En atención á relevancia dos servizos constantes prestados á sociedade galega polos expresidentes da Xunta de Galicia e ao abeiro do disposto no artigo 4 do Decreto 1/1991, do 11 de xaneiro, polo que se regula a concesión da Medalla de Galicia, modificado polo Decreto 215/2003, do 3 de abril, é vontade do Goberno galego outorgarlle a súa máis alta distinción.
Polo tanto, por proposta do conselleiro de Presidecia, Administracións Púbicas e Xustiza e logo de acordo do Consello da Xunta de Galicia, na súa reunión do día dezasete de xullo de dous mil nove,
DISPOÑO:
Concederlle a Medalla de Ouro de Galicia a:
-Gerardo Fernández Albor.
-Fernando Ignacio González Laxe.
-Manuel Fraga Iribarne.
-Emilio Pérez Touriño.
Santiago de Compostela, dezasete de xullo de dous mil nove.
Alberto Núñez Feijóo
Presidente
Alfonso Rueda Valenzuela
Conselleiro de Presidencia, Administracións
Públicas e Xustiza