Como consecuencia da asunción por parte da Administración autonómica galega da asistencia sanitaria dos centros transferidos doutras administracións que pasaron a integrarse na rede sanitaria propia do Sergas, nas súas institucións sanitarias convive o persoal estatutario, xunto co funcionario e o laboral. A diferente regulación de cada un destes colectivos deu lugar a dificultades na xestión e na organización do traballo que conduciron a impulsar a necesaria integración deses profesionais no réxime estatutario, na procura da pacífica convivencia conxugada coa organización do traballo.
O Decreto 447/1996, do 26 de decembro (DOG nº 3, do 7 de xaneiro de 1997) regula as bases para homologación e integración no réxime estatutario do persoal funcionarial e laboral dos centros transferidos, facultando a Consellería de Sanidade para adoptar as medidas de desenvolvemento e execución necesarias. Neste sentido efectuáronse dúas convocatorias de integración en cada centro transferido, en que voluntariamente participaron os profesionais interesados, optando os demais por permanecer no réxime xurídico orixinario.
No acordo de mellora retributiva e profesional do 1 de outubro de 2003 (DOG nº 232, do 28 de novembro) prevese a convocatoria con carácter anual da apertura de prazos de opción de integración no réxime estatutario en idénticas condicións á primeira oferta realizada polo Sergas.
Pola súa banda, a Lei 7/2003, do 9 de decembro, de ordenación sanitaria de Galicia (DOG nº 246, do 19 de decembro), vén recoller no seu artigo 55.4º a promoción das medidas necesarias para a integración progresiva nun réxime xurídico común de todo o persoal que presta servizos no Sergas, como un dos principios xerais en materia de persoal, que se concreta aínda máis no artigo 56, cando no seu punto 3, establece o réxime estatutario como o aplicable con carácter xeral ao persoal do organismo, e ao mesmo tempo faculta de xeito expreso a Administración sanitaria galega para establecer os procedementos que habiliten a progresiva homologación e integración do persoal funcionario e laboral.
A Lei 55/2003, do 16 de decembro, do Estatuto marco do persoal estatutario dos servizos de saúde (BOE nº 301, do 17 de decembro), na súa disposición adicional quinta, establece que co obxecto de homoxeneizar as relacións de emprego do persoal de cada un dos centros, institucións, ou servizos de saúde, e co fin de mellorar a eficacia na xestión, as administracións sanitarias públicas poderán esta
blecer procedementos para a integración directa, con carácter voluntario, na condición de persoal estatutario.
As disposicións contidas nesta norma foron obxecto de negociación na Mesa sectorial de persoal das institucións sanitarias do Sergas do 18 de xullo de 2006.
Na súa virtude, de acordo co anterior, e para a súa efectividade, esta consellería
DISPÓN:
Artigo 1º.-Obxecto e ámbito de aplicación.
1. O persoal funcionario e/ou laboral fixo dependente dos centros de xestión de atención especializada do Sergas (relacionados no anexo I desta orde), a que se refire o artigo 1 do Decreto 447/1996, do 26 de decembro, poderán solicitar a homologación e integración no réxime estatutario regulado polo Estatuto marco aprobado pola Lei 55/2003, do 16 de decembro, nos termos e condicións que se establecen na presente norma, sempre que reúna os requisitos de titulación exixidos pola lexislación vixente, e que, á súa entrada en vigor se encontren nalgúns dos supostos recollidos no parágrafo seguinte:
Requisitos de acceso:
a) En situación de servizo activo.
b) En situación que implique a suspensión na relación de servizos laboral ou funcionarial, con reserva de posto de traballo, por algunha das causas establecidas na lexislación vixente, así como en situación de servizos especiais, no caso de persoal funcionario.
c) En situación de excedencia voluntaria, sempre que non transcorrese o tempo máximo desa excedencia previsto legalmente para cada caso. Neste suposto a integración efectuarase na situación de excedencia voluntaria e a posterior situación de servizo activo obterase de conformidade co previsto no Decreto 206/2005, do 22 de xullo, de provisión de prazas de persoal estatutario do Sergas (DOG nº 145, do 29 de xullo). A opción de integración poderá formularse no momento de solicitar o reingreso ou no prazo previsto nesta norma para o exercicio da opción.
2. Non poderá exercer o dereito de opción o persoal con vínculo temporal, de carácter funcionarial ou laboral, calquera que sexan as características de tal vínculo.
Artigo 2º.-Categorías homologables.
