De conformidade co establecido nos artigos 28 e 29 do Real decreto 1451/2005, do 7 de decembro, polo que se aproba o Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza, esta dirección xeral resolveu adxudicarlles destino, nos órganos xudiciais que se relacionan no anexo, aos funcionarios do corpo de xestión procesual e administrativa (quenda libre) nomeados funcionarios de carreira do corpo de xestión procesual e administrativa pola Orde do 9 de maio de 2011, tendo en conta o seguinte:

Primeiro. Os funcionarios do corpo de xestión procesual e administrativa aos cales se lles outorga destino nesta resolución deberán tomar posesión do seu cargo ante o superior funcional do órgano xudicial de destino dentro do prazo de vinte días naturais contados desde o día seguinte ao da publicación desta resolución no Boletín Oficial del Estado, de acordo co establecido no artigo 29 do citado real decreto, para o cal esta dirección xeral lles remitirá, coa suficiente antelación, aos órganos xudiciais cinco exemplares do acordo de nomeamento (documentos F1R).

Segundo. Os funcionarios destinados en virtude desta resolución que pertenzan xa ao corpo de tramitación procesual e administrativa ou ao de auxilio xudicial e que opten por continuar en activo nalgún dos devanditos corpos non será necesario que se despracen a tomar posesión ao posto de traballo adxudicado, abondando con que dentro do prazo de toma de posesión sinalado no punto primeiro lle comuniquen a esta dirección xeral a dita opción, para os efectos da declaración de excedencia voluntaria prevista no artigo 506 d) da Lei orgánica 6/1985, do 1 de xullo, do poder xudicial. Unha copia da resolución pola que se declaran en situación de excedencia voluntaria seralle remitida por esta dirección xeral ao Rexistro Central de Persoal da Subdirección Xeral de Medios Persoais da Administración de Xustiza.

Terceiro. No caso de que os funcionarios opten por ingresar no corpo de xestión procesual e administrativa e queiran evitar un baleiro na continuidade dos seus servizos na Administración de xustiza, dada a necesidade de contar co tempo indispensable para efectuar a toma de posesión, poderán solicitar no departamento de persoal correspondente ao seu destino como funcionario do corpo de tramitación procesual e administrativa un permiso retribuído dun día se non hai cambio de localidade, ou de dous no caso contrario, agás aqueles que teñan que se desprazar desde a Comunidade Autónoma de Canarias, a Comunidade Autónoma das Illes Balears, a Cidade de Ceuta ou a Cidade de Melilla, caso en que o permiso poderá ser de ata tres días para tomar posesión do seu novo cargo.

Para o caso de que o funcionario que tome posesión nesta comunidade proceda do ámbito de competencia doutra xerencia territorial ou de comunidades autónomas que recibisen o traspaso de medios persoais, esta dirección xeral remitiralles o acordo de nomeamento dilixenciado aos ditos órganos para que procedan a concederlle de oficio a situación de excedencia voluntaria no corpo de tramitación procesual e administrativa coa mesma data en que se produza a toma de posesión no corpo de xestión, co fin de evitar a interrupción na percepción dos seus haberes.

Cuarto. En calquera caso, unha vez dilixenciados os cinco exemplares do acordo de nomeamento coa data de toma de posesión, o secretario do órgano xudicial de destino quedará cun exemplar para o órgano, entregaralle outro ao interesado e remitirá o resto aos seguintes departamentos:

Un exemplar ao servizo de xustiza do departamento territorial desta consellería da localidade correspondente ao órgano xudicial, para que procedan ás oportunas variacións en nómina; un á Dirección Xeral de Xustiza, para o expediente persoal do funcionario; e un ao Rexistro Central de Persoal da Subdirección Xeral de Medios Persoais da Administración de Xustiza, do Ministerio de Xustiza.

Quinto. Os funcionarios interinos que actualmente ocupen prazas que lles fosen adxudicadas aos aspirantes aprobados cesarán o mesmo día en que se produza a toma de posesión do titular.

Sexto. En cumprimento da lexislación sobre incompatibilidades do persoal ao servizo da Administración pública (Lei 53/1984, do 26 de decembro), aplicable ao persoal ao servizo da Administración de xustiza, e en virtude do artigo 498 da Lei orgánica do poder xudicial 6/1985, do 1 de xullo, reformada pola Lei orgánica 19/2003, do 23 de decembro, aqueles participantes que posúan xa a condición de funcionarios de carreira deberán manifestar a súa opción na acta de toma de posesión.

Sétimo. Os funcionarios do corpo de xestión procesual e administrativa aos cales se lles outorga destino en virtude desta resolución, aínda que sexan destinados con carácter forzoso pola orde de cualificación segundo as súas preferencias, non poderán participar en concursos de traslados ata que transcorran dous anos desde a data desta resolución. Para o cómputo dos dous anos atenderase ao establecido no parágrafo segundo do artigo 529.3, da Lei orgánica 6/1985, do 1 de xullo, do poder xudicial.

Oitavo. As prazas ofrecidas aos aspirantes mediante a resolución desta dirección xeral do 22 de marzo de 2011 (BOE e DOG do 6 de abril) e non adxudicadas na presente resolución manteñen a súa condición de desertas.

Contra a presente resolución poderán os interesados interpoñer recurso potestativo de reposición ante o director xeral de Xustiza no prazo dun mes, segundo o establecido nos artigos 116 e 117 da Lei 30/1992, do 26 de novembro, de réxime xurídico das administracións públicas, ou ben recurso contencioso-administrativo ante o xulgado competente no prazo de dous meses contados a partir do día seguinte ao da súa publicación no Boletín Oficial del Estado, segundo o disposto no artigo 9 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de maio de 2011.

Juan José Martín Álvarez
Director xeral de Xustiza

ANEXO

Adxudicación de destinos

Corpo de xestión procesual e administrativa-quenda libre

Ámbito territorial de Galicia

Núm. orde	DNI	Apelidos e nome	Destino adxudicado	Localidade	Provincia
1	33268456	Méndez Oro, Manuel Ángel	Xulgado de Paz	Outes	A Coruña
2	33286302	Tato López, Manuel	Xulgado de Primeira Instancia e Instrución número dous (VSM)	Redondela	Pontevedra
3	34945562	Blanco Pereira, María Dolores	Xulgado de Primeira Instancia e Instrución número tres	Ponteareas	Pontevedra
4	33333369	Rodríguez Jato, Sara	Xulgado do Penal número dous	Lugo	Lugo
5	32835908	Rodríguez Vicente, María Eva	Xulgado de Primeira Instancia e Instrución número dous	Ribeira	A Coruña
6	47356983	Álvarez Álvarez, Carmen María	Xulgado do Mercantil número tres de Pontevedra	Vigo	Pontevedra
7	32648573	Bouzamayor Fernández, Mª José	Xulgado do Contencioso-Adminisirativo número un	Santiago de Compostela	A Coruña
8	52434479	Torres Andrade, M.ª Claudina	Xulgado de Paz	Boiro	A Coruña
9	36092413	González González, Ana Isabel	Xulgado do Penal número un	Vigo	Pontevedra
10	52471150	Villaverde Salgueiro, M.ª Nieves	Audiencia Provincial sección sexta da Coruña	Santiago de Compostela	A Coruña
11	33347238	Vázquez Pampín, Santiago	Julgado de Primeira Instancia e Instrución número tres (VSM)	Vilagarcía de Arousa	Pontevedra
12	44078933	Malvar Méndez, Silvia	Xulgado de Primeira Instancia e Instrución número un	Padrón	A Coruña
13	32646626	Isasi Varela, M.ª del Carmen	Xulgado de Primeira Instancia e Instrución número un	Caldas de Reis	Pontevedra
14	34999188	Míguez Rodríguez, Helena María	Xulgado de Primeira Instancia e Instrución número uno	Caldas de Reis	Pontevedra