Examinado o expediente instruído por instancia de Roberto Durán Vilar, representante legal de Viajes Chichirica, S.L., titular da axencia de viaxes Viajes Chichirica, en solicitude de concesión do oportuno título-licenza de axencia de viaxes do grupo retallista.

Resultando que coa referida solicitude se achegou toda a documentación que se indica no Decreto 42/2001, do 1 de febreiro, de refundición en materia de axencias de viaxes, guías de turismo e turismo activo.

Considerando que na empresa solicitante concorren todas as condicións exixidas polo Decreto 42/2001, do 1 de febreiro, para a obtención do título-licenza de axencia de viaxes do grupo retallista.

Considerando que na tramitación do expediente se observaron todos os requisitos e formalidades establecidos legal e regulamentariamente.

Vistos a Lei 9/1997, do 21 de agosto, de ordenación e promoción do turismo en Galicia, e o Decreto 42/2001, do 1 de febreiro, de refundición en materia de axencias de viaxes, guías de turismo e turismo activo, a Dirección Xeral de Turismo

RESOLVE:

Conceder título-licenza de axencia de viaxes do grupo retallista con XG-259 a Viajes Chichirica, con casa central na rúa Juan Carlos I, número 3 baixo, Vilagarcía de Arousa (Pontevedra), da que é titular Viajes Chichirica, S.L., que poderá exercer a súa actividade mercantil a partir da data de publicación desta orde no DOG, con suxeición ao preceptuado no Decreto 42/2001, do 1 de febreiro, de refundición en materia de axencias de viaxes, guías de turismo e turismo activo. A dita axencia quedará inscrita no Rexistro de Empresas e Actividades Turísticas da Comunidade Autónoma galega.

Contra esta resolución, que lle pon fin á vía administrativa, poderase interpor recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial

de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Previamente, poderá interpor recurso potestativo de reposición no prazo dun mes contado desde o día seguinte ao da publicación desta resolución no DOG.

Todo iso sen prexuízo da posibilidade de interpor recurso extraordinario de revisión nos supostos e prazos previstos no artigo 118 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 26 de xuño de 2006.

P.D. (Orde 31-1-2006, DOG nº 24)

Rubén C. Lois González

Director xeral de Turismo