O Decreto 100/2005, do 21 de abril, que regula a estrutura e funcións da Comisión de Planificación Transfusional, establece que será un órgano de carácter consultivo en materia de hemodoazón e hemoterapia, dependente do Servizo Galego de Saúde, correspondéndolle o asesoramento á Consellería de Sanidade, a coordinación nas materias de política hemoterápica, hemovixilancia e abastecemento de sangue do Centro de Transfusión Sanguínea de Galicia e os servizos de transfusión da Comunidade Autónoma de Galicia, coas seguintes funcións:
a) Estudo e avaliación de normas de declaración de stock.
b) Establecer os circuítos de solicitude de unidades de sangue e derivados, tanto programado como urxente, desde os servizos de transfusión ao Centro de Transfusión Sanguínea de Galicia.
c) Asesorar a dirección técnica do Centro de Transfusión Sanguínea de Galicia no desempeño das súas funcións.
d) Estimular e impulsar o cumprimento das funcións do Centro de Transfusión Sanguínea de Galicia sinaladas nese decreto, e especialmente no referente á promoción das doazóns, e á utilización correcta do sangue e os seus derivados.
e) Realizar o seguimento do Plan de Hemodoazón e Hemoterapia de Galicia.
f) Dinamizar o desenvolvemento do Programa autonómico da hemovixilancia, e servir de órgano de comunicación entre os diferentes servizos de transfusión co Centro de Transfusión Sanguínea de Galicia e as autoridades sanitarias.
Na súa virtude, e no uso das facultades que me confiren os artigos 34.6º e 38 da Lei 1/1983, do 22 de febreiro, reguladora da Xunta e do seu presidente, modificada pola Lei 11/1998, do 20 de outubro e a disposición derradeira primeira do Decreto 100/2005, do 21 de abril, polo que se regula a hemodoazón e hemoterapia na Comunidade Autónoma de Galicia.
DISPOÑO:
Artigo único.-Nomear membros da Comisión de Planificación Transfusional as persoas que se relacionan no anexo.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 8 de maio de 2007.
Mª José Rubio Vidal
Conselleira de Sanidade
ANEXO
Membros da Comisión de Planificación Transfusional:
Presidente: Julio Villar Barreiro, director xeral da División de Asistencia Sanitaria do Sergas.
Vicepresidente: Jesús Santiago Ares Martínez, subdirector xeral de Procesos Asistenciais da División de Asistencia Sanitaria do Sergas.
Vogais:
-Cristina Rey Barbosa, subdirectora xeral de Farmacia.
-Alfredo Campos Pena, facultativo especialista de Hematoloxía e Hemoterapia do Banco de Sangue no CHUS, membro da directiva da Asociación Galega de Hematoloxía e Hemoterapia.
-Consuelo Ramírez Cereceda, facultativo especialista en Hematoloxía do Hospital Juan Canalejo da Coruña, representante dos comités de transfusión e hemoderivados dos hospitais ou complexos hospitalarios do Servizo Galego de Saúde.
-José Francisco Muñiz Montero, facultativo especialista en Hematoloxía do Hospital da Costa Burela, representante dos comités de transfusión e hemoderivados dos hospitais comarcais do Servizo Galego de Saúde.
-Julio Cabrera Riande, director técnico do Centro de Transfusión Sanguínea de Galicia.
-Azucena Castrillo Fernández, representante do Centro de Transfusión Sanguínea de Galicia.
-Francisco J. Novoa Sanjurjo, representante dos comités de transfusión dos hospitais de titularidade privada, designado pola Federación de Asociacións de Centros de Hospitalización Privada de Galicia.
Secretario: Antonio Louro García, administrador do Centro de Transfusión de Galicia, que actuará con voz pero sen voto.
CONSELLERÍA DE PRESIDENCIA, ADMINISTRACIÓNES PÚBLICAS
E XUSTIZA