De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento a José Antonio Cunha Mera, a José Manuel Martínez Martínez e a Mª de las Nieves Lafuente González para o trámite de audiencia ditado no expediente de reposición da legalidade urbanística COR/002/2013-RP1, en relación coas obras consistentes na reforma dunha vivenda unifamiliar sita no lugar de Seselle-Caamouco, no termo municipal de Ares, provincia da Coruña.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselles saber aos interesados que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Os interesados disporán dun prazo de dez (10) días hábiles, contado a partir do día seguinte a aquel en que se producise a notificación desta cédula, para alegaren e presentaren os documentos e as informacións que xulguen pertinentes.
Para que conste e lles sirva de notificación aos citados denunciados, en cumprimento do disposto no artigo 59.5 da devandita Lei 30/1992, do 26 de novembro, expido e asino esta cédula.
Santiago de Compostela, 13 de marzo de 2015
José Antonio Cerdeira Pérez
Director da Axencia de Protección da Legalidade Urbanística