Cumpridas as previsións do artigo 15, alínea 2, do Estatuto de autonomía de Galicia e en virtude das facultades que me confiren como presidente desta o artigo 26, alínea 1, da Lei de Galicia 1/1983, do 22 de febreiro, reguladora da Xunta e do seu presidente, na redacción dada pola Lei 11/1988, do 22 de outubro,

DISPOÑO:

Artigo único.-Que cesen nos seus cargos os titulares dos departamentos da Xunta de Galicia, de conformidade coa seguinte relación e agradecéndolles os servizos prestados:

-Alberto Núñez Feijoo, como vicepresidente primeiro e conselleiro de Política Territorial, Obras Públicas e Vivenda.

-José Manuel Barreiro Fernández, como vicepresidente segundo e conselleiro de Medio Ambiente.

-Jaime Pita Varela, como conselleiro da Presidencia, Relacións Institucionais e Administración Pública.

-José Antonio Orza Fernández, como conselleiro de Economía e Facenda.

-Celso Currás Fernández, como conselleiro de Educación e Ordenación Universitaria.

-Juan Rodríguez Yuste, como conselleiro de Innovación, Industria e Comercio.

-José Antonio Santiso Miramontes, como conselleiro de Política Agroalimentaria e Desenvolvemento Rural.

-Jesús Pérez Varela, como conselleiro de Cultura, Comunicación Social e Turismo.

-José Manuel González Álvarez, como conselleiro de Sanidade.

-Enrique César López Veiga, como conselleiro de Pesca e Asuntos Marítimos.

-Jesús Carlos Palmou Lorenzo, como conselleiro de Xustiza, Interior e Administración Local.

-Pilar Rojo Noguera, como conselleira de Familia, Xuventude, Deporte e Voluntariado.

-Belén Prado Sanjurjo, como conselleira de Asuntos Sociais, Emprego e Relacións Laborais.

-Aurelio Miras Portugal, como conselleiro de Emigración.

Disposición derradeira

Este decreto entrará en vigor o mesmo día da súa publicación no Diario Oficial de Galicia.

Santiago de Compostela, tres de agosto de dous mil cinco.

Emilio Pérez Touriño

Presidente