Descargar PDF Galego | Castellano

DOG - Xunta de Galicia -

Diario Oficial de Galicia
DOG Núm. 203 Luns, 24 de outubro de 2011 Páx. 31193

III. Outras disposicións

Consellería de Cultura e Turismo

RESOLUCIÓN do 22 de setembro de 2011, da Secretaría Xeral Técnica da Consellería de Cultura e Turismo, pola que se dá publicidade aos convenios de colaboración subscritos por esta consellería no segundo cuadrimestre do ano 2011.

O artigo 11 da Lei 4/2006, do 30 de xuño, de transparencia e boas prácticas na Administración pública galega, impón a cada consellería da Xunta de Galicia a obriga de publicar no Diario Oficial de Galicia unha relación dos convenios subscritos no segundo cuadrimestre por esta consellería.

En consecuencia, e para lle dar cumprimento a esa obriga,

DISPOÑO:

Artigo único. Darlle publicidade á relación dos convenios subscritos pola Consellería de Cultura e Turismo nos meses de maio, xuño, xullo e agosto do ano 2011, que se incorpora como anexo a esta resolución.

Santiago de Compostela, 22 de setembro de 2011.

Antonio Fernández-Campa García-Bernardo
Secretario xeral técnico da Consellería de Cultura e Turismo

ANEXO

Título

Data da
sinatura

Importe

Convenio de colaboración entre a Consellería de Cultura e Turismo da Xunta de Galicia, a Axencia Galega das Industrias Culturais, a Fundación Cidade da Cultura de Galicia e a Sociedade de Promoción Turística de Galicia, S.A. coa Televisión de Galicia, S.A.

7.5.2011

270.161,00 €

Convenio de colaboración entre a Consellería de Cultura e Turismo e a Universidade de Vigo para a realización de prácticas nos museos xestionados pola Consellería de Cultura e Turismo.

18.5.2011

0,00 €

Convenio de cooperación cultural entre a Consellería de Cultura e Turismo da Xunta de Galicia e o Concello de Cerdedo para o acondicionamento e equipamento do auditorio do centro cultural de Cerdedo, cofinanciado polo Fondo Europeo de Desenvolvemento Rexional no marco do Programa operativo Feder Galicia 2007-2013.

8.6.2011

140.000,00 €

Convenio de colaboración entre a Consellería de Cultura e Turismo e a Universidade de Santiago de Compostela para o desenvolvemento do máster oficial en Turismo Urbano e Xestión de Empresas Turísticas.

15.6.2011

20.000,00 €

Convenio de colaboración entre a Consellería de Cultura e Turismo e a Universidade de Vigo para o desenvolvemento do máster universitario en Dirección e Planificación do Turismo Interior e de Saúde.

15.6.2011

20.000,00 €

Convenio de colaboración entre a Consellería de Cultura e Turismo e a Universidade da Coruña para o desenvolvemento do título de máster en Planificación e Xestión de Destinos e Novos Produtos Turísticos.

15.6.2011

20.000,00 €

Convenio de colaboración entre a Consellería de Cultura e Turismo e o Concello de Palas de Rei para a apertura e visitas públicas ao castelo de Pambre.

21.7.2011

14.000,00 €

Convenio de colaboración entre a Consellería de Cultura e Turismo da Xunta de Galicia e a Asociación de Escritores en Lingua Galega para a realización conxunta das seguintes actividades: Os bos e xenerosos 2011; Premios AELG 2011; O escritor/a na súa terra 2011; Encontro Galeusca 2011; Polafía 2011; Roteiros literarios na web e Dixitalización de documentación dos socios/as para a web da AELG.

14.7.2011

20.000,00 €

Convenio entre a Consellería de Cultura e Turismo da Xunta de Galicia e o Concello de Ares para a integración na Rede de Bibliotecas de Galicia da biblioteca pública municipal dependente del.

3.6.2011

0,00 €

Convenio de colaboración entre a Consellería de Cultura e Turismo e a Asociación Gallega de Empresas de Organización Profesional de Congresos (OPC Galicia) para a promoción Turística de Galicia.

11.8.2011

30.000,00 €

Carta de intención en canto ao desenvolvemento da cooperación entre o Goberno da Provincia Autónoma de Trento (República Italiana) e a Comunidade Autónoma de Galicia no ámbito cultural e o turístico.

4.5.2011

0,00 €

Convenio de colaboración entre a Consellería de Cultura e Turismo e a Asociación de Empresas de Turismo de Golf Galicia Destino Golf para a promoción turística do golf en Galicia.

9.8.2011

40.000,00 €

Convenio de colaboración entre a Consellería de Cultura e Turismo e a Asociación de Clubes Náuticos (Asnauga) para a promoción do turismo náutico en Galicia.

24.8.2011

30.000,00 €

Convenio de colaboración entre a Xunta de Galicia a través da Consellería de Cultura e Turismo e a Mancomunidade de Municipios da Mariña Lucense para a realización de actividades de promoción do turismo na Mariña Lucense.

13.7.2011

64.000,00 €

Convenio de colaboración entre a Consellería de Cultura e Turismo e a Confederación de Empresarios de Hostalaría de Galicia (Cehosga) para a promoción turística de Galicia.

30.8.2011

350.000,00 €

Convenio entre a Consellería de Cultura e Turismo da Xunta de Galicia e a Asociación de Veciños O Árbol de Tomiño para a integración na Rede de Bibliotecas de Galicia, da biblioteca pública da asociación.

2.6.2011

0,00 €

Protocolo de colaboración entre a Consellería de Medio Ambiente, Territorio e Infraestruturas e a Consellería de Cultura e Turismo para continuar coa colaboración iniciada por protocolo do 30 de abril de 2010, para levar a cabo a realización da campaña de promoción turística de Galicia e do Camiño de Santiago entre os pasaxeiros de distintas compañías aéreas.

11.7.2011

0,00 €

Convenio de colaboración entre a Consellería de Cultura e Turismo da Xunta de Galicia e a Fundación Antón Losada Diéguez para a realización de actividades arredor da obra de Antón Losada Diéguez.

16.6.2011

9.000,00 €

Convenio de colaboración entre a Consellería de Cultura e Turismo da Xunta de Galicia e a Fundación Valle Inclán para a realización de actividades relacionadas co escritor Valle Inclán.

3.8.2011

25.000,00 €

Convenio de colaboración entre a Consellería de Cultura e Turismo e a Fundación Feiras e Exposicións de Ourense (Expourense) para a realización da 11.ª Edición da Feira Internacional do Turismo Termal, Termalismo, Talasoterapia e Spa Termatalia 2011.

9.8.2011

75.200,00 €

Convenio de colaboración entre a Consellería de Cultura e Turismo, a Fundación Cidade da Cultura de Galicia e o Consello da Cultura Galega en proxectos relacionados co patrimonio cultural de Galicia.

8.6.2011

0,00 €

Convenio de colaboración entre a Consellería de Cultura e Turismo e a Confederación de Empresarios de Hostalaría de Galicia (Cehosga) para a organización da gala I Edición dos Premios Cehosga.

30.8.2011

19.600,00 €

Convenio de colaboración entre a Consellería de Cultura e Turismo da Xunta de Galicia e o Concello de Valga para os traballos de escavación arqueolóxica, consolidación e acondicionamento para a posta en valor do xacemento arqueolóxico de Igrexa Vella de Santa Comba de Louro (Valga-Pontevedra), cofinanciado polo Fondo Europeo de Desenvolvemento Rexional no marco do Programa operativo Feder Galicia 2007-2013.

4.8.2011

135.936,00 €

Convenio de colaboración entre a Consellería de Cultura e Turismo e a Fundación Araguaney, para a realización do Festival Internacional de Cine Euro-Árabe Amal.

22.7.2011

16.878,70 €

Protocolo xeral de colaboración entre a Xunta de Galicia, o Consello da Cultura Galega, a Fundación Cidade da Cultura de Galicia e a Corporación Radio Televisión Española para a coordinación de accións para a dixitalización de fondos documentais de RTVE.

21.7.2011

0,00 €

Convenio de colaboración entre a Fundación Galicia Europa e a Xunta de Galicia, por medio da Consellería de Cultura e Turismo para destacar persoal propio na oficina da fundación en Bruxelas.

22.7.2011

6.964,80 €

Addenda ao convenio entre a Consellería de Cultura e Turismo e a propiedade do Pazo de Meirás para a apertura e visitas públicas ao devandito pazo.

5.8.2011

23.000,00 €