Plans e actuacións

label.Actuacion.eventos

Ten dispoñibles para consulta 130 actuacións:

Vicepresidencia primeira e C. de Presidencia, Xustiza e Turismo

Plan anual da cooperación galega 2020

A Lei 3/ 2003, de 19 de xuño, de cooperación para o desenvolvemento establece no artigo 9 que a cooperación galega articularase a través de plans directores e plans anuais. Os plans anuais serán aprobados polo Consello da Xunta de Galicia a proposta do departamento competente en materia de cooperación para o desenvolvemento previo informe do Consello Galego de Cooperación para o Desenvolvemento.


C. de Medio Ambiente, Territorio e Vivenda

Estratexia Galega de Cambio Climático e Enerxía 2050

A Estratexia Galega de Cambio Climático e Enerxía é a resposta que Galicia quere pór en marcha fronte ao problema global do cambio climático. A Xunta, a través desta Estratexia, quere que Galicia sexa un referente no proceso de cambio do modelo de consumo e uso de recursos naturais mediante a conversión da nosa comunidade nun territorio baixo en emisións e preparado para afrontar os cambios derivados do cambio climático.


Vicepresidencia primeira e C. de Presidencia, Xustiza e Turismo

Plan Estratéxico do Xacobeo 2021

Este plan, froito dun amplo proceso participativo para a súa elaboración, establece os eixes estratéxicos e os programas de acción cara ao Xacobeo 2021, evento singular e único que, poñendo en valor o Camiño e a cultura xacobea, vai vertebrar á sociedade galega e darlle visibilidade no exterior, incidindo positivamente nos desafíos que asume Galicia para a próxima década.


C. de Política Social

Plan de atención ás persoas sen fogar en Galicia 2019-2023

Trátase do primeiro plan  contra o senfogarismo que se pon en marcha en Galicia. Para lograr un maior impacto das medidas, incorpora novos enfoques, potencia a coordinación, e dispón diferentes modalidades de recursos residenciais con distintas intensidades de acompañamento social.
 


C. de Infraestruturas e Mobilidade

Plan Hidrolóxico da Demarcación Hidrográfica Galicia-Costa 2015-2021

Os obxectivos xerais do plan hidrolóxico son a consecución do bo estado e a axeitada protección das masas de auga da demarcación, a satisfacción das demandas de auga e o equilibrio e harmonización do desenvolvemento rexional e sectorial. Estes obxectivos acadaranse protexendo a calidade do recurso, economizando o seu emprego e racionalizando os seus usos, en función da capacidade de asimilación dos sistemas acuáticos.


C. de Emprego e Igualdade

Plan de actividades 2019 do Instituto de Seguridade e Saúde Laboral de Galicia

Son as principais liñas de actividade e programas técnicos do ISSGA nas distintas disciplinas preventivas (seguridade no traballo, hixiene industrial, psicosocioloxía e ergonomía, e medicina do traballo), así como a colaboración e coordinación coas outras unidades directivas con competencias na materia de PRL. Dá resposta ás funcións que corresponden ao Issga como órgano técnico-científico de SST, e á execución do terceiro ano da Estratexia Galega de Seguridade e Saúde no Traballo 2017-2020.


Vicepresidencia segunda e C. de Economía, Empresa e Innovación

Plan de inspección en materia de seguridade industrial na Comunidade Autónoma de Galicia 2019

Apróbase o Plan de inspección en materia de seguridade industrial na Comunidade Autónoma de Galicia para o ano 2019.


C. de Cultura, Educación e Universidade

Plan de Dotación de Infraestruturas Educativas en Galicia 2016-2021

Preséntase o informe de execución e actualización do Plan de Dotación de Infraestruturas Educativas en Galicia 2016-2021.


C. do Medio Rural

Plan de prevención e defensa contra os incendios forestais de Galicia 2019

O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.


C. de Política Social

Estratexia Galega para a Infancia e Adolescencia

A Estratexia Galega para a Infancia e Adolescencia (EGIA) 2018-2020 é un instrumento de planificación das políticas de benestar que a Xunta de Galicia impulsará nos vindeiros anos, dirixidas ao conxunto de nenas, nenos e adolescentes que residen na Comunidade Autónoma de Galicia.