A Xunta amosa a un grupo profesionais sanitarios a rehabilitación do edificio para transformalo na Cidade da Xustiza

O vicepresidente primeiro destacou que a maior obra xudicial na historia da comunidade permitirá oferecer unha nova vida a un edifício emblemático da cidadania que durante anos prestou un servizo fundamental para a cidadania e agora será a gran sede xudicial que precisa Vigo e a súa área

Lembrou que o novo inmoble contribuirá á dinamización económica da zona e a súa contorna despois do baleiro que deixou o traslado da actividade do hospital

A Xunta investiu máis de 42M€ na obra que xa está executada em máis do 98% e acollerá 38 órganos xudiciais e máis de 500 traballadores
 

Vigo, 17 de xaneiro de 2022
Compartir
  • whatsapp

O vicepresidente da Xunta, Alfonso Rueda, o conselleiro de Sanidade, Julio García Comesaña e a delegada territorial da Xunta en Vigo, Marta Fernández-Tapias, acompañaron hoxe a un grupo de profesionais sanitarios na súa visita á Cidade Xustiza para amosarlles a nova vida que adquirirá en breve este edificio emblemático da cidade no que desenvolveron a súa vida profesional.

Alfonso Rueda explicou que o inmoble adquire unha nova vida para unha función diferente pero un servizo público que tamén ten gran importancia para a cidadanía. Así, do antigo Hospital Xeral, que desde 1955 a 2015 foi un símbolo da sanidade en Galicia, pasará a acoller a obra xudicial máis importante da comunidade na que se concentrará a actividade do partido xudicial.

A visita asistiron o xerente de área, a directora de Atención Hospitalaria da área e os actuais xefes de servizo de Neurocirxgía, Neumoloxía, Radiodiagnóstico, Ciruxía Vascular e Ciruxía Torácica, Hematoloxía, Dixestivo, Anatomía Patolóxica, Ciruxía Pediátrica, Neuroloxía e Reumatoloxía además dos coordinadores de Admisión e Gestión, supervisoras de enfermería, a directora asistencial e a directora de Enfermería.

Debido á historia do inmoble, indicou que a rehabilitación do antigo Hospital Xeral supón unha homenaxe aos profesionais da sanidade pola súa dedicación ao coidado dos vigueses durante tantos anos. Ademais, engadiu que a Cidade da Xustiza devolverá ao centro da cidade unha nova vida despois do baleiro que quedara co traslado da actividade do Xeral ao novo hospital Álvaro Cunqueiro, contribuíndo así á dinamización económica da zona e da súa contorna.

A Xunta xa ensinou tamén o resultado das obras aos colectivos xudiciais que se trasladarán á nova sede xudicial que precisa Vigo e a súa comarca, onde se concentrarán 38 unidades xudiciais con máis de 500 traballadores, que terán á súa disposición unha escola infantil de 41 prazas para facilitarlles a conciliación laboral e familiar.

Nos máis de 44.000 metros cadrados da Cidade da Xustiza tamén se habilitaron espazos para a Fiscalía de Área, as 2 seccións da Audiencia Provincial e a subdirección do Instituto de Medicina Legal de Galicia (Imelga). A obra supera o 98% de execución e a Xunta prevé solicitar a licenza de primeira ocupación da Cidade da Xustiza ao concello este mes. Trátase dunha infraestrutura moderna, funcional e segura que contou cun investimento do Goberno galego de 42 millóns de euros no marco do Plan de Infraestruturas Xudiciais, dotado con máis de 125 millóns de euros.

 

Imaxes relacionadas
Data de actualización: 17/01/2022