O xerente do Consocio visita a escola infantil e o centro de día de Curtis

A escola infantil ten catro unidades e un máximo de 61 prazas

O centro de día conta con 25 usuarios

Curtis (A Coruña), 10 de marzo de 2020

O xerente do Consorcio Galego de Servizos de Igualdade e Benestar, Perfecto Rodríguez, participou hoxe nunha visita á escola infantil e ao centro de día do concello de Curtis, acompañado polo alcalde do municipio, Javier Caínzos Vázquez.

Na visita á escola infantil aproveitou para informar sobre a gratuidade das escolas infantís de titularidade autonómica para os segundos fillos e sucesivos que entrará en vigor a partir do 1 de abril de xeito automático nas escolas que xestiona a Xunta de Galicia. A escola infantil de Curtis pertence á rede autonómica a Galiña Azul e conta con catro unidades e un máximo de 61 prazas.

O centro de día entrou en funcionamento a finais do ano 2016 e pouco a pouco foi incorporando usuarios paulatinamente ata acadar os 25 na actualidade. Este centro que pertence á rede de centros de atención aos maiores da Xunta de Galicia presta unha atención terapéutica ás persoas maiores con dependencia ou risco de padecela, promovendo especialmente a súa autonomía persoal. Aínda que a maioría dos usuarios proceden do propio concello de Curtis, outros proceden de concellos da contorna deste municipio como Vilasantar, Oza-Cesuras, Mesía, Sobrado dos Monxes e Coirós.

Imaxes relacionadas
Data de actualización: 10/03/2020