Na sesión ordinaria do Pleno celebrada o 29 de setembro de 2011, prestouse aprobación inicial á modificación do convenio entre o Concello da Pontenova e Xestur Lugo, S.A. do 2 de xuño de 1992, para creación dun parque empresarial en Goios.
De conformidade co establecido no artigo 237 da Lei 9/2002, do 30 de decembro, de ordenación urbanística e protección do medio rural de Galicia (Louga), o texto do convenio sométese a información pública e pode ser consultado nas oficinas municipais, de luns a venres, das 9.00 ás 14.00 horas, tras a inserción deste anuncio no Diario Oficial de Galicia e no xornal El Progreso de Lugo, por un período de vinte días, contado a partir do día seguinte ao da última das publicacións.
Realizado o trámite anterior poderanse presentar alegacións no mesmo período hábil. Se non se producisen alegacións entenderase definitivamente aprobado e, consecuentemente, o texto do convenio devirá definitivo sen ulterior acordo do pleno.
O convenio modificado queda condicionado a súa aprobación e perfeccionamento de conformidade co establecido nos artigos 233 e seguintes da Lei 9/2002, do 30 de decembro. Ata ese momento será plenamente eficaz o convenio subscrito con Xestur Lugo, S.A. o día 2 de xuño de 1992.
A Pontenova, 5 de outubro de 2011.
Darío Campos Conde
Alcalde