A Xunta patrocina o concerto de Xabier Díaz e as Adufeiras de Salitre o día 24 no festival ‘Terra Brava’ do Incio
2024-08-13
/documents/35297/1427855/130824+Presentaci%C3%B3n+Terra+Brava.jpg?version=1.0&imagePreview=1
Lugo, 13 de agosto de 2024
A Xunta de Galicia patrocina o concerto de Xabier Díaz e as Adufeiras de Salitre que se celebrará o sábado 24 de agosto a partir das 22.30 horas no marco do festival Terra Brava do Incio, organizado pola asociación homónima.
A Delegación Territorial de Lugo acolleu hoxe a presentación do evento, coa participación do delegado territorial, Javier Arias; o alcalde do municipio, Héctor Corujo, Luis Valcárcel e María Pérez en representación da asociación Terra Brava.
O Concello e a Xunta son os principais patrocinadores do festival, que se iniciará pola mañá con sesión vermú e un xantar popular. Os concertos comezarán ás 20.00 horas, e actuarán tamén Peter Selek, O Val das Mouras, O Sonoro Maxín, e Guezos.
Data de actualización: 13/08/2024