A Xunta presenta ao sector turístico o documento de inicio do Plan reitor de usos e xestión do Parque Nacional Marítimo Terrestre Illas Atlánticas de Galicia

A directora xeral de Patrimonio Natural, acompañada pola directora de Turismo de Galicia mantiveron un encontro esta tarde na Delegación territorial de Vigo

Santiago, 30 de novembro de 2017
  • whatsapp

A Xunta de Galicia presentou esta tarde aos representantes do sector turístico o contido do documento de inicio do Plan Reitor de Usos e Xestión do Parque Nacional Illas Atlánticas de Galicia.

A directora xeral de Patrimonio Natural, Ana María Díaz, xunto coa directora de Turismo de Galicia, Nava Castro, e o delegado territorial da Xunta en Vigo, Ignacio López-Chaves, celebraron unha reunión para informarlles do contido do documento de inicio, presentar as principais novidades do documento, e invitalos a facer achegas e suxestións a este documento, para elaborar o Plan reitor que se tramitará como decreto coas súas correspondentes fases.

Recordou que o PRUX será a folla de ruta na que se detallarán os obxectivos e os criterios de xestión do parque nacional, establecendo a normativa de protección, a regulación de aproveitamentos, a zonificación e as actuacións expostas para o próximos dez anos en materia de conservación, uso público, investigación, seguimento.

Imaxes relacionadas
Data de actualización: 30/11/2017