A porcentaxe de participación nas probas da OPE do Sergas que se celebran hoxe achégase ao 85%

Presentáronse 881 opositores dos 1.042 convocados

Santiago de Compostela, 25 de setembro de 2021
Compartir
  • whatsapp

Un total de 881 aspirantes acudiron hoxe ao Recinto da Feira Internacional de Galicia, en Silleda, ás probas selectivas da oferta pública de emprego do Servizo Galego de Saúde, iniciadas o 18 de setembro. O número de persoas que se presentaron supón unha participación no día de hoxe do 84,55% (1.042 convocados).

Este sábado estaban convocados os aspirantes a cubrir 286 prazas de facultativo especialista de área das especialidades de anestesioloxía e reanimación; aparello dixestivo; cardioloxía; cirurxía ortopédica e traumatoloxía; farmacia hospitalaria; medicina preventiva e saúde pública; nefroloxía; neuroloxía e psiquiatría.

En anestesioloxía e reanimación presentáronse 174 aspirantes de 211 admitidos (82,46%); en aparello dixestivo presentáronse 84 dos 96 admitidos (87,50%); en cardioloxía 102 dos 117 (87,18%); cirurxía ortopédica e traumatoloxía 112 dos 128 (87,50%); farmacia hospitalaria 146 dos 178 (82,02%); medicina preventiva e saúde pública 28 dos 37 (75,68%); nefroloxía 46 dos 50 (92%); neuroloxía 80 dos 92 (86,96%), e psiquiatría 109 dos 133 (81,95).

Como en anteriores procesos selectivos, para dar cumprimento ás esixencias de obxectividade e imparcialidade na selección das persoas aspirantes, reforzáronse as medidas de seguridade coa posta a disposición dos tribunais de selección dunha plataforma securizada para a elaboración de cada un dos exercicios da fase de oposición, garantindo deste xeito o seguimento de todo o proceso, así como a selección aleatoria e automatizada das preguntas do exame.
 

Imaxes relacionadas
Departamento: C. de Sanidade
Data de actualización: 25/09/2021