Ana María Carrasco García, secretaria xudicial do Xulgado do Social número catro da Coruña, fai saber:

Que no procedemento de demanda 829/2008 deste Xulgado do Social, seguido por instancia de Bernardo Novoa Riola contra a empresa Mercar Noroeste, S.L.U., sobre despedimento, se ditou a seguinte

«Sentenza, cuxa parte dispositiva se xunta.

Xulgado do Social número catro da Coruña. Autos 829/2008.

Decido que estimando a demanda promovida por Bernardo Novoa Riola contra a empresa Mercar Noroeste, S.L.U., debo declarar e declaro improcedente o despedimento efectuado ao demandante sr. Novoa Riola, con data do 8 de setembro de 2008, condenando a empresa demandada á readmisión ou ao aboamento, en concepto de indemnización, da cantidade de 36.250 euros, así como ao aboamento, en ambos os casos, dos salarios deixados de percibir desde a data do despedimento ata a desta sentenza, que ascende á cantidade de 4.883,34 euros.

Notifíqueselles esta resolución ás partes e fágaselles saber que non é firme e contra ela cabe interpor recurso de suplicación, debendo anuncialo previamente perante este xulgado no termo de cinco días desde a notificación desta sentenza e que será resolto, de ser o caso e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, así mesmo, acreditar, ao anunciar o recurso, ter consignado o importe da condena na conta de consignacións deste xulgado, o que se poderá substituír por aseguramento mediante aval bancario, constando a responsabilidade solidaria do avalista, e sen este requisito non se poderá considerar anunciado o recurso e quedará firme a sentenza.

Así, por esta miña sentenza, pronúncioo, mándoo e asínoo.

E para que lle sirva de notificación en legal forma a Mercar Noroeste, S.L.U., en ignorado paradoiro, expido esta cédula para a súa inserción no Diario Oficial de Galicia.

Advírtese o destinatario de que as seguintes comunicacións se farán nos estrados deste xulgado, agás as que revistan forma de auto ou sentenza, ou se trate de emprazamento.

A Coruña, 10 de decembro de 2008.

Ana María Carrasco García

Secretaria xudicial