Plans e actuacións

label.Actuacion.eventos

Ten dispoñibles para consulta 101 actuacións:

A Presidencia da Xunta

Axenda Dixital de Galicia 2020

A Axenda Dixital de Galicia 2020 é unha estratexia coordinada e aliñada coas estratexias de ámbito nacional e europeo no que a uso das TIC se refire, que ven reforzar e reafirmar a Estratexia Galega de Crecemento Dixital, introducindo elementos que permitirán maximizar o impacto das políticas tecnolóxicas, como un factor imprescindible e clave para acadar os obxectivos de crecemento económico-social que se marca Galicia para o futuro.

A Presidencia da Xunta

Plan de Banda Larga 2020

O Plan de Banda Larga de Galicia 2020 constitúe a aposta do Goberno galego para asegurar o despregamento e a adopción das novas redes de telecomunicación ultrarrápidas que constituirán as arterias da economía do futuro.

A Presidencia da Xunta

Plan de acción 2015 de dotación e xestión sostible de medios no Posto de Traballo para a prestación dos servizos públicos dixitais a cidadáns e empresas

O Plan de acción 2015 de dotación e xestión sostible de medios no Posto de Traballo para a prestación dos servizos públicos dixitais a cidadáns e empresas recolle as principais iniciativas que a Amtega ven desenvolvendo nos últimos tempos en relación á dotación, supervisión e xestión integral do conxunto de medios materiais e ferramentas TIC empregadas diariamente nos postos instalados tanto para uso directo dos cidadáns coma os que corresponden a postos de traballo do persoal que ofrece os seus servizos na Xunta de Galicia.

C. de Facenda

Plan Estratéxico de Galicia 2015-2020

O Plan Estratéxico de Galicia 2015-2020 é o documento que guiará a senda de recuperación económica, facendo da nosa comunidade un territorio máis atractivo para traballar, investir e convivir.

Vicepresidencia e C. de Presidencia, Administracións públicas e Xustiza

Plan de Investimentos Conxuntos da Eurorrexión 2014-2020

O Plan de investimentos recolle as principais liñas de actuación que vai acometer a Eurorrexión, sendo así un instrumento eficaz para avanzar no camiño do crecemento intelixente, integrador e sustentable que a Estratexia Europa 2020 ten trazado.

Vicepresidencia e C. de Presidencia, Administracións públicas e Xustiza; C. de Facenda

Plan de Mellora da Contratación Pública 2014-2016

O Plan de Mellora da Contratación Pública 2014-2016 é unha folla de ruta elaborada pola Vicepresidencia e a Consellería de Facenda para seguir impulsando a modernización da actividade contractual do Goberno galego, co obxectivo de culminar o proceso a mediados do ano 2016.
 

C. de Infraestruturas e Mobilidade

Plan de Seguridade Viaria de Galicia 2016-2020

O Plan de Seguridade Viaria de Galicia 2016-2020 da Xunta de Galicia, que foi elaborado coa colaboración da Asociación Española de la Carretera (AEC), ten como obxectivo principal obter unha taxa de 34 falecidos en accidente de tráfico por millón de habitantes no ano 2020.

C. de Economía, Emprego e Industria

Estratexia de aforro e eficiencia enerxética no sector público autonómico de Galicia 2015-2020

Unha das iniciativas emblemáticas da Unión Europea no horizonte do ano 2020 baséase nun emprego máis eficaz dos recursos que permita acadar unha economía máis eficiente, desligando o crecemento económico do uso intensivo de recursos e de enerxía, reducindo as emisións de CO2, reforzando a competitividade e promovendo unha maior seguridade enerxética.

C. de Educación, Universidade e Formación Profesional

Plan Galego de Financiamento Universitario 2016-2020

O Plan Galego de Financiamento Universitario 2016-2020 ten como obxectivos establecer un horizonte financeiro amplo de suficiencia e estabilidade para que a Xunta de Galicia e institucións públicas de ensino universitario desenvolvan as súas políticas; definir criterios explícitos de asignación dos recursos públicos en base aos resultados en docencia, investigación e transferencia; estimular a adecuación da oferta docente ás demandas sociais, reorientándoa, potenciando a formación continua, a actividade investigadora e a transferencia tecnolóxica e promovendo a mellora da calidade.

A Presidencia da Xunta

Plan Senda 2020

O Plan Senda 2014 supuxo un cambio substancial no tocante á modernización da administración de xustiza e no achegamento á cidadanía. Durante estes catro anos, lográronse avances que fan posible a definición e execución de moitas das iniciativas deste novo Plan Senda 2020 desde o punto de vista organizativo, funcional e tecnolóxico.