A Xunta destina máis de 174.000 euros a 18 comunidades de usuarios de augas da área territorial de Vigo para proxectos de mellora nas traídas veciñais

A delegada territorial en Vigo, Marta Fernández-Tapias, visitou hoxe á Comunidade de Usuarios de Augas de Atios no Porriño para comprobar os traballos de reforma e reparación realizados no sistema de abastecemento

O Porriño (Pontevedra), 9 de xuño de 2021

A delegada territorial da Xunta de Galicia en Vigo, Marta Fernández-Tapias, visitou hoxe a Comunidade de Usuarios de Augas de Atios no Porriño para comprobar os traballos de reforma e reparación realizados ao abeiro da orde de axudas para a implantación e o desenvolvemento de mellora da calidade da auga das traídas veciñais.
Segundo informou a representante autonómica, a Consellería de Infraestruturas e Mobilidade, a través de Augas de Galicia, destinou na convocatoria de 2020 máis de 174.000 euros a 18 comunidades de usuarios da área territorial de Vigo para a mellora dos sistemas de abastecemento.

 

ENTIDADE SOLICITANTE

CONCELLLO

AXUDA

CU de Fonte do Can

Cangas

7.620,2

CU Mina do Ferreiro

Mos

3.116,96

CU Os Castros
Mos

5.814

CU de Casal, Casalmorte e Roublin

Mos

8.848,99

CU de Pombal e Pantaño

Mos

15.000

CU de Campo do Monte-Santa Marta

Mos

11.209,44

CU de A Revolta
Nigrán

15.000

CU Rotea-Camos
Nigrán

12.020,16

CU de Atios
Porriño

11.098,39

CU San Jorge de Mosende

Porriño

15.000

CU Río das Cabras

Redondela

10.725,3

CU de Cedeira
Redondela

15.000

CU de Quintela
Redondela

15.000

CU de San Jorge
Salceda de Caselas

3.116,96

CU Traída de Augas de Castro Barreiro

Salceda de Caselas

3.116,96

CU de Condide
Salceda de Caselas

6.058,34

CU de A Picoña
Salceda de Caselas

11.403,91

CU de Naia, Sabaxans e Cortellas

Vigo

5.043,38

 
 

   174.192,99 €

As iniciativas presentadas polas comunidades céntranse na implantación ou mellora dos sistemas de tratamento da auga, tanto de mellora das infraestruturas de almacenamento que inciden directamente na mellora da calidade, como da realización de análises da auga para comprobar a súa calidade antes e despois da intervención.

Para acceder aos incentivos, as comunidades de usuarios deben estar formalmente constituídas e acreditar incumprimentos de parámetros sanitarios da calidade das augas mediante analíticas.

Fernández-Tapias indicou que estas axudas asumen o 80% do importe das actuacións elixidas seguindo os criterios marcados na convocatoria, con ata un máximo de 15.000 euros por proxecto. O 20% do financiamento restante deberá ser achegado pola propia comunidade de usuarios beneficiada, non sendo compatible con outras subvencións ou axudas.

Neste sentido, a delegada territorial destacou o importante papel das traídas veciñais no ámbito rural ao ser, en moitas ocasións, a solución máis eficiente para abastecer a poboacións que se atopan máis afastadas. Neste sentido, a lexislación estatal de augas bríndalles xa un marco lexislativo especial, outorgándolle carácter de corporacións de dereito público adscritas e tuteladas polo organismo de conca.

No caso de Galicia, as especiais características poboacionais, cunha forte dispersión, fan que se teña recorrido de xeito habitual a solucións autónomas para abastecerse de auga potable. De feito, estímase que unhas 600.000 persoas na Comunidade utilizan pequenos sistemas de abastecemento propios, xa sexan veciñais ou individuais

Os Orzamentos de Augas de Galicia para o 2021 manteñen esta liña de axudas ás comunidades de usuarios para mellorar as súas infraestruturas de abastecemento e a calidade da auga, cunha partida de 500.000 euros.

Imaxes relacionadas
Data de actualización: 09/06/2021