A norma que determina os prezos públicos na Comunidade Autónoma de Galicia para as ensinanzas de réxime especial de música, danza, idiomas e conservación e restauración de bens culturais é o Decreto 156/2002, do 18 de abril. Desde a promulgación desta norma ata a actualidade implantáronse en Galicia as ensinanzas superiores de arte dramática e as ensinanzas superiores de deseño, o que fai preciso fixar os prezos destas ensinanzas, así como axustar os xa existentes noutros ámbitos educativos co obxecto de homoxeneizar os criterios para a súa aplicación, mediante a publicación do correspondente decreto.
Para estes efectos, establécense os prezos públicos tomando como unidade de referencia o crédito naquelas ensinanzas que xa teñen definida a súa estrutura curricular de acordo con este patrón, e diferenciando as que son conducentes a unha titulación equivalente a diplomatura universitaria daqueloutras equivalentes a licenciatura universitaria, segundo dispón a Lei orgánica 2/2006, do 3 de maio, de educación.
Así mesmo, establécense os prezos públicos de acordo co artigo 9 da Lei 7/2004, do 16 de xullo, galega para a igualdade de mulleres e homes, co fin de procurar a consecución da igualdade de oportunidades entre mulleres e homes e a eliminación de toda discriminación derivada de prexuízos sociais fundamentados no xénero.
Na súa virtude, e de conformidade co previsto no artigo 47 da Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, por proposta da conselleira de Educación e Ordenación Universitaria, logo de informe da Consellería de Economía e Facenda, e logo de deliberación do Consello da Xunta de Galicia na súa reunión do día trinta e un de agosto de dous mil seis.
DISPOÑO:
Artigo único.
Os artigos do Decreto 156/2002, do 18 de abril, polo que se establecen os prezos públicos dos con
servatorios de música, centros autorizados de música, conservatorios de danza, centros autorizados de danza, escolas oficiais de idiomas e Escola Superior de Conservación e Restauración de Bens Culturais de Galicia, que a continuación se relacionan, quedarán redactados como seguen:
Un
«Artigo 1º
Este decreto establece a contía dos prezos públicos correspondentes ás ensinanzas regradas de música, danza, arte dramática, idiomas, conservación e restauración de bens culturais e estudos superiores de deseño na Comunidade Autónoma de Galicia».
Dous
«Artigo 2º
1. Nas ensinanzas de música e artes escénicas en centros dependentes da Consellería de Educación e Ordenación Universitaria os prezos públicos correspondentes ás ensinanzas regradas de música serán os seguintes:
a) Grao elemental de música e de danza.
Apertura de expediente: 19 euros.
Servizos xerais: 11 euros.
Matrícula de curso completo: 90 euros.
Matrícula de disciplinas soltas: 30 euros.
Validación de disciplinas soltas: 6 euros.
b) Grao medio de música e de danza.
Preinscrición proba de acceso: 30 euros.
Apertura de expediente: 19 euros.
Servizos xerais: 11 euros.
Matrícula de curso completo: 150 euros.
Matrícula de disciplinas soltas: 45 euros.
Validación de disciplinas soltas: 6 euros.
c) Grao superior de música e de danza.
Preinscrición proba de acceso: 60 euros.
Apertura de expediente: 19 euros.
Servizos xerais: 11 euros.
En primeira e segunda matrícula, por crédito: 5 euros.
En terceira ou sucesivas matrículas, por crédito: 8 euros.
Validación de disciplinas por crédito: 1 euro.
d) Ensinanzas superiores de arte dramática.
Preinscrición proba de acceso: 60 euros.
Apertura de expediente: 19 euros.
Servizos xerais: 11 euros.
En primeira e segunda matrícula, por crédito: 5 euros.
En terceira ou sucesivas matrículas, por crédito: 8 euros.
Validacións de disciplinas por crédito: 1 euro.
2. O alumnado que curse simultaneamente dúas especialidades aboará os prezos públicos correspondentes a un curso completo máis os das materias soltas que sexan necesarias para complementar a outra especialidade, e non deberá aboar os prezos públicos das materias comúns nesta segunda especialidade.
3. O importe aboado polo alumnado que se matricule en disciplinas soltas correspondentes a un mesmo curso non poderá exceder o fixado para o curso completo».
Tres
«Artigo 3º
Nas escolas oficiais de idiomas a contía dos prezos públicos para os conceptos e ensinanzas será a que se indica a continuación:
Apertura de expediente: 19 euros.
Servizos xerais: 11 euros.
Matriculación por idioma: 70 euros.
Proba de nivel: 15 euros.
Cursos monográficos (por cada hora): 3 euros».
Catro
«Artigo 4º
1. Nas ensinanzas superiores de artes plásticas e deseño, en centros dependentes da Consellería de Educación e Ordenación Universitaria, os prezos públicos correspondentes ás ensinanzas regradas de música serán os seguintes:
a) Ensinanzas superiores de conservación e restauración de bens culturais.
Preinscrición proba de acceso: 50 euros.
Apertura de expediente: 19 euros.
Servizos xerais: 11 euros.
Matrícula curso completo: 250 euros.
Matrícula de disciplinas soltas: 50 euros.
Validación de disciplinas: 10 euros.
b) Ensinanzas superiores de deseño.
Preinscrición proba de acceso: 50 euros.
Apertura de expediente: 19 euros.
Servizos xerais: 11 euros.
En primeira e segunda matrícula, por crédito: 3 euros.
En terceira ou sucesivas matrículas, por crédito: 4 euros.
Validacións de disciplinas por crédito: 1 euro.
Cursos monográficos por crédito: 30 euros.
2. O importe aboado polo alumnado que se matricule en disciplinas soltas correspondentes a un mesmo curso non poderá exceder o fixado para o curso completo».
Disposición derradeira
Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela trinta e un de agosto de dous mil seis.
Emilio Pérez Touriño
Presidente
Laura Sánchez Piñón
Conselleira de Educación e Ordenación Universitaria