De acordo co disposto no artigo 112 da Lei xeral tributaria (Lei 58/2003, do 17 de decembro), ao non lles poder notificar por causas non imputables á Administración e realizados, polo menos, os intentos de notificación exixidos polo citado artigo, mediante este anuncio cítanse os obrigados tributarios, demais interesados ou representantes que se relacionan no anexo, para seren notificados por comparecencia dos actos administrativos derivados dos procedementos que nel se inclúen.

Os obrigados tributarios, os demais interesados ou os seus representantes deberán comparecer no prazo máximo de 15 días naturais, contados desde o seguinte ao da publicación deste anuncio no boletín oficial correspondente, en horario das 9.00 ás 14.00 horas, de luns a venres, nos lugares que en cada caso se sinalan, para o efecto de se practicaren as notificacións pendentes nos procedementos tramitados polos órganos relacionados no anexo.

Cando, transcorrido o dito prazo, non se comparecese, a notificación entenderase producida para todos os efectos legais desde o día seguinte ao do vencemento do prazo sinalado para comparecer.

A Coruña, 15 de febreiro de 2007.

Mª Teresa Pisano Avello

Delegada especial para Galicia

Lugares de comparecencia.

Non obstante, se vostede cambiou de domicilio fiscal poderá comparecer nas oficinas da Axencia Estatal da Administración Tributaria correspondentes ao seu domicilio fiscal para a práctica das notificacións pendentes.