Reiniciase o cómputo dos prazos para a presentación de solicitudes de cinco liñas de axudas de rehabilitación e fomento da vivenda en alugueiro

Os prazos das liñas de incentivos, suspendidos a causa do Estado de alarma, volven a contarse a partir de mañá

Só afecta a aquelas ordes de axudas que estaban convocadas e cuxo prazo inicial de presentación de solicitudes rematou durante o Estado de alarma

Santiago de Compostela, 20 de maio de 2020

A partir de mañá reiniciase o prazo para a presentación de solicitudes de axudas destinadas a actuacións de rehabilitación e ao fomento da vivenda en alugueiro, tal como establece a Resolución publicada hoxe no Diario Oficial de Galicia.

Os prazos de todas as axudas que estaban convocadas foron suspendidos o pasado mes de marzo como consecuencia do Estado de alarma, pola epidemia de Covid-19, e agora reinícianse para aquelas que contribúen á reactivación progresiva da actividade económica e son indispensables para a protección do interese xeral.

As liñas de axudas afectadas son as que xa estaban convocadas e o prazo de presentación de solicitudes rematou durante o estado de alarma. Así, reiníciase o prazo de presentación de solicitudes e de tramitación das seguintes subvencións:

LIÑA DE AXUDA

PRAZO

(días naturais contados a partir de mañá 21 de maio)

DATA LÍMITE

Axudas para mellora da eficiencia enerxética, sustentabilidade, conservación e mellora da seguridade e accesibilidade das vivendas

13
2 de xuño
Infravivenda
48
7 de xullo

Rehabilitación de vivendas de mestres, outros oficios e outras de titularidade municipal

48
7 de xullo

Axudas a promotores de vivendas para alugueiro

26
15 de xuño

Axudas a promotores de vivendas para alugueiro para persoas maiores e persoas con discapacidade

26
15 de xuño

Non obstante, as restantes liñas de axudas convocadas polo IGVS, cuxos prazos de presentación de solicitudes rematan a partir do mes de setembro, non se viron afectadas pola suspensión dos prazos, polo que se poden solicitar ata a data prevista na convocatoria. Concretamente, son as seguintes:

LIÑA DE AXUDA
FIN DO PRAZO
(previsto na convocatoria)

Áreas de rehabilitación dos Camiños de Santiago e das Illas Atlánticas

30 de outubro

Préstamos para rehabilitación de vivendas

30 de setembro

Axudas para adquisición de vivendas en concellos de menos de 5.000 habitantes

30 de setembro

Axudas para adquisición de vivendas en centros históricos

30 de setembro

Bono de alugueiro social

11 de decembro

Data de actualización: 20/05/2020