A Xunta inicia na área compostelá a vacinación fronte á covid a maiores de 80 anos, que o luns se estenderá ao resto de Galicia

A deste venres tratouse dunha xornada piloto do proceso de vacinación

Santiago de Compostela, 19 de febrero de 2021

A Área Sanitaria de Santiago de Compostela e Barbanza realizou este venres unha xornada piloto da vacinación fronte á covid a maiores de 80 anos de Galicia.

Nesta semana, un equipo de 10 traballadores de servizos xerais e un coordinador empezaron a contactar con máis de 34.000 octoxenarios que restan por vacinar na área sanitaria compostelá, e que se sumarán aos máis de 3.000 maiores de máis de 80 anos xa vacinados nas residencias sociosanitarias.

Citouse a 569 persoas en 8 puntos de vacinación para administrarlles a vacina contra a covid.

O persoal de enfermería dos 8 equipos de vacinación da área desprazaranse, a partir do luns e de xeito paulatino, aos 16 puntos de vacinación nos que ata o venres da próxima semana citaranse a uns 5.500 usuarios maiores de 80 anos.

Imaxes relacionadas
Departamento: C. de Sanidade
Data de actualización: 19/02/2021