Adoptado acordo polo Consello da Xunta de Galicia, en sesión do día vinte e sete de novembro de dous mil oito, relativo á adxudicación definitiva dunha emisora en ondas métricas con modulación de frecuencia, resulta necesario dar publicidade ao acordo mencionado, unha vez cumpridos os requisitos que se determinan no Decreto 156/1989, do 27 de xullo, modificado parcialmente polo Decreto 35/1992, do 6 de febreiro, que regula o procedemento de concesión de emisoras de radiodifusión sonora en ondas métricas con modulación de frecuencia.
RESOLVO:
Facer público o acordo do Consello da Xunta de Galicia, adoptado en reunión do día vinte e sete de novembro de dous mil oito, polo que se adxudica definitivamente o servizo de radiodifusión sonora en ondas métricas con modulación de frecuencia a favor de Radio Popular, S.A. (COPE), para a localidade da Estrada (Pontevedra), coas características técnicas que figuran no anexo a esta resolución.
Santiago de Compostela, 5 de xaneiro de 2008.
Manuel José Fernández Iglesias
Director xeral de Comunicación Social e Audiovisual
ANEXO
O Consello da Xunta de Galicia, na súa reunión do día vinte e sete de novembro de dous mil oito, adoptou, entre outros, o seguinte acordo:
Outorgar a concesión definitiva do servizo de radiodifusión sonora en ondas métricas con modulación de frecuencia a favor de Radio Popular S.A. (COPE), para a localidade da Estrada (Pontevedra).
As características técnicas que se asignan á emisora son:
-Frecuencia (MHz): 88,4.
-Localidade: A Estrada.
-Provincia: Pontevedra
-Coordenadas: 42º 45 04 N-08º 37 41 W.
-Cota (m): 451
-Denominación da emisión: 256KF8EHF.
-Potencia radiada aparente máxima: 2000 W.
-D= (051º-141º) a -3dB e debendo atenuar polo menos 20 dB no sector (175º-190º)
-Potencia máxima nominal do equipo transmisor: 400 W.
-Potencia de saída autorizada do equipo transmisor: 281 W.
-Altura sobre o chan, do centro eléctrico da antena (m): 25.
-Altura do mastro sobre o chan (m): 30.
-Altura efectiva máxima (m): 402.
-Polarización: circular.