Actualidade
O concello de Oia remata a pasarela colgante peonil sobre o río Tamuxe en Loureza grazas a unha achega de 90.000€ da Xunta
O delegado territorial en Pontevedra, Luis López, e a alcaldesa, Cristina Correa, supervisaron esta mañá a conclusión desta actuación, consistente na reconstrución da infraestrutura de paso e a adecuación dos accesos no lugar de Acevedo
Ethel Vázquez destaca o investimento da Xunta de 50.000€ na humanización do acceso á estación de autobuses de Carballo para lograr un espazo máis aberto á vila e máis acolledor para veciños e usuarios
Vázquez Mourelle detalla a ampliación do espazo da cafetería, para abrila ao exterior, e un novo acceso peonil polo lado este, desde a rúa principal
A Xunta inicia a construción dunha senda peonil na estrada PO-548 en Cordeiro, no concello de Valga, cun investimento de 737.000€
O delegado territorial, Luis López, acompañado polo alcalde, José María Bello, visitou o comezo destes traballos, que teñen un prazo de execución de seis meses, polo que se agarda que queden rematados ao longo deste ano
A Xunta inicia as obras de mellora da seguridade viaria e da accesibilidade no Complexo Universitario Hospitalario de Ourense
Actúase nos accesos deste hospital público co fin de favorecer a mobilidade, tanto de pacientes como de todo o persoal sanitario
A Xunta adxudica por máis de 260.000 € a redacción dos proxectos de 5 actuacións para reducir o risco de inundación nos concellos de Padrón e de Valga
Cinco empresas redactarán os proxectos construtivos, previstos pola Xunta no marco do Plan de xestión específico para a área fluvial dos ríos Ulla e Sar declarada de risco potencial de inundación, para minimizar o risco de asolagamento nestes dous municipios
A Xunta colabora na promoción do Museo Galego do Ferrocarril, en Monforte de Lemos, cunha achega de 30.000 euros
O acordo ten como obxectivo o mantemento do patrimonio industrial ferroviario do museo, promocionar as actividades de exhibición dos seus fondos e difundir os beneficios socioeconómicos e medioambientais deste medio de transporte
Trenor supervisa o inicio das obras da senda peonil na estrada AC-413 entre Cerceda e Tordoia cun investimento de máis de 120.000€
Construirase unha senda na marxe esquerda da estrada de algo máis de 400 metros, cunha anchura de 2 metros e separada da calzada por un bordo, para reforzar a seguridade viaria e favorecer os desprazamentos a pé dos veciños
Ethel Vázquez anuncia que o Hospital Naval terá a finais do verán o dobre de prazas de estacionamento grazas a un investimento da Xunta de 662.000 €, no marco da renovación da sanidade pública de Ferrol
Habilitaranse 3 novas zonas de estacionamento: unha no norte, contigua ao actual aparcadoiro; outra no sur; e outra na marxe esquerda do viario perimetral
Ethel Vázquez avanza que a finais de ano comezarán as obras de saneamento do río Lameira de Marín, cun investimento de 3,3 M€ para mellorar a calidade das augas da ría de Pontevedra
Mellorarase a rede de saneamento na contorna do río, reducindo a entrada de augas brancas e regulando a derivación de caudal á depuradora en tempo de chuvia
A Xunta recibe 11 ofertas para executar as sendas na Medorra e Paiseo, no Pereiro de Aguiar, San Cibrao das Viñas e Paderne de Allariz, cun investimento de 1 M€
Intervirase na marxe esquerda da estrada OU-101, nas zonas que carecen de espazo para o tránsito de peóns, ofrecendo unha importante mellora da seguridade viaria e da mobilidade aos veciños destes tres municipios, ao tempo que revalorizan a zona
Subscribirse a este listado de novas.