Con data do 26 de maio de 2009 o alcalde do Concello de Allariz, Francisco García Suárez, asinou un convenio urbanístico con Luis Cid González e os seus fillos Adolfo e José Manuel Cid Feijoo, en representación de todos os propietarios da AR-143 do PXOM, para substituír o deber legal de cesión do 10% do aproveitamento tipo que lle corresponde como promotor da área de repartición nº 143 (AR-143) de solo urbano non consolidado, aproveitamento estimado en 179,5 m2, polo pagamento de 20.642,50 euros conforme a valoración efectuada polos servizos técnicos municipais.

Segundo consta o citado convenio, a propiedade comprométese a aboar a citada cantidade no momento de obter a correspondente licenza de obra.

En cumprimento do disposto no artigo 237 da Lei 9/2002, de ordenación urbanística e protección do medio rural de Galicia, sométese o dito convenio ao trámite de información pública mediante anuncio que se publicará no Diario Oficial de Galicia e no xornal La Región de Ourense por un período de vinte días.

Os interesados poden examinar o referido convenio na secretaría do concello durante o prazo de exposición, das 9.00 ás 14.00 horas, de luns a venres.

Allariz, 27 de maio de 2009.

Francisco García Suárez

Alcalde