De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para trámite de audiencia no expediente de reposición da legalidade urbanística IU1/79/2010 a José Manuel Ardións López e a Ana Isabel Pérez Varela, en relación coas obras consistentes na construción dunha edificación, con tipoloxía de vivenda, sobre unha soleira de formigón e un alpendre de madeira, que se levan a cabo no lugar das Palomas, no termo municipal de Oleiros, provincia da Coruña.
O expediente relacionado está á disposición dos interesados na Axencia de Protección da Legalidade Urbanística, sita no edificio Witland, Salgueiriños, Santiago de Compostela.
Os interesados disporán dun prazo de dez días hábiles, contado a partir do día seguinte ao da publicación desta cédula, para examinar o expediente.
Durante este prazo poderán alegar e presentar os documentos e xustificacións que consideren pertinentes.
Para que conste e lle sirva de notificación ao citado denunciado, en cumprimento do disposto no artigo 59.5 da dita Lei 30/1992, do 26 de novembro, expido e asino esta cédula.
Santiago de Compostela, 2 de setembro de 2011.
María Martínez Allegue
Directora da Axencia de Protección da Legalidade Urbanística