Plans e actuacións

label.Actuacion.eventos

Ten dispoñibles para consulta 133 actuacións:

C. do Medio Rural

Plan de prevención e defensa contra os incendios forestais de Galicia 2017

O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.


A Presidencia da Xunta

Plan de software libre 2017

A Amtega renova un ano máis a súa aposta polo uso do software libre recollida na Axenda Dixital de Galicia 2020 (ADG2020) como un dos principios para a xestión eficiente das distintas iniciativas.


C. de Emprego e Igualdade

VII Plan estratéxico de Galicia para a igualdade de oportunidades entre mulleres e homes 2017-2020

O VII Plan Estratéxico de Galicia para a igualdade de oportunidades entre mulleres e homes é o instrumento marco para reducir as brechas de xénero existentes nos distintos ámbitos, e avanzar na consecución da igualdade efectiva de mulleres e homes.


C. de Cultura, Educación e Universidade

Plan LÍA 2016-2020 de Bibliotecas Escolares para a Lectura, a Información e a Aprendizaxe

O Plan LÍA 2016/2020 de Bibliotecas Escolares é a folla de ruta da que se dotou a Consellería para continuar o seu traballo a prol das bibliotecas escolares e o fomento da lectura nos vindeiros anos.


Vicepresidencia primeira e C. de Presidencia, Xustiza e Turismo

Plan Director e Plan Estratéxico do Camiño de Santiago en Galicia 2015-2021

O Plan Director do Camiño de Santiago 2015-2021 supón unha ferramenta de xestión para a Xunta de Galicia e unha folla de ruta que marca as directrices para favorecer a conservación e protección do Camiño na nosa Comunidade autónoma, atendendo a todos os axentes, públicos e privados, implicados no mesmo.


C. de Política Social

Plan Operativo de Inclusión Social 2015-2016

O Plan Operativo de Inclusión Social 2015-2016 constitúe a primeira fase de implantación da Estratexia de Inclusión Social de Galicia 2014-2020. O documento recolle máis de 300 accións que a Xunta de Galicia ven desenvolvendo ou ten previsto facelo neste bienio para acadar os seus obxectivos.


C. de Emprego e Igualdade

Estratexia Galega de Seguridade e Saúde no Traballo 2017-2020

Á Xunta de Galicia lle corresponde deseñar, xunto cos interlocutores sociais, as políticas públicas en seguridade e saúde  no traballo. Con esta estratexia defínense os obxectivos, e reflíctese para cada un deles as liñas de actuación e medidas concreta. Ten un período de vixencia 2017-2020.


C. de Emprego e Igualdade

II Programa da Unidade de Muller e Ciencia 2016-2020

O II Programa Galego de Muller e Ciencia 2016-2020 ten como obxectivo lograr a igualdade real e efectiva entre mulleres e homes nos ámbitos social e laboral modificando valores, actitudes e estereotipos que sustentan a desigualdade nos ámbitos científico e tecnolóxico e potenciando a participación das mulleres en condicións de igualdade. O papel esencial que ten a investigación e a innovación no esforzo por un crecemento intelixente, sostible e inclusivo en Europa implica facer un uso completo do capital humano, incluíndo a mulleres e homes por igual. Por iso, a Estratexia Europa 2020 expón a redución das desigualdades de xénero no mercado de traballo como un dos factores esenciais para un crecemento intelixente, sostible e integrador.


C. de Emprego e Igualdade

Plan de actividades 2017 do Instituto Galego de Seguridade e Saúde Laboral

Son as principais liñas de actividade e programas técnicos do Issga nas distintas disciplinas preventivas: seguridade no traballo, hixiene industrial, psicosocioloxía e ergonomía, e medicina do traballo. Así como a colaboración e coordinación coas outras unidades directivas con competencias na materia de PRL. Dá resposta ás funcións que corresponden ao Issga como órgano técnico-científico de SST, e á execución do primeiro ano da Estratexia Galega de Seguridade e Saúde no Traballo 2017-2020.


C. de Facenda e Administración Pública

Plan galego de estatística 2017-2021

Mediante a Lei 15/2016, do 28 de xullo, do Plan galego de estatística 2017-2021 regulouse e aprobouse o instrumento de ordenación e planificación da actividade estatística da Comunidade autónoma de Galicia.