En atención aos méritos que concorren en Real Coro Toxos e Froles, Santiago Rey Fernández-Latorre e Agustín Sixto Seco (a título póstumo), e ao abeiro do disposto no artigo 4 do Decreto 1/1991, do 11 de xaneiro, polo que se regula a concesión da Medalla de Ouro de Galicia, modificado polo Decreto 215/2003, do 3 de abril, é vontade do Goberno Galego outorgarlles a súa máis alta distinción.
Polo tanto, por proposta do conselleiro da Presidencia, Relacións Institucionais e Administración Pública, e logo de acordo do Consello da Xunta de Galicia na súa reunión do día dous de xuño de dous mil cinco,
DISPOÑO:
Concederlles a Medalla de Ouro de Galicia a:
-Real Coro Toxos e Froles.
-Santiago Rey Fernández-Latorre.
-Agustín Sixto Seco (a título póstumo).
Santiago de Compostela, dous de xuño de dous mil cinco.
Manuel Fraga Iribarne
Presidente
Jaime Alberto Pita Varela
Conselleiro da Presidencia, Relacións Institucionais
e Administración Pública