A conselleira de Infraestruturas e Mobilidade, Ethel Vázquez, remitiulle un escrito á alcaldesa pedíndolle a remisión da documentación municipal necesaria
A Xunta remítelle ao Concello de Ponteareas o proxecto da 1ª fase do saneamento da parroquia de Ribadetea e solicítalle a dispoñibilidade efectiva dos terreos
A titular de Infraestruturas e Mobilidade destaca que, unha vez que a administración local traslade a documentación requirida, poderase avanzar na colaboración e concreción do marco de financiamento que posibilite a licitación das obras o máis axiña posible
Trasládalle ao Concello o proxecto construtivo da 1ª fase de mellora do saneamento de Ribadetea, que xa está redactado pola Xunta e suporá un investimento de 1,4 M€
A actuación deriva do Plan Director de saneamento, que prioriza o desenvolvemento dunha nova rede e tres bombeos para recoller as augas residuais nas zonas que se identifican como A Freixa I, A Freixa II e Mourade
Lembra que, a pesar de ser unha competencia municipal, a Xunta está a colaborar, cunha achega de 2,3 M€, co Concello de Ponteareas e Acuaes na execución da ampliación da depuradora da Moscadeira, declarada de interese xeral do Estado en 2018
A ampliación desta depuradora é imprescindible para dotar de saneamento o núcleo de Ribadetea
A Xunta remitiulle ao Concello de Ponteareas a o proxecto da primeira fase do saneamento da parroquia de Ribadetea, solocitándolle a remisión da certificación acreditativa da dispoñibilidade dos terreos e do proceso de información pública.
O obxectivo da actuación é resolver as deficiencias da rede principal de saneamento de Ponteareas, que provocan verteduras ao río Tea, así como reducir as infiltracións de augas brancas na rede de colectores.
Esta ampliación da capacidade da depuradora da Moscadeira é un paso necesario para dotar de saneamento o núcleo de Ribadetea, que depende desta ampliación da depuradora para tratar as augas residuais.
