este
nomeamento poderá ser definitivo, se o orixinario tiña tal condición por ser obtido mediante concurso ou concurso-oposición, ou ben provisional, se aquel foi expedido en virtude do sistema de libre designación.
Artigo 3º.-Efectos.
3.1. Ao persoal que resulte integrado aplicaráselle para todos os efectos o réxime económico e xurídico propio da categoría estatutaria na que se integre, e a súa prestación de servizos adecuarase á estrutura asistencial das institucións sanitarias do Sergas.
3.2. Ao persoal que resulte integrado nos réximes estatutarios da Seguridade Social respectaráselle, para todos os efectos, a antigüidade que teña á entrada en vigor desta resolución, aínda que os trienios que se lle recoñezan con posterioridade á data en que teña efectividade a integración serano de acordo co previsto na disposición 2ª.2 do Real decreto 3/1987, do 11 de setembro, e normativa de desenvolvemento aplicable.
3.3. O persoal funcionario ou laboral que se integre no réxime estatutario será declarado na situación de excedencia voluntaria por incompatibilidade no seu corpo, escala e/ou categoría de orixe.
Artigo 4º.-Complemento persoal transitorio.
4.1. Ao persoal que, tendo efectuada a opción de integración, percibise retribucións superiores ás correspondentes á categoría de homologación no Sergas, recoñeceráselle un complemento persoal e transitorio consistente na diferenza de retribucións. O citado complemento será absorbido por calquera mellora retributiva que se produza neste exercicio ou posteriores, incluídas as derivadas de cambio de posto de traballo ou categoría, de acordo coa normativa orzamentaria.
4.2. Para o cálculo do complemento persoal transitorio non se terán en conta as cantidades percibidas en concepto de atención continuada, complemento de nocturnidade, complemento de perigosidade, penosidade ou toxicidade, e realización de horas extraordinarias, así como calquera outro equiparable, nin as cantidades que en concepto de antigüidade teñan recoñecidas, ata a data en que remate o prazo de presentación das instancias para o exercicio da opción de integración.
4.3. Non se procederá a recoñecer ningún complemento persoal transitorio ao persoal do Hospital Santa María Nai de Ourense que por aplicación do acordo entre a Administración sanitaria e os representantes dos traballadores, publicado por resolución conxunta do 29 de xullo de 1994, xa lle foron recoñecidos complementos persoais transitorios para a súa equiparación ao persoal estatutario do Sergas. Tampouco se recoñecerá o dito complemento ao persoal que en virtude do mesmo acordo pasou, despois de terse adoptado este, a prestar servizos no mesmo centro coas mesmas condicións retributivas que o persoal estatutario.
Artigo 5º.-Efectos da non-integración.
5.1. Ao persoal que non exerza a opción de integración no réxime estatutario, respectaráselle o réxime económico e xurídico que derive da súa situación de orixe, tanto funcionarial como laboral de remisión, coa dependencia orgánica e funcional do Sergas, de acordo co establecido no artigo 9 do Decreto 447/1996, do 26 de decembro.
5.2. Respecto das lagoas que se produzan na regulación dos colectivos funcionarial e laboral, aplicarase por analoxía a normativa da categoría estatutaria equiparable.
5.3. A prestación de servizos deste persoal non integrado adaptarase ás características de funcionamento das institucións sanitarias do Sergas, de forma que se integrará e adaptará na estrutura e organización de traballo dos centros sanitarios, debidamente cohonestado co resto do persoal.
Artigo 6º.-Exercicio do dereito de opción.
6.1. Prazos.
Sen prexuízo do establecido no inciso final do artigo 1º, o exercicio da opción de integración deberá realizarse con carácter individual, no prazo dun mes contado a partir do día seguinte ao da entrada en vigor desta orde, segundo modelo de instancia que se xunta como anexo II.
Os que non formulen opción expresa de integración entenderase que optan por non integrarse no réxime estatutario, coas consecuencias que se establecen no artigo 5º.
6.2. Procedemento.
As solicitudes, debidamente dilixenciadas pola dirección do centro, dirixiranse á División de Recursos Humanos do Sergas, e poderán ser presentadas nas oficinas de rexistro dos respectivos centros hospitalarios ou nas direccións provinciais do Sergas, sen prexuízo de que tamén poidan presentarse por calquera das formas establecidas na Lei 30/1992, do 26 de decembro, de réxime xurídico das administracións públicas e do procedemento administrativo común.
6.3. Documentación.
O persoal que efectúe a opción de integración achegará, xunto coa súa solicitude, a seguinte documentación:
a) Fotocopia compulsada da titulación académica ou, de ser o caso, do libro de escolaridade.
b) O persoal médico achegará, así mesmo, fotocopia compulsada do título de especialista que posúa e/ou que o habilite para exercer a praza que vén desempeñando.
c) Certificado oficial acreditativo do centro onde presta servizos, categoría profesional, natureza funcionarial ou laboral do vínculo, así como do carácter de persoal fixo.
Artigo 7º.-Resolución.
As solicitudes serán resoltas pola División de Recursos Humanos no prazo máximo de dous meses desde que remate a presentación de instancias para formular a opción de integración.
O anteriormente exposto enténdese sen prexuízo do disposto no inciso do artigo 1º desta orde.
Disposicións adicionais
Primeira.-De acordo co establecido na disposición transitoria segunda da Orde do 26 de decembro de 1986 e na disposición adicional segunda do Decreto 447/1996, ao persoal que opte á integración na categoría de auxiliar de enfermaría non lle será exixido o título de formación profesional de primeiro grao, rama sanitaria, para integrarse na devandita categoría, sempre que á súa entrada en vigor se atopasen prestando servizos en prazas desa categoría que resulten debidamente acreditados. Para tal fin o centro hospitalario expedirá certificación de servizos prestados.
Segunda.-Os postos de traballo de orixe do persoal que opte pola súa integración nos réximes estatutarios consideraranse amortizados e reconvertidos nos correspondentes estatutarios que determina para cada caso a táboa de homologacións que se inclúe no anexo I desta orde.
As vacantes que se produzan de persoal laboral ou funcionario que non se integren nos réximes estatutarios da Seguridade Social e que non estean afectados polas situacións previstas no artigo 1º b) desta disposición, declararanse a extinguir para a súa amortización ou, de ser o caso, substitución por prazas de persoal estatutario do Sergas.
Os postos de traballo vacantes ocupados polo persoal do artigo 2º desta norma consideraranse amortizados e reconvertidos en prazas de persoal estatutario, polo que o persoal que os ocupa cesará, na data en que teña efectividade a integración, no seu desempeño.
Non obstante, con efectos do día seguinte ao cesamento, expediráselles un nomeamento ou formalizará un contrato, segundo corresponda, para ocupar co mesmo carácter a correspondente praza de persoal estatutario.
Terceira.-Con respecto ao complemento PRD por traballo a quendas do persoal sanitario non facultativo e do persoal de xestión e servizos, incluirase entre as retribucións correspondentes á categoría de homologación para os efectos da determinación do complemento persoal e transitorio a que fai referencia o artigo 5º desta disposición.
A consideración deste complemento no cálculo do complemento persoal e transitorio practicarase sobre a asignación da contía correspondente á modalidade de traballo por quendas que corresponda ao posto de traballo de homologación, de conformidade co previsto no punto segundo do Acordo do 25 de xanei
ro de 1996 sobre determinados aspectos retributivos e outras condicións de traballo de persoal estatutario sanitario non facultativo e non sanitario das institucións sanitarias do Sergas, publicado por resolución conxunta da Secretaría Xeral da Consellería de Sanidade e Servizos Sociais e da Dirección Xeral de Recursos Humanos do Sergas.
No suposto de producirse posteriormente á integración unha alteración no réxime de prestación de servizos do posto de traballo que determina a variación estable do réxime de traballo por quendas tomado en consideración para o cálculo do complemento persoal e transitorio, procederase á revisión do devandito complemento para reflectir nel a nova modalidade de quendas que pase a resultarlle de aplicación.
Cuarta.-No que respecta ao persoal das categorías en que a integración, segundo consta no anexo I, poida efectuarse en varias categorías estatutarias, a integración realizarase segundo sexan as funcións que veñan realizando de xeito estable e regular na organización de traballo do centro e que resulten debidamente acreditadas mediante certificación expedida pola dirección deste.
En todo caso, será condición imprescindible reunir os requisitos de titulación exixidos pola lexislación vixente para cada categoría de integración.
Quinta.-Persoal en expectativa de obter o título da especialidade.
O persoal suxeito a réximes transitorios de obtención do título da especialidade, que na data de publicación desta orde non estivese en posesión deste, e aquel persoal que posúa unha titulación respecto da cal aínda non estivese desenvolvida a regulamentación das súas especialidades, homologarase á categoría estatutaria de persoal técnico titulado superior que corresponda, sen prexuízo da súa posterior integración como facultativo especialista de área no momento en que, consonte o réxime transitorio da normativa de desenvolvemento das especialidades respectivas obteña a devandita titulación, e sempre que a dita normativa prevea a integración á citada categoría.
A dita integración realizarase logo de solicitude do interesado, só e exclusivamente, desde a praza na que se produciu a homologación no réxime xurídico de persoal estatutario de conformidade co disposto nesta orde.
Disposición transitoria
O persoal facultativo que se integre no réxime estatutario fará no momento da integración a opción polo réxime de dedicación normal ou de dedicación exclusiva ao sector público sanitario coa conseguinte renuncia ou solicitude de percepción do complemento específico, segundo o previsto no Decreto 11/1995, do 20 de xaneiro, polo que se regula o réxime de percepción do complemento específico para o persoal estatutario do Servizo Galego de Saúde
e se establecen os prazos para formular solicitudes e renuncias.
A mencionada opción resolverase, conxuntamente coa solicitude de integración, no prazo establecido nesta norma.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 21 de abril de 2005.
José Manuel González Álvarez
Conselleiro de Sanidade
ANEXO I
Complexo Hospitalario Juan Canalejo.
Código: 1501.
Denominación Categoría básica de homologación
Posto base grupo B Diplomado en enfermaría
Posto base grupo E Celador
Asistente social USM Traballador social
Asistente social COF Traballador social
Auxiliar sanitario Técnico en coidados auxiliares de enfermaría
Cociñeiro Cociñeiro
Oficial conservación mant.
Axudante conservación, mant. Fontaneiro
Persoal limpeza, costura Pasador de ferro
Complexo Hospitalario Arquitecto Marcide.
Código: 1505.
Denominación Categoría básica de homologación
Xefe de grupo Grupo auxiliar da función administrativa
Posto base grupo E Celador
Camareiro Pinche
Limpador Limpador
Complexo Hospitalario Universitario de Santiago de Compostela.
Código: 1571.
Denominación Categoría básica de homologación
Posto base grupo A Facultativo especialista de área
Posto base grupo B Diplomado en enfermaría
Operador entrada de datos Grupo auxiliar da función administrativa
Posto base grupo D Grupo auxiliar da función administrativa
Posto base grupo E Celador
Xefe de servizo Facultativo especialista de área
Médico adxunto Facultativo especialista de área
Médico especialista Facultativo especialista de área
ATS Diplomado en enfermaría
Administrativo Grupo administrativo
Auxiliar administrativo Grupo auxiliar da función administrativa
Axudante sanitario Celador
Axudante sanitario Técnico en coidados auxiliares de enfermaría
Cociñeiro Cociñeiro
Xefe de servizo CC/90 Facultativo especialista de área
Supervisora xeral enfermar. Diplomado en enfermaría
ATS Diplomado en enfermaría
Enxeñeiro técnico Enxeñeiro técnico
Asistente social Traballador social
Denominación Categoría básica de homologación
Xefe de negociado Grupo administrativo
Encargado de unidade Técnico en coidados auxiliares de enfermaría
Oficial administrativo 1 Grupo administrativo
Encargado xefe de cociña Cociñeiro
Auxiliar psiquiátrico Técnico en coidados auxiliares de enfermaría (en funcións de saúde mental)
Monitor laborterapia Monitor
Auxiliar administrativo con HE Grupo auxiliar da función administrativa
Porteiro CC/90 Celador
Garda porteiro Celador
Cociñeiro Cociñeiro
Camareiro de bar Celador
Telefonista Telefonista
Costureira Costureira
Fontaneiro Fontaneiro
Albanel Albanel
Perruqueiro Perruqueiro
Peón cristaleiro-pintor Pintor
Coidador Técnico en coidados auxiliares de enfermaría
Coidador CC/90 Técnico en coidados auxiliares de enfermaría
Axudante de limpeza sen HE Limpadora
Auxiliar de cociña Pinche
Axudante de almacén Celador
Axudante de lavandaría Lavandeiro
Axudante técnico laboratorio Técnico especialista en laboratorio de diagnóstico clínico
Oficial laboratorio Técnico especialista en laboratorio de diagnóstico clínico
Limpador Limpador
Médico especialista Facultativo especialista de área
Técnico admón. xeral Grupo técnico da función administrativa
Supervisora xeral Diplomado en enfermaría
ATS Diplomado en enfermaría
Matrona Matrona
Asistente social Traballador social
Encargado de mantemento Grupo de xestión da función administrativa
Supervisor de planta Diplomado en enfermaría
Administrativo Grupo administrativo
Mestre cociñeiro Cociñeiro
Programador Técnico especialista en sistemas da información
Xefe de almacén Grupo administrativo
Técnico FP 2 Técnico especialista *
Auxiliar de clínica Técnico en coidados auxiliares de enfermaría
Auxiliar administrativo Grupo auxiliar da función administrativa
Axudante sanitario Técnico en coidados auxiliares de enfermaría
Axudante sanitario Celador
Celador Celador
Ordenanza Celador
Oficios varios Peón
* Indicar a especialidade que corresponda entre as seguintes:-Laboratorio de diagnóstico clínico.-Anatomía patolóxica e citoloxía.-Imaxe para o diagnóstico.-Radioterapia.
Complexo Hospitalario Xeral-Calde.
Código: 2701.
Denominación Categoría básica de homologación
Xefe sección provincial Facultativo especialista de área
Posto base grupo B Diplomado en enfermaría
Posto base grupo C Grupo administrativo
Auxiliar sanitario Técnico en coidados auxiliares de enfermaría
Limpador Limpador
Complexo Hospitalario de Ourense.
Código: 3201.
Denominación Categoría básica de homologación
Xefe sección provincial Persoal técnico superior. Psicólogo
Administrador Grupo administrativo
Posto base grupo A Facultativo especialista de área
Posto base grupo A Persoal técnico superior. Psicólogo
Director de enfermaría Diplomado en enfermaría
Posto base grupo B Diplomado en enfermaría
Posto base grupo C Grupo administrativo
Posto base grupo D Grupo auxiliar da función administrativa
Xefe servizo con CE Facultativo especialista de área
Xefe servizo sen CE Facultativo especialista de área
Xefe sección con CE Facultativo especialista de área
Xefe sección sen CE Facultativo especialista de área
Fac. xerarq. medicina xeral Facultativo especialista de área
Persoal técnico superior Persoal técnico superior. Psicólogo
Grupo técnico función adtiva. Grupo técnico da función administrativa
Xefe sección adtivo. Grupo administrativo
Xefe grupo auxiliar adtivo. Grupo auxiliar da función administrativa
Costureira Costureira
Telefonista Telefonista
Celador at. directa ao enfermo Celador
Celador sen at. directa ao enfermo Celador
Fogueiro Peón
Lavandeiro Lavandeiro
Limpador Limpador
Operaria Peón
Pinche Pinche
Supervisor de área funcional Diplomado en enfermaría
Supervisor unidade Diplomado en enfermaría
ATS unidade hospital Diplomado en enfermaría
Fisioterapeuta hospital Fisioterapeuta
Técnico especialista Técnico especialista*
Auxiliar enfermaría unidade hospi Técnico en coidados auxiliares de enfermaría
Fac. xerarqu. med. xeral con CE Facultativo especialista de área
Asistente social COF. Traballador social
Xefe taller Grupo administrativo
Xefe cociña Cociñeiro
Encargado lavandaría Grupo administrativo
Oficial 1ª electricista Electricista
Oficial 1ª calefactor Calefactor
Animador sociocultural Grupo administrativo
Auxiliar de clínica Técnico en coidados auxiliares de enfermaría
Auxiliar psiquiátrico Técnico en coidados auxiliares de enfermaría
Auxiliar de enfermaría Técnico en coidados auxiliares de enfermaría
Cociñeiro oficial 2ª Cociñeiro
Auxiliar de farmacia Técnico en coidados auxiliares de enfermaría
Cociñeiro Cociñeiro
Operario Celador
Operario Pinche
Técnico especialista Técnico especialista*
Axudante de cociña Pinche
Costureira Costureira
Pasador de ferro Pasador de ferro
Cortadora Costureira
Xardineiro-hortelán Xardineiro
Ordenanza Celador
Telefonista Telefonista
Vixilante nocturno Celador
Denominación Categoría básica de homologación
Limpador Limpador
Fregadora Pinche
Limpador Limpador
* Indicar a especialidade que corresponda entre as seguintes:-Laboratorio de diagnóstico clínico.-Anatomía patolóxica e citoloxía.-Imaxe para o diagnóstico.-Radioterapia.
Complexo Hospitalario Universitario de Vigo.
Código: 3601.
Denominación Categoría básica de homologación
Posto base grupo A Facultativo especialista de área
Posto base grupo B Diplomado en enfermaría
Costureira Nicolás Peña Costureira
Técnico auxiliar Nicolás Peña Técnico especialista*
Auxiliar especialista Nicolás Peña Técnico en coidados auxiliares de enfermaría
Auxiliar radioloxía Nicolás Peña Técnico en coidados auxiliares de enfermaría
Auxiliar hospital Nicolás Peña Técnico en coidados auxiliares de enfermaría
Psicólogo, psiquiatra hospital Persoal técnico superior. Psicólogo
Xefe unidade con dedic. plena Enxeñeiro técnico
ATS supervisores Diplomado en enfermaría
ATS Diplomado en enfermaría
Asistente social Traballador social
Graduado social Grupo de xestión da función administrativa
Administrativo Grupo administrativo
Operador informático Técnico especialista en sistemas da información
Xefe grupo Grupo auxiliar da función administrativa
Auxiliar Grupo auxiliar da función administrativa
Encargado persoal oficio Gobernanta
Albanel Albanel
Cociñeiro Cociñeiro
Cociñeiro Gobernanta
Condutor Condutor
Fontaneiro calefactor Fontaneiro
Oficial cafetaría Gobernanta
Oficial lavandeiro Lavandeiro
Pintor Pintor
Telefonista Telefonista
Xardineiro varrendeiro Xardineiro
Auxiliar enfermaría Técnico en coidados auxiliares de enfermaría
Auxiliar psiquiatría Técnico en coidados auxiliares de enfermaría (en funcións saúde mental)
Ordenanza-porteiro Celador
Axudante persoal-oficios Pinche
Axudante persoal-oficios Celador
Operario de persoal-oficios Limpador
Operario de persoal-oficios Pinche
Asistente social COF Traballador social
Auxiliar sanitario Técnico en coidados auxiliares de enfermaría
Auxiliar de clínica Técnico en coidados auxiliares de enfermaría
Auxiliar de enfermaría Técnico en coidados auxiliares de enfermaría
Adxunto xefe de servizo Facultativo especialista de área
Auxiliar hospital Técnico en coidados auxiliares de enfermaría
Fontaneiro Fontaneiro
Cociñeiro Cociñeiro
Oper. servizos varios Limpador
Complexo Hospitalario de Pontevedra.
Código: 3603.
Denominación Categoría básica de homologación
Posto base grupo A Persoal técnico superior. Psicólogo
Posto base grupo B Diplomado en enfermaría
Técnico admón. xeral Grupo técnico da función administrativa
Xefe clínico, anatomía patolóxica Facultativo especialista de área
Adxunto, admisión Facultativo especialista de área
Xefe unidade con dedicación plena Enxeñeiro técnico
ATS supervisores Diplomado en enfermaría
ATS Diplomado en enfermaría
Fisioterapeuta Fisioterapeuta
Matrona Matrona
Asistente social Traballador social
Administrativo Grupo administrativo
Operador informático Técnico especialista en sistemas de información
Técnico especialista Técnico especialista
Xefe grupo Grupo auxiliar da función administrativa
Auxiliar Grupo auxiliar da función administrativa
Encargado persoal oficio Gobernanta
Mestre persoal oficios Fontaneiro
Albanel Albanel
Carpinteiro Carpinteiro
Cociñeiro Cociñeiro
Electricista Electricista
Denominación Categoría básica de homologación
Fontaneiro calefactor Fontaneiro
Mecánico electricista Electricista
Oficial costureira Costureira
Oficial lavandeira Lavandeira
Telefonista Telefonista
Xardineiro varrendeiro Xardineiro
Auxiliar enfermaría Técnico en coidados auxiliares de enfermaría
Auxiliar psiquiatría Técnico en coidados auxiliares de enfermaría (en funcións saúde mental)
Oficial cerimonial Grupo auxiliar da función administrativa
Ordenanza-porteiro Celador
Axudante persoal-oficios Celador
Operario de persoal-oficios Pinche
Asistente social USM Traballador social
Auxiliar de clínica Técnico en coidados auxiliares de enfermaría
Limpador Limpador
Oficial Lavandeira
Axudante cociña Pinche
Auxiliar administrativo Grupo auxiliar da función administrativa
Oper. servizos varios Peón
Ordenanza Celador
Médico Facultativo especialista de área
ATS con complemento toxicidade Diplomado en enfermaría
ATS Diplomado en enfermaría
Auxiliar clínica Técnico en coidados auxiliares de enfermaría
Axudante sanitario Celador
CONSELLERÍA DE XUSTIZA, INTERIOR E ADMINISTRACIÓN
LOCAL