Pola orde da Consellería de Innovación e Industria do 13 de setembro de 2007 (Diario Oficial de Galicia nº 197, do 10 de outubro), convocáronse os premios Antonio Casares y Rodrigo de Investigación Científico-Técnica correspondentes aos Premios Galicia de Investigación 2007.
De acordo co establecido nas bases da convocatoria, a decisión adoptada polo xurado debe darse a coñecer mediante a correspondente publicación no Diario Oficial de Galicia.
En consecuencia, e tendo en conta a proposta elaborada polo xurado na súa reunión do día 14 de abril, esta consellería
RESOLVE:
Primeiro.-Concederlle o Premio Antonio Casares y Rodrigo de Investigación Científico-Técnica para investigadores sénior a Carlos Pajares Vales.
Segundo.-Concederlles o Premio Antonio Casares y Rodrigo de Investigación Científico-Técnica para investigadores mozos a Miguel Ángel Correa Duarte e a Roberto López Valcarce, ex aequo.
Terceiro.-Esta resolución pon fin á vía administrativa segundo o disposto no artigo 109 e) da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 23 de abril de 2008.
P.D. (Orde 31-1-2006, DOG nº 24, do 3 de febreiro)
Emilio Nogueira Moure
Secretario xeral da Consellería de Innovación
e Industria