O Instituto Galego da Vivenda e Solo subscribiu con data do 24 de setembro de 1999 un protocolo co Concello de Ferrol para a promoción na zona do Bertón dunha actuación residencial de vivendas de protección pública.

O Plan Xeral de Ordenación Municipal de Ferrol aprobouse definitivamente por acordo do Pleno do concello en sesión do 28 de decembro de 2000 e nel delimitAranse o sector número 1 de solo urbanizable do Bertón (PP-1-R), para desenvolver mediante o correspondente plan parcial, imputándolle como sistema xeral exterior adscrito a este unha parte dos terreos do sistema xeral ZV-7 O Montón. O IGVS formulou o parcial de ordenación que obtivo a súa aprobación definitiva por acordo do Pleno do concello en sesión do 26 de febreiro de 2004 e nel establécese a súa execución polo sistema de expro

piación aplicable a todo o seu ámbito coa adscrición dos terreos do sistema xeral ZV-7 do Montón.

Segundo dispón o artigo 98.1º da Lei 9/2002, do 30 de decembro, de ordenación urbanística e protección do medio rural de Galicia: «A aprobación dos instrumentos de ordenación urbanística implicará a declaración de utilidade pública e a necesidade de ocupación dos bens e dereitos afectados, para os fins de expropiación ou imposición de servidumes».

Segundo o artigo 108.2º da Lei 9/2002, de ordenación urbanística e protección do medio rural de Galicia: «A execución dos plans polo sistema de expropiación pode ser obxecto de concesión administrativa ou ser asumida polos órganos ou entidades da Administración autonómica ou do Estado».

O presente expediente ten por obxecto a expropiación polo Instituto Galego da Vivenda e Solo dos bens necesarios para levar a cabo a execución do Plan parcial de ordenación do sector nº 1 do solo urbanizable do PXOM de Ferrol, O Bertón, consistente na adquisición dos terreos, a súa urbanización e edificación para cumprir os fins previstos no plan.

Trátase dunha expropiación urbanística e, como tal, regulada na Lei 6/1998, de réxime do solo e valoracións (LRSV), na Lei 9/2002, do 30 de decembro, de ordenación urbanística e protección do medio rural de Galicia (LOUG) e no R.D. 3288/1978, do 25 de agosto, que aproba o Regulamento de xestión urbanística (RXU).

O artigo 199.1º do RXU establece que «a execución do plan polo sistema de expropiación nun polígono ou unidade de actuación determinado requirirá que a Administración actuante, ademais de proceder á delimitación do seu ámbito territorial, formule, conforme o previsto na lexislación de expropiación forzosa, unha relación dos propietarios existentes no dito ámbito, coa descrición dos bens e dereitos afectados.

O artigo 36 LRSV establece que «o prezo xusto dos bens e dereitos expropiados determinarase conforme o establecido no título III da presente lei, mediante expediente individualizado ou polo procedemento de taxación conxunta». Así mesmo, o artigo 142.2º da LOUG establece que «a Administración actuante poderá aplicar o procedemento de taxación conxunta conforme o disposto no artigo seguinte ou seguir o expediente de valoración individual de acordo co establecido na lexislación xeral de expropiación forzosa»; e o artigo 201 do RXU establece que: «1. No sistema de expropiación, o expropiante poderá optar entre seguir a expropiación individualizada

mente para cada predio ou aplicar o procedemento de taxación conxunta. 3. Se o órgano urbanístico optase polo procedemento de taxación conxunta, seguirase a tramitación regulamentada nos artigos seguintes».

Tratándose dunha expropiación urbanística, o presente expediente formúlase polo procedemento de taxación conxunta, ao abeiro do devandito artigo 142.2º da LOUG.

Para os efectos de fixación do prezo xusto polo procedemento de taxación conxunta, para o seu pagamento aos propietarios afectados e ocupación dos predios afectados, confeccionouse o oportuno expediente, consonte o disposto no artigo 36 da Lei 6/1998, do réxime do solo e valoracións, artigo 143 da Lei 9/2002, de ordenación urbanística e protección do medio rural de Galicia, e artigos 201 e 202 do Regulamento de xestión urbanística.

Na súa virtude acórdase o inicio do expediente de expropiación forzosa polo procedemento de taxación conxunta dos bens e dereitos afectados no ámbito do Plan parcial de ordenación do Bertón e terreos adscritos do sistema xeral ZV-7 O Montón.

De conformidade, co previsto no artigo 143 da Lei 9/2002 (LOUG), o proxecto sométese a información pública por prazo dun mes mediante inserción de anuncios no Diario Oficial de Galicia e nun periódico dos de maior circulación da provincia para que quen poida resultar interesado formule as observacións e reclamacións que considere convenientes, en particular no que concerne á titularidade ou valoración dos seus respectivos bens ou dereitos. Así mesmo, as taxacións notificaránselles individualmente aos que aparezan como titulares de bens ou dereitos no expediente, para que poidan formular as alegacións no prazo dun mes, contados a partir da data de notificación.

O expediente estará exposto no Concello de Ferrol e na Delegación Provincial do IGVS na Coruña, sitas no edificio administrativo de Monelos 9º andar, durante un mes contado a partir do día seguinte ao da publicación do anuncio no Diario Oficial de Galicia, durante este período todas aquelas persoas ou entidades que se consideren afectadas poderán presentar as alegacións que consideren oportunas, dirixidas ao IGVS na forma prevista no artigo 38.4º da Lei 30/1992, de réxime xurídico das administracións públicas e do procedemento administrativo común.

Santiago de Compostela, 18 de setembro de 2006.

Mª Teresa Táboas Veleiro

Presidenta do Instituto Galego da Vivenda e Solo

ANEXO

RELACIÓN DE TITULARES, BENS E DEREITOS AFECTADOS