O director xeral de Maiores e Persoas con Discapacidade, Ildefonso de la Campa, visitou hoxe as instalacións da Fundación Hospital Asilo de Vilalba
A Xunta destaca a importancia dos centros de día especializados en alzhéimer como servizo asistencial e de apoio ás familias

Gabou o traballo realizados polos traballadores e responsables do centro na atención aos usuarios e no asesoramento ás familias

Vilalba (Lugo), 4 de marzo de 2020

O director xeral de Maiores e Persoas con Discapacidade, Ildefonso de la Campa, destacou a importancia dos centros de día especializados en alzhéimer como servizo asistencial e de apoio ás familias. Fíxoo durante unha visita esta mañá ás instalacións da Fundación Hospital Asilo, en Vilalba, onde mantivo un encontro con responsables e usuarios.

Ildefonso de la Campa reiterou a importancia de que administracións e entidades colaboren na procura dunha mellor calidade de vida para todas as persoas. Neste sentido, gabou o traballo realizado polos traballadores e responsables deste centro especializados na atención do alzhéimer e no asesoramento ás familias.

O director xeral sinalou que os servizos deste tipo axudan a mellorar a calidade de vida das persoas usuarias.

Imaxes relacionadas
Data de actualización: 04/03/2020