1. O persoal que exerza o dereito de opción integrarase nas categorías básicas do réxime estatutario que corresponda, segundo as características das prazas orixinaria e estatutaria de referencia.
Para tal efecto, será de aplicación a táboa de homologacións que figura no anexo I desta orde, na cal se relacionan as categorías funcionariais e laborais susceptibles de integracións e as correlativas estatutarias.
2. Porén, expedirase, no momento en que se resolva a solicitude de homologación e integración, un nomeamento adicional ao persoal que desempeñe postos de traballo de xefatura adquiridos en virtude dun concurso ou libre designación, no posto equivalente de carácter estatutario. Este nomeamento poderá ser definitivo, se o orixinario tiña tal condición por ser obtido mediante concurso ou concurso-oposición, ou ben provisional, se aquel foi expedido en virtude do sistema de libre designación.
Artigo 3º.-Efectos.
1. Ao persoal que resulte integrado aplicaráselle para todos os efectos o réxime económico e xurídico propio da categoría estatutaria en que se integre, e a súa prestación de servizos adecuarase á estrutura asistencial das institucións sanitarias do Sergas.
2. Ao persoal que resulte integrado no réxime estatutario, respectaráselle, para todos os efectos, a antigüidade que teña á entrada en vigor da presente orde, aínda que os trienios que se lle recoñezan con posterioridade á data en que teña efectividade a integración serano de acordo co previsto na disposición 2ª.2 do Real decreto 3/1987, do 11 de setembro, e normativa de desenvolvemento aplicable.
3. O persoal funcionario ou laboral que se integre no réxime estatutario será declarado na situación de excedencia voluntaria por incompatibilidade no seu corpo, escala e/ou categoría de orixe.
Artigo 4º.-Complemento persoal transitorio.
1. Ao persoal que, tendo efectuada a opción de integración, percibise retribucións superiores ás correspondentes á categoría de homologación no Sergas, recoñeceráselle un complemento persoal e transitorio consistente na diferenza de retribucións. O citado complemento será absorbido por calquera mellora retributiva que se produza neste exercicio ou posteriores, incluídas as derivadas de cambio de posto de traballo ou categoría, de acordo coa normativa orzamentaria.
2. Para o cálculo do complemento persoal transitorio, non se terán en conta as cantidades percibidas en concepto de atención continuada, complemento de nocturnidade, complemento de perigosidade, penosidade ou toxicidade, e realización de horas extraordinarias, así como calquera outro equiparable, nin as cantidades que en concepto de antigüidade teñan recoñecidas, ata a data en que remate o prazo de presentación das instancias para o exercicio da opción de integración.
3. Non se procederá a recoñecer ningún complemento persoal transitorio ao persoal do Hospital Santa María Nai de Ourense que por aplicación do acordo entre a Administración sanitaria e os representantes dos traballadores, publicado por Resolución conxunta do 29 de xullo de 1994, xa lle foron recoñecidos complementos persoais transitorios para a súa equiparación ao persoal estatutario do Sergas. Tampouco se recoñecerá o dito complemento ao per
soal que en virtude do mesmo acordo pasou, despois de terse adoptado este, a prestar servizos no mesmo centro coas mesmas condicións retributivas que o persoal estatutario.
Artigo 5º.-Efectos da non-integración.
1. Ao persoal que non exerza a opción de integración no réxime estatutario respectaráselle o réxime económico e xurídico que derive da súa situación de orixe, tanto funcionarial como laboral de remisión, coa dependencia orgánica e funcional do Sergas, de acordo co establecido no artigo 9 do Decreto 447/1996, do 26 de decembro.
2. Respecto das lagoas que se produzan na regulación dos colectivos funcionarial e laboral, aplicarase por analoxía a normativa da categoría estatutaria equiparable.
3. A prestación de servizos deste persoal non integrado adaptarase ás características de funcionamento das institucións sanitarias do Sergas, de forma que se integrará e adaptará na estrutura e organización de traballo dos centros sanitarios, debidamente cohonestado co resto do persoal destes.
Artigo 6º.-Exercicio do dereito de opción.
1. Prazos.
Sen prexuízo do establecido no inciso derradeiro do artigo 1º, o exercicio da opción de integración deberá realizarse con carácter individual, no prazo dun mes contado a partir do día seguinte ao da entrada en vigor desta orde, segundo modelo de instancia que se xunta como anexo II.
Os que non formulen opción expresa de integración entenderase que optan por non integrarse no réxime estatutario, coas consecuencias que se establecen no artigo 5º.
2. Procedemento.
As solicitudes, debidamente dilixenciadas pola dirección do centro, dirixiranse á División de Recursos Humanos e Desenvolvemento Profesional do Sergas, e poderán ser presentadas nas oficinas de rexistro dos respectivos centros hospitalarios ou nas direccións provinciais do Sergas, sen prexuízo de que tamén poidan presentarse por calquera das formas establecidas na Lei 30/1992, do 26 de decembro, de réxime xurídico das administracións públicas e do procedemento administrativo común.
3. Documentación.
O persoal que efectúe a opción de integración achegará, xunto coa súa solicitude, a seguinte documentación:
a) Fotocopia compulsada da titulación académica ou, de ser o caso, do libro de escolaridade.
b) O persoal médico achegará, así mesmo, fotocopia compulsada do título de especialista que posúa e/ou que o habilite para exercer a praza que vén desempeñando.
c) Certificado oficial acreditativo do centro onde presta servizos, categoría profesional, natureza funcionarial ou laboral do vínculo, así como do carácter de persoal fixo.
Artigo 7º.-Resolución.
As solicitudes serán resoltas pola División de Recursos Humanos e Desenvolvemento Profesional do Sergas no prazo máximo de dous meses desde que remate a presentación de instancias para formular a opción de integración. As resolucións expresarán os recursos que contra elas procedan; órgano ante o que deberán de presentarse e prazo para a súa interposición.
O anteriormente exposto enténdese sen prexuízo do disposto no parágrafo 1 c) do artigo 1º desta orde.
Disposicións adicionais
Primeira.-De acordo co establecido na disposición transitoria segunda da Orde do 26 de decembro de 1986 e na disposición adicional segunda do Decreto 447/1996, ao persoal que opte á integración na categoría de técnico en coidados auxiliares de enfermaría non lle será exixido o título de formación profesional de primeiro grao, rama sanitaria, para integrarse na devandita categoría, sempre que á súa entrada en vigor se atopase prestando servizos en prazas desa categoría que resulten debidamente acreditados. Para tal fin, o centro hospitalario expedirá certificación de servizos prestados.
Segunda.-Os postos de traballo de orixe do persoal que opte pola súa integración no réxime estatutario consideraranse amortizados e reconvertidos nos correspondentes estatutarios que determina, para cada caso, a táboa de homologacións que se inclúe no anexo I desta orde.
As vacantes que se produzan de persoal laboral ou funcionario que non se integre no réxime estatutario e que non estean afectadas polas situacións previstas no artigo 1º.1 b) desta disposición, declararanse a extinguir para a súa amortización ou, de ser o caso, substitución por prazas de persoal estatutario do Sergas.
Os postos de traballo vacantes ocupados polo persoal do artigo 1º.2 desta norma consideraranse amortizados e reconvertidos en prazas de persoal estatutario, polo que o persoal que os ocupa cesará, na data en que teña efectividade a integración, no seu desempeño.
Porén o anterior, con efectos do día seguinte ao do cesamento, expediráselles un nomeamento ou formalizaráselles un contrato, segundo corresponda, para ocupar co mesmo carácter a correspondente praza de persoal estatutario.
Terceira.-Con respecto ao complemento PRD por traballo a quendas do persoal sanitario non facultativo e do persoal de xestión e servizos, incluirase entre as retribucións correspondentes á categoría de
homologación para os efectos da determinación do complemento persoal e transitorio a que fai referencia o artigo 4º desta disposición.
A consideración deste complemento no cálculo do complemento persoal e transitorio practicarase sobre a asignación da contía correspondente á modalidade de traballo por quendas que corresponda ao posto de traballo de homologación, segundo a configuración que daquel se fai no punto 1.1. do Acordo de concertación social sobre retribucións e condicións de traballo do persoal sanitario non facultativo e persoal non sanitario do Sergas (DOG nº 5, do 19 de marzo de 2001) publicado por resolución conxunta da Secretaría Xeral da Consellería de Sanidade e Servizos Sociais e da División de Recursos Humanos do Sergas.
No suposto de producirse posteriormente á integración unha alteración no réxime de prestación de servizos do posto de traballo que determina a variación estable do réxime de traballo por quendas tomado en consideración para o cálculo do complemento persoal e transitorio, procederase á revisión do devandito complemento para reflectir nel a nova modalidade de quendas que pase a resultarlle de aplicación.
Cuarta.-No que respecta ao persoal das categorías en que a integración, segundo consta no anexo I, poida efectuarse en varias categorías estatutarias, a integración realizarase segundo sexan as funcións que veñan realizando de xeito estable e regular na organización de traballo do centro e que resulten debidamente acreditadas mediante certificación expedida pola dirección deste.
En todo caso, será condición imprescindible reunir os requisitos de titulación exixidos pola lexislación vixente para cada categoría de integración, sen menoscabo do establecido na disposición adicional primeira desta orde.
Quinta.-Persoal en expectativa de obter o título da especialidade.
O persoal suxeito a réximes transitorios de obtención do título da especialidade, que na data de publicación da presente orde non estivese en posesión deste, e aquel persoal que posúa unha titulación respecto da cal aínda non estivese desenvolvida a regulamentación das súas especialidades, homologarase á categoría estatutaria de persoal técnico titulado superior que corresponda, sen prexuízo da súa posterior integración como facultativo especialista de área no momento en que, consonte o réxime transitorio da normativa de desenvolvemento das especialidades respectivas, obteña a devandita titulación, e sempre que a dita normativa prevexa a integración á citada categoría.
A dita integración realizarase logo de solicitude do interesado, só e exclusivamente, desde a praza en que se produciu a homologación ao réxime xurídico de persoal estatutario de conformidade co disposto na presente orde.
Sexta.-Acceso ao réxime extraordinario de carreira profesional do persoal diplomado sanitario que resulte integrado no réxime estatutario.
En cumprimento do previsto na cláusula adicional cuarta do réxime extraordinario de acceso á carreira profesional regulado no Acordo do 4 de xullo de 2006 (DOG nº 155, do 11 de agosto), o persoal con vínculo de fixeza que opte pola integración e resulte integrado no réxime estatutario, nas correspondentes categorías de diplomados sanitarios, accederá ao dito réxime nas mesmas condicións que o persoal estatutario.
Para tales efectos deberá presentar a súa solicitude de conformidade co previsto na Resolución da División de Recursos Humanos e Desenvolvemento Profesional, do 31 de xullo de 2006 (DOG nº 155, do 11 de agosto), pola que se inicia o procedemento para o recoñecemento do grao I de desenvolvemento profesional das categorías de diplomados sanitarios do Servizo Galego de Saúde, achegando a documentación requirida nela.
O prazo para presentar esta solicitude será o establecido no artigo 6º desta orde para exercer o dereito de opción de integración no réxime estatutario.
Disposición transitoria
Única.-O persoal facultativo que se integre no réxime estatutario fará no momento da integración a opción polo réxime de dedicación normal ou de dedicación exclusiva ao sector público sanitario coa conseguinte renuncia ou solicitude de percepción do complemento específico, segundo o previsto no Decreto 11/1995, do 20 de xaneiro, polo que se regula o réxime de percepción do complemento específico para o persoal estatutario do Sergas e se establecen os prazos para formular solicitudes e renuncias.
A mentada opción resolverase, conxuntamente, coa solicitude de integración, no prazo establecido nesta norma.
Disposición derradeira
A presente orde entrará en vigor o día seguinte ao da súa publicación no Diario Oficial de Galicia.
Santiago de Compostela, 14 de decembro de 2006.
Mª José Rubio Vidal
Conselleira de Sanidade
ANEXO I
Complexo Hospitalario Juan Canalejo.
Código: 1501.
Denominación Categoría básica de homologación
Posto base grupo B Diplomado en enfermaría
Posto base grupo E Celador
Asistente social USM Traballador social
Asistente social COF Traballador social
Denominación Categoría básica de homologación
Auxiliar sanitario Técnico en coidados auxiliares de enfermaría
Cociñeiro Cociñeiro
Complexo Hospitalario Arquitecto Marcide.
Código: 1505.
Denominación Categoría básica de homologación
Xefe de grupo Grupo auxiliar da función administrativa
Posto base grupo E Celador
Limpador Limpador
Complexo Hospitalario Universitario de Santiago de Compostela.
Código: 1571.
Denominación Categoría básica de homologación
Posto base grupo A Facultativo especialista de área
Posto base grupo B Diplomado en enfermaría
Operador entrada de datos Grupo auxiliar da función administrativa
Posto base grupo D Grupo auxiliar da función administrativa
Posto base grupo E Celador
Xefe de servizo Facultativo especialista de área
Médico adxunto Facultativo especialista de área
Médico especialista Facultativo especialista de área
Administrativo Grupo administrativo
Auxiliar administrativo Grupo auxiliar da función administrativa
Axudante sanitario Celador
Axudante sanitario Técnico en coidados auxiliares de enfermaría
Cociñeiro Cociñeiro
Xefe de servizo CC/90 Facultativo especialista de área
Supervisor xeral enfermaría Diplomado en enfermaría
ATS Diplomado en enfermaría
Enxeñeiro técnico Enxeñeiro técnico
Asistente social Traballador social
Xefe de negociado Grupo administrativo
Encargado de unidade Técnico en coidados auxiliares de enfermaría
Oficial administrativo 1 Grupo administrativo
Encargado xefe de cociña Cociñeiro
Auxiliar psiquiátrico Técnico en coidados auxiliares de enfermaría (en funcións de saúde mental)
Monitor laborterapia Monitor
Auxiliar administrativo con HE Grupo auxiliar da función administrativa
Porteiro CC/90 Celador
Garda porteiro Celador
Camareiro de bar Celador
Telefonista Telefonista
Costureiro Costureiro
Fontaneiro Fontaneiro
Albanel Albanel
Perruqueiro Perruqueiro
Peón cristaleiro-pintor Pintor
Axudante de limpeza sen HE Limpador
Auxiliar de cociña Pinche
Axudante de almacén Celador
Axudante de lavandaría Lavandeiro
Axudante técnico laboratorio Técnico especialista en laboratorio de diagnóstico clínico
Oficial laboratorio Técnico especialista en laboratorio de diagnóstico clínico
Limpador Limpador
Denominación Categoría básica de homologación
Médico especialista Facultativo especialista de área
Técnico admón. xeral Grupo técnico da función administrativa
Supervisor xeral Diplomado en enfermaría
Asistente social Traballador social
Mestre cociñeiro Cociñeiro
Técnico FP 2 Técnico especialista *
Auxiliar de clínica Técnico en coidados auxiliares de enfermaría
Celador Celador
Ordenanza Celador
Oficios varios Peón
* Indicar a especialidade que corresponda entre as seguintes:
-Laboratorio de diagnose clínica.-Anatomía patolóxica e citoloxía.-Imaxe para a diagnose.-Radioterapia.
Complexo Hospitalario Xeral-Calde.
Código: 2701.
Denominación Categoría básica de homologación
Xefe sección provincial Facultativo especialista de área
Posto base grupo B Diplomado en enfermaría
Posto base grupo C Grupo administrativo
Auxiliar sanitario Técnico en coidados auxiliares de enfermaría
Complexo Hospitalario de Ourense.
Código: 3201.
Denominación Categoría básica de homologación
Administrador Grupo administrativo
Director de enfermaría Diplomado en enfermaría
Posto base grupo B Diplomado en enfermaría
Posto base grupo C Grupo administrativo
Posto base grupo D Grupo auxiliar da función administrativa
Xefe servizo con CE Facultativo especialista de área
Xefe sección con CE Facultativo especialista de área
Xefe sección sen CE Facultativo especialista de área
Facultativo xerarquizado medicina xeral Facultativo especialista de área
Grupo técnico da función administrativa Grupo técnico da función administrativa
Xefe sección administrativo Grupo administrativo
Xefe grupo auxiliar administrativo Grupo auxiliar da función administrativa
Celador atención directa ao enfermo Celador
Celador sen atención directa ao enfermo Celador
Fogueiro Peón
Lavandeiro Lavandeiro
Limpador Limpador
Supervisor de área funcional Diplomado en enfermaría
Supervisor unidade Diplomado en enfermaría
ATS unidade hospital Diplomado en enfermaría
Auxiliar enfermaría unidade hospitalización Técnico en coidados auxiliares de enfermaría
Facultativo xerarquizado medicina xeral con CE Facultativo especialista de área
Asistente social COF Traballador social
Xefe taller Grupo administrativo
Xefe cociña Cociñeiro
Encargado lavandaría Grupo administrativo
Oficial 1ª electricista Electricista
Animador sociocultural Grupo administrativo
Denominación Categoría básica de homologación
Auxiliar de clínica Técnico en coidados auxiliares de enfermaría
Auxiliar psiquiátrico Técnico en coidados auxiliares de enfermaría
Auxiliar de enfermaría Técnico en coidados auxiliares de enfermaría
Cociñeiro oficial 2ª Cociñeiro
Auxiliar de farmacia Técnico en coidados auxiliares de enfermaría
Cociñeiro Cociñeiro
Operario Celador
Operario Pinche
Técnico especialista Técnico especialista*
Axudante de cociña Pinche
Costureiro Costureiro
Pasador de ferro Pasador de ferro
Cortador Costureiro
Xardineiro-hortelán Xardineiro
Ordenanza Celador
Telefonista Telefonista
Fregador Pinche
Facultativo xerarquizado medicina xeral Facultativo xerarquizado medicina xeral
* Indicar a especialidade que corresponda entre as seguintes:-Laboratorio de diagnose clínica.-Anatomía patolóxica e citoloxía.-Imaxe para a diagnose.-Radioterapia.
Complexo Hospitalario Universitario de Vigo.
Código: 3601.
Denominación Categoría básica de homologación
Posto base grupo A Facultativo especialista de área
Posto base grupo B Diplomado en enfermaría
Costureiro Nicolás Peña Costureiro
Técnico auxiliar Nicolás Peña Técnico especialista*
Auxiliar especialista Nicolás Peña Técnico en coidados auxiliares de enfermaría
Auxiliar radioloxía Nicolás Peña Técnico en coidados auxiliares de enfermaría
Auxiliar Hospital Nicolás Peña Técnico en coidados auxiliares de enfermaría
Xefe unidade con dedicación plena Enxeñeiro técnico
ATS Diplomado en enfermaría
Asistente social Traballador social
Graduado social Grupo de xestión da función administrativa
Administrativo Grupo administrativo
Operador informático Técnico especialista en sistemas da información
Xefe grupo Grupo auxiliar da función administrativa
Auxiliar Grupo auxiliar da función administrativa
Encargado persoal de oficio Gobernante
Albanel Albanel
Cociñeiro Cociñeiro
Cociñeiro Gobernante
Condutor Condutor
Fontaneiro calefactor Fontaneiro
Oficial cafetaría Gobernante
Oficial lavandeiro Lavandería
Pintor Pintor
Telefonista Telefonista
Xardineiro varrendeiro Xardineiro
Auxiliar psiquiatría Técnico en coidados auxiliares de enfermaría (en funcións saúde mental)
Ordenanza-porteiro Celador
Axudante persoal-oficios Pinche
Denominación Categoría básica de homologación
Axudante persoal-oficios Celador
Operario de persoal-oficios Limpador
Operario de persoal-oficios Pinche
Asistente social COF Traballador social
Auxiliar de clínica Técnico en coidados auxiliares de enfermaría
Auxiliar de enfermaría Técnico en coidados auxiliares de enfermaría
Adxunto xefe de servizo Facultativo especialista de área
Auxiliar hospital Técnico en coidados auxiliares de enfermaría
Fontaneiro Fontaneiro
Operario servizos varios Limpador
Complexo Hospitalario de Pontevedra.
Código: 3603.
Denominación Categoría básica de homologación
Posto base grupo A Persoal técnico superior. Psicólogo
Posto base grupo B Diplomado en enfermaría
Técnico administración xeral Grupo técnico da función administrativa
Xefe clínico Facultativo especialista de área
Xefe unidade con dedicación plena Enxeñeiro técnico
ATS supervisores Diplomado en enfermaría
ATS Diplomado en enfermaría
Fisioterapeuta Fisioterapeuta
Asistente social Traballador social
Administrativo Grupo administrativo
Técnico especialista Técnico especialista
Xefe grupo Grupo auxiliar da función administrativa
Auxiliar Grupo auxiliar da función administrativa
Encargado persoal de oficio Gobernante
Mestre persoal de oficios Fontaneiro
Albanel Albanel
Carpinteiro Carpinteiro
Cociñeiro Cociñeiro
Electricista Electricista
Fontaneiro calefactor Fontaneiro
Mecánico electricista Electricista
Oficial costureiro Costureiro
Oficial lavandeiro Lavandeiro
Telefonista Telefonista
Xardineiro varrendeiro Xardineiro
Auxiliar enfermaría Técnico en coidados auxiliares de enfermaría
Auxiliar psiquiatría Técnico en coidados auxiliares de enfermaría (en funcións saúde mental)
Oficial cerimonial Grupo auxiliar da función administrativa
Ordenanza-porteiro Celador
Axudante persoal-oficios Celador
Operario de persoal-oficios Pinche
Asistente social USM Traballador social
Limpador Limpador
Oficial Lavandeiro
Axudante cociña Pinche
Auxiliar administrativo Grupo auxiliar da función administrativa
Oper. servizos varios Peón
Ordenanza Celador
ATS con complemento toxicidade Diplomado en enfermaría
ATS Diplomado en enfermaría
Auxiliar clínica Técnico en coidados auxiliares de enfermaría
Axudante sanitario Celador