A demanda de financiamento axustarase aos seguintes termos:
- Modalidade: préstamo.
- Importe: ata 44.921.086,74 euros, cun mínimo de oferta de 5.000.000 de euros (nun ou en varios tramos).
- Período de disposición: ata o 31 de decembro de 2011 nunha ou en varias disposicións.
- Moeda: euros.
- Modalidades:
Opción A: tipo de xuro variable referenciado a euríbor a 3 meses.
Prazo: 10 anos (incluída carencia).
Carencia: 2 anos.
Liquidacións de xuros e amortizacións: trimestrais.
Opción B: tipo de xuro fixo referenciado ao tipo de oferta do IRS a prazo de 6 anos.
Prazo: 10 anos (incluída carencia).
Carencia: 2 anos.
Liquidacións de xuros e amortizacións: trimestrais.
Opción C: calquera estrutura que a entidade financeira considere que pode ser de interese para SPI-Galicia, S.A.
Prazo: 10 anos (incluída carencia).
Carencia: 2 anos.
(SPI-Galicia, S.A. resérvase, en función dos importes e das condicións financeiras ofertadas, o dereito a optar por calquera das 3 opcións, calquera combinación entre elas ou incluso declarar deserta a adxudicación).
- Garantías: as que deriven do Convenio marco e do PEF global de 2011 aprobado polo Consello da Xunta do 31 de marzo de 2011. O contrato que se asine poderá incluír dentro das causas de vencemento anticipado a modificación substancial do accionariado de SPI Galicia, S.A.
Presentación de ofertas:
As ofertas dirixiranse en sobre pechado á atención do presidente da SPI-Galicia, S.A., praza de Europa, 10 A-5.º, 15707 Santiago de Compostela, facendo constar nel, na marxe superior esquerda, o seguinte:
«Oferta préstamo setembro 2011».
Prazo de presentación de ofertas:
As ofertas deberán presentarse antes das 12 horas do día 28 de setembro de 2011 no Rexistro da SPI Galicia, S.A.
O/os mandato/s será/n outorgado/s no prazo máximo de 8 días, contados desde a finalización do período de presentación de ofertas.
É intención desta entidade pública da comunidade autónoma que a operación se asine sen a intervención de fedatario público. No clausulado do contrato que se vai formalizar poderase incluír a obriga de elevar a público o documento no suposto de que algunha das partes e asumindo o seu custo o requira. Non obstante, se a entidade financeira considera a necesidade de que a operación de endebedamento se asine ante o mencionado fedatario, deberá facerse cargo do gasto correspondente.
Santiago de Compostela, 9 de setembro de 2011.
Ethel M.ª Vázquez Mourelle
Presidenta da SPI-Galicia, S.A